ŧ���mm�����k�m w�r�hm�t����h� w����k�t�h Persis sarupo nan ambo pakirokan dan alah disampaikan sampaikan dari dulu ... bahwa kalau satiok awak ka sakalamak paruik sajo posting ka Palanta RantauNet, artinyo awak mam bao Palanta RantauNet ko ka manjadi sarupo MinangNet atau Proletar. Dan rasonyo bukan itu nan kito tuju ... dek kito basamo tantu sajo bacito-cito manuju ka sebuah komunitas mailing list nan babeda, nan penuh dengan nuansa kekeluargaan antaro sasamo urang Minang dalam silaturahmi nan elok.
Untuak nan kasakian kalinyo ambo sampaikan ... katiko sacaro sapihak masiang-masiang awak baharok atau man definisikan milis akan sasuai jo keinginan/pemikiran awak ... iko lah jadinyo. Tolong dibaco bana posting nan pernah ambo sampaikan, dalam email ambo sabalumnyo dibawah. Dari pengamatan ambo ... ado 2 kategori anggota, nan mangakibatkan manjadikan bagalau nyo Palanta RantauNet: 1. Dari nan paham bana karakter milis. Nan dikategori iko ... kecenderungan nyo datang ka milis: -datang jo namo nan asal sajo, bukan namo asli. Nan barani dengan namo asli, biasonyo jo misi-misi khusus nan ka disampaikan, ataupun 'bakareh arang' manyampaikan nan ado dikapalonyo secara sepihak. -sakadar badiskusi, sakadar beda pandapek ... marintang-rintang hari di kantua. -posting cubo-cubo kapandaian, dan indak batangguang jawab untuak setiap posting nyo. 2. Dari nan memang indak paham (indak mangarati) ataupun indak namuah mamahami karakter milis. Nan kategori iko ... dengan sagalo niek baiak dan kebanggaan nyo jo Minangkabau, kecenderungannyo (ma'af) suko baharok milis ka sasuai jo apo nan di inginkannyo. Sahinggo katiko posting indak sasuai jo pandapek, pemikiran, ilmu dan isi kapalonyo .... tajadilah reply nan indak paralu sahinggo mampakaruah keadaan. Pemahaman nan paliang parah lain ... maraso mailing list Palanta RantauNet samo jo milis-milis nan ado di yahoogroups.com. GRATIS ... indak ado sumber daya dan dana nan di bayie untuak operasionalnyo. Padohal Palanta RantauNet ko di biayai jo pitih, jo tanago, jo pemikiran. Jadi ... tolong bana dimangarati dan di haragoi itu. Dan sebaiknyo seluruh awak disiko indak manjadikan Palanta RantauNet ko jadi useless sakadar parintang-rintang hari sajo. Tugas awak basamo lah nan harus menyikapi, supayo Palanta RantauNet ko indak bagalau. Barangkeklah dengan ke ARIFAN untuk sebuah KESADARAN KOLEKTIF, hindari kito terjerumus kadalam 2 kategori nan ambo sampaikan di ateh. Pahami karakter milis jiko alun paham, dek kecenderungan milis selalu sarupo iko. Jiko paham karakter milis ... tolong bana dijago, dek Palanta RantauNet ko memang dibuek dari awal dengan misi dan visi kekeluargaan dan silaturahmi. Kalau sakadar posting ... iko pandapek, pemikiran, ilmu dan isi kapalo den, di pihak lain mangecek juo nan lain samo sarupo itu. Di ujuangnyo kalau bakareh arang sajo sarupo iko akibatnyo nyo: jadi tampek bantah-bantahan tidak produktif (debat kusir nan tak berkesudahan) jadi tampek batele-tele bagurau sasuko hati jadi tampek mamasokan pikiran/pandapaek ka urang lain jadi tampek meremehkan/mampamalukan orang lain jadi tampek yang tidak sadar memaki-maki orang jadi tampek menebar gosip murahan atau malah fitnah W姧��mm�����k�m w�r�hm�t����h� w����k�t�h -------- MIKO --------
--- Begin Message --- Title: Messageŧ���mm�����k�m w�r�hm�t����h� w����k�t�h,
Ambo sedang kusuik sajo alah 2 minggu ko. Rasonyo indak sempat sajo manulis email ka Palanta kalau lah duduak di muko komputer ... ;-)
Ambo cuman ka ba pasan, kalau awak jadi anggota milis ... salah bana kalau sacaro sapihak masiang-masiang awak baharok atau man definisikan milis akan sasuai jo keinginan/pemikiran awak.Sejatinyo mailing list hanyalah tampek bakirim email dari perorangan ka komunitas. Indak murni tampek ba diskusi doh, indak murni tampek batuka jo babeda pandapek. Artinyo kalau mangirim email ka mailing list, sa tuo apopun umua awak, sa tinggi apopun ilmu awak, sa bapangkek apo pun status sosial awak ... harusnyo awak harus selalu ba sikap sarupo mangirim email pribadi ka urang nan awak hormati atau nan awak sagani. Dek sulik awak ka tahu sia sajo nan ka mambaco posting awak tuh.
Buliah-buliah sajo mam posting ka mailing list, informasi-informasi, ide-ide, ka ba diskusi, ka ba beda pandapek atau ka bagarah-garah sakahandak hati ... tapi harus ingek awak, umua, caro ba pikie, pangalaman dan latar belakang pengirim email itu pasti babeda jo banyak urang di komunitas nan ka manarimo email itu. Tugas kito basamolah manjago posting-posting awak indak ka manyingguang urang, jadinyo ka manggadang-gadang kan masalah atau posting ka mailing list jo caro nan katuju dek awak surang sajo. Mulailah dari diri awak surang-surang untuak bisa manjago posting awak, silaturahmi awak basamo dan ketenangan mailing list itu.
Bagi nan manarimo posting dari mailing list ... kalau indak sasuai email nan ditarimo jo caro/pemikiran awak, cubo lah labieh dahulu minta klarifikasi lagi tentang email itu. Acok indak bakasudahan jadinyo kalau awak tapanciang ma reply juo hal-hal nan jaleh-jaleh indak sasuai jo caro/pemikiran awak nan memang alah babeda itu. Kadang ... mandiamkan sajo email nan indak sasuai jo caro/pemikiran awak itu, labieh baiek dari pado ma reply nyo.
Iko pangalaman nan alah ambo alami dan ambo cubo sharing ka dunsanak kasadonyo, dek ambo alah ba mailing list ria sejak tahun 1994 taruih-manaruih. Dan dinamikanyo memang ba beda dari maso ka maso.
Akhirnyo dari ambo, sakali lai tolong bana ... ijan didefinisikan mailing list Palanta RantauNet ko jo keinginan/pemikiran awak surang-surang. Hati-hati ... dek acok tajadi tanpa disadari kadang awak terjebak ka manjadikan Palanta RantauNet jadi tampek galanggang nan sasuai jo keinginan/pemikiran awak pribadi. Cubo lah salalu manjago apopun materi posting nan ka dikirim ka Palanta agar energi yang dikaluakan dari sisi server dan penerima email (komunitas mailing list) indak tabuang percuma. Mailing List RantauNet ko punyo awak basamo, jadi tugas awak kasadonyo untuak manjago dinamika baiak dan buruaknyo nan ka tajadi di Palanta RantauNet awak ko.
Tarimo kasih dan maaf dari ambo ....
W姧��mm�����k�m w�r�hm�t����h� w����k�t�h
--------
MIKO
Administrator RantauNet
--------
--- End Message ---
