Assalamualaikum wr wb Mo kasih Mak St. Bangsawan ateh penghargaannyo ka ambo, Dunia kesehatan tu subananyo laweh pulo mah Mak. Ambo saketek mangarati di bidang pengobatan modern (western medicine), lebih dipasampik spesialisasi ambo di bedah tulang. Ambo yakin banyak pulo nan mandalam kaji nyo dibidang kesehatanko baik caro timur (tenaga dalam, sinse, badah ayam, dll) maupun caro barat (ahli biologi, ahli kimia, farmasi dllsb). Sarupo Uda Andria nan kini di Japang ruponyo Liau ko ahli bana jo ilimu DNA. Karajonyo mambulak baliak DNA di nagari Sakura tu (maaf Da talonsong ambo). Prinsipnyo ambo akan mancubo manjawek sejauh nan ambo tau barikuik dalil2nyo. Kalau adoh nan punyo pandangan lain ambo raso kaluan se lah. Atau kalau adoh nan ka manambah silakan sajo. Ambo raso akan banyak gunonyo minimal untuk pengetahuan ambo. Ambo dengan sanang hati akan manjawek kalau adoh dunsanak nan batanyo (bakonsultasi gratis kecek urang) ka ambo di bidang kesehatan nan ambo geluti. Silahkan sajo... Daram se lah. Jaweknyo capek jo lambek akan ambo usaho an. Mudah2an ambo duduk di siko lai banyak guno bagi kito sadonyo...
Wassalam Rahyussalim -----Original Message----- From: [EMAIL PROTECTED] [mailto:[EMAIL PROTECTED] On Behalf Of [EMAIL PROTECTED] Sent: 08 September 2003 1:13 To: [EMAIL PROTECTED] Subject: [RantauNet.Com] Pembagian narasumber setiap topik diskusi Importance: High Ass,wr,wb. Dunsanak Rahyussalim, angku doto nan kami hormati, dengan munculnyo dunsanak di diskusi nan dilewa kan di RN ko, mako semakin komplitlah warna-warni diskusi di sidang RN ko. Dulu sabalunko diskusi hangek tentang agamo nan dikaikkan dengan dunia politik, sudah tu dunsanak di RN ko lah heboh pulo masalah dapua, masalah resep makanan dan dunia salero, sasudah tu masalah journey dan pengalaman perjalanan/dunia pariwisata termasuk tentang keindahan nagari kito masiang2 dan kini masalah dunia kesehatan. Ambo sangai tertarik ateh ulehan dan komentar dunsanak Rahyussalim masalah dunia pengobatan ko, kalau buliah dan kito sidang RN setujui, dunsanak Rahyussalim ko kito angkek sebagai narasumber untuak hal diskusi kesehatan di RN ko, masalah ugamo mungkin dunsanak Uwan di Pakanbaru sebagai tampek batanyo, masalah diskusi dunia pariwisata, Uda Zul kito nan di Bali sebagai kapalo araknyo dan masalah politik jo pernak-perniknyo dunsanak kito IJP sebagai goal getternyo dan terakhir masalah dunia wanita kito sarahkan ka kaduo dunsanak kito Cysca jo Rahma nan baiak hati kucindan lamak untuak maramunyo. Sabananyo masalah dunia wanita ko ambo alah kanai hati jo Bundo Nismah, tapi baliau kalihatannyo sadang alun turun bukik, mungkin sadang maasah ilimu untuak turun gunuang pado episode barikuiknyo, salam hormat ambo buek Bundo Nismah, sakali2 turun juo lah ka galanggang RN ko, bia taubek rindu kami. Itu nan takana diambo, kok ado dunsanak nan kamanukuk'i dan menambahnyo silahkan. Ambo mintak maaf ka sidang RN, kok talantuang dek kanaiak, tasipak dek katurun, ka Tuhan ambo mintak ampun. Jayalah RN. Wassalam, M.St.Bangsawan (46 th 5 bl 10 hr) Rang Sulik Ayie di Pusri Palembang RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
