Kini sdg "bakutincak" diskusi parawisata Minang di biliak potensi Minang, kalau lai ado nan ka ikuik bisiakkan ka [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ass,wr,wb. Para dunsanak kasadonyo, mungkin ado nan lupo bahwa tanggal nan samo 38 tahun nan lalu adolah hari bersejarah bagi perkembangan Negara Kesatuan Republik Indonesia (NKRI). Pado tanggal 30 September ko banyak korban nan tajadi, ambo pado wakatu itu masih ketek bana, masih bau anyie kecek rangtuo kito, umua 8 tahun masih duduak di kelas duo SR di sebuah kota nan wakatu itu alun jadi ibukota Propinsi yaitu Kota Bangkahulu. Takana diambo wakatu itu sikolah ditutuik, sirene babunyi dan banyak tantara nan bakaliaran. Masih takana diambo, ado guru dan kapalo sikolah kami nan tidakannyo agak kejam kapado anak muridnyo sebelum G-30-S tu malatuih, eee... ternyato baliau tu terlibat PKI dan Gerwani, pantaslah guru tu agak sedikit kejam tindak tanduknyo. Memory ambo indak banyak nan bisa ambo tuangkan baliak di palanta kito, mungkin ambo dek ketek bana pado wakatu itu atau ambo indak berbakat manulih saroman Uda Zul Bali. Jadi sekedar untuak maingek-ingek, tolonglah ka Mamak2 atau Uda kito nan masih takana carito wakatu 30 September 1965 tu tolong di tulihkan disiko. Iko bukan marupokan tulisan/topik berbau politik (SARA), hanyo sekedar maingek'an bahaso 38 tahun nan lalu ado sejarah nan harus indak buliah kito lupokan agar PKI dan akar2nyo indak hiduik lai di Bumi Pertiwi ko.
Wassalam, Mulyadi St.Bangsawan (46 satangah) Sadang mancangkua di Pusri Palembang ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ----------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ============================================
