Assalmu'alaikum wr. wb. Sambah ditarimo, lah sampai dek Sutan Rangkayo Labiah, kini kami nan baliak batanyo.
Kok maaf insya Allah indak kakurang dikami, salamo nan katangah lai nan bana. Nan banamo nagari Palembayan itu iyo laweh, dima ko jalehnyo korong jo kampuang sanak. Nan kaduo, Sutan Rangkayo Labieh lai tadanga sabagai gala pusako, sio koh niniak jo mamaknyo sia nan tahu mungkin sajo awak karik-bakarik dek karano luhak nan tigo itu asanyo ciek juo. Nan katigo, dek karano nan bagala Sutan Rangkayo Labieh itu indak mungkin surang sajo di Luhak nan Tigo sarato jo Rantau dakek dan Rantau Jauah, kami raso Elfanzo Remis gala Sutan Rangkayo Labieh bukannyo urang nan samo jo "esteranc" nan dulu acok pulo bakicau di milis iko, agiahlah kami konfirmasi. Kalaupun samo indak kabaa juo, bia no tarang bak basuluah matoari. Salam St. Bagindo Nagari ----- Original Message ----- From: "Elfanzo Remis" <[EMAIL PROTECTED]> To: <[EMAIL PROTECTED]> Sent: Wednesday, August 20, 2003 12:33 PM Subject: Re: [RantauNet.Com] Sasok jarami jo pauang panji > Sampai Mak Sutan, > > Pabanyak maaf kok ambo tabanyak longsong > Kok sakik di badan, iyolah mamak nan mantari juo ka paubek > Kok sakik di hati, kama badan ka dibaok > Ambo nan kaciak mandahulu sambah ka Mamak > > Tiado mukasuik nak basuruak muko > Kok suku iyolah Koto > Kok kampuang banamo Palembayan > Bagala Sutan Rangkayo Labieh > Dek barek rasono di bahu ambo > Kayo indak, balabiah apolai, > Sutan Baribeh meang lah nan taraso di ambo > Kok Datuak jo Mamak ka berang ka ambo > Ambo tarimo jo lapang dado > > Kok Mamak pernah ka Palembayan > Nan kato urang Baraik endangered species > Ano sejenis Beruang pamanjek durian > Panyungkeh batang kayu > Hampie punah dek karano prasangko jo pradugo > Baso ano ko babahayo > Nan sabananyo jo mato korek ano tabang hambua > Nan tatokok batang hiduang ano marauang > Urang basorak ano manyuruak > Tapi sansai juo dek urang Nagari > Dek anggap ano ko hamo sarato bahayo > > "Jauhilah prasangka karena sebagian besar adalah hasutan setan." > > Nyambung nggak tuh? He..he...he. > > Salam > Elfanzo Remis St Baribeh > > RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
