Server RantauNet berjalan atas sumbangan dan kerjasama dari para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Bundo, Ambo urang nan taralah duduak di suduik palanta, limbak pun baitu talingo Ambo taruih malewa maikuik sadonyo carito nan kamuko. Ambo sapaladangan jo Uwan Nadri saaduddin, bahkan sabalahan rumah,kodak Bundo maso ketek sakaluarga talakik pulo Ambo cigok. makonyo tasirok darah Ambo mandanga pernyataan Bundo ka kalua dari Palanta ko RN nan susah payah Bundo tagakkan, kini Bundo tinggaka jo hati nan lintuah, maninggakan Kami nan sadang arek manyusu, tantu bak ayam kailangan induak, umua nanbaru sataun jaguang darah nan baru satampuak pinang, alun pandai mangakeh jo mangaih, joa di tantang lauik nan sati rantau nan batuah, joa ditampuah galanggang rami, joa di ajuak dalam nyo lauik sati, iyo kalam rasonyo pamandangan. mangkonyo Bundo kami paralukan, satidaknyo manganakan nan lupo manjagokan nan takalok, di Kami nan mudo, mato ari baru kanaiak,hari nan pagi galok-galok haniang, alun tantu apo nan kadipabuek, indak jaleh ma nan picak manan bulek,alun paham jo rantiang nan kamalata, alun tau ma duri nan kamancucuak, alun taraso karehnyo saga. untuak itu Ambo mohon jo muko nan janiah hati nan suci, baliakkan lah langkah Bundo, bia Ambo insuik duduak katangah buliah dapek juo malarai rang mudo nan tageh tageh nyo bapakaro silang sangketo, Ambo yakin di baliak pandakian ado manurun, sasudah kareh tantu ado lunaknyo ,mudah mudahan sasudah karuah dapek dijaniah kan baa caronyo, duduak surang mangkonyo sampik duduak basamo mangkonyo lapang,kito cubo pulo parundiangkan. Balaku handak nyo pinta buliah handaknyo kandak kami, tarimokasih jo karilaan Bundo. wassalam irwandi, di Duri ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ----------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ============================================
