Server mailing list RantauNet berjalan atas sumbangan para anggota, simpatisan dan
semua pihak yang bersedia membantu. Ingin menyumbang silahkan klik:
http://www.rantaunet.com/sumbangan.php
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ass,wr,wb.
Dunsanak Rarachm dan Z.Chaniago nan ambo hormati sarato netter RN
kasadonyo, ambo paralu klarifikasi dan supayo jaan jadi polemik terhadap
postingan email ambo terdahulu (mohon Rach... jaan dianggap iko ambo
berang). Ambo tu bukan menganjurkan tidak boleh berdiskusi di bulan puaso
ko dan berfatwa kayak Majelis Ulama sajo.
Tolong dibaco lai labiah teliti postingan ambo tu dengan pelan2 dan
inok2-i bana, nan ambo anjurkan adolah stop membicarakan Topik yang
berpotensi menjadi polemik di Bulan Puaso nan suci ko, sebab dengan topik
nan ambo perhatikan dari hari kehari sabalum puaso kapatang banyak nan
menjurus dan mengarah ka berpotensi untuak mambuek kito saliang pro dan
kontra, seseorang mendukung nan lainnyo dan nan lainnyo manunjuakan
kontranyo, akhirnyo kito netter RN ko akan terbelah-belah satu samo
lainnyo, saliang manunjuakkan awak surang nan bana, saliang menjatuhkan
lawan diskusinyo dan rasonyo kalau kito taruikan dibulan puaso ko akan
membuek pahalo puaso kito akan berkurang bahkan mungkin hilang.
Jadi mengapo indak kito hindarkan sajo samantaro wakatu hal nan saroman
iko di bulan puaso ko. Mari kito cari topik nan ringan2 sajo (liek
postingan ambo nan terakhir dengan topik :"Nuansa ke-Minangan sudah
memudar dipalanta kito"). Nanti sasudah Lebaran baru kito bukak diskusi
dengan topik nan hangek lagi.
Ambo tu indak diktator dan normatif2 amat, tapi kalau norma2 tidak kita
tegakkan, maka sopan dan santun tidak akan ada lagi di dunia ko.
Kito tetap sajo berdiskusi, tapi nan ringan2 sajo, dunsanak Z.Chaniago nan
arif bijaksano, urang nan tahu hereang jo gendeang, tolong dicerna bana
apo esensi dari nan ambo posting terakhir nan di komentari oleh Rarachm
tu, ambo menganjurkan marilah kito jago hati kito, tanpa ingin menggurui
dan mengkebiri keinginan kito untuak badiskusi.
Cubolah kito baco senek pepatah-petitih urang2 tuo kito daulu dibawah ko :
Asiang luko nan lain ditamba
Asiang tanyo asiang jawab
Asiang sakik lain nan diubek
Asiang biduak kalang dilatak
Lain nan gata nan lain digauik
Kini gata bisuak digauik
Atok ijuak parabuang upiah
Katupek katumbang bulu
Dibari batali aka
Kapalo samo babulu
Pandapek babeda-beda
Sasuaikan muluik jo hati
Jan lain dilua lain didalam
Maundang doso kok mungkie janji
Lah tabedo jadi sasalan
Lain talam lain baki
Lain urang lain hati
Biaso di sayak dibao katalam
Biaso di awak dibao kakawan
Sisuguik nan bautang
Sijangguik nan mambaie
Indak sarupo tapi saroman
Sajanang balain ukie
Lapang lai taleso indak
Aie Bangih jalan ka Tiku
Basimpang jalan ka Sintuak
Buah manih baun katuju
Sayang di dalam batambiluak
Daulu rabab nan batangkai
Kini cubadak nan baguno
Daulu adaik nan bapakai
Kini lagak nan baguno
Sakian se sanak nan baduo dan netter RN lainnyo, mari kito jago hati kito
masiang2, mari kito badiskusi nan cocok jo nuanso puaso ko. Mari kito
parelok niat kito masiang2, aa bana tujuan kito jadi members di RN ko.
Salam kompak dan salamaik bapuaso hari nan katigo.
======================================================================
Alam Takambang Jadi Guru
======================================================================
Wassalam,
Mulyadi St.Bangsawan (46 +)
Rang Sulik Ayie di Pusri Palembang
> ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
>
> Assalamu'alaikum WW
>
> ... sapandapek awak tu Rach......
>
> bagi ambo pribadi..... ndak ado nan babedo wakatu puaso jo ndak puaso....
> ndak paralu pulo awak manahan emosi kalau harus emosi......walau itu bulan
> puaso ndak paralu pulo awak harus cool down dalam berdiskusi kalau sadang
> puaso..... taruih sajo lah berdiskusi ......
> ndak ado pulo doh contoh di zaman rasul (Satau ambo) harus mangurangi
> aktifitas salamo ramadhan...
>
> terlalu berlebihan bana tampaknyo dengan puaso tsb
>
> nan babedo 'paling' hanyo keterbatasan fisik nan biasonyo kuaik naiak
> menara
> 10 kali... kini hanyo talok 3 kali......
>
> jadi.........mari kito isi ramadhan dengan tetap berdiskusi.....semoga
> dengan diskusi tsb bisa dapeh pahala nan balipek gando.......
>
> Z Chaniago - Palai Rinuak -http://photos.yahoo.com/bada_masiak/
>
> ======================================================================
> Alam Takambang Jadi Guru
> ======================================================================
>>From: "rarachm" <[EMAIL PROTECTED]>
>> >
>> > Ass, wr, wb.
>> >
>> > Astaghfirullah al 'azim.
>> > Kito sadang puaso, ancak dihantikan sajo membahas topik ko.
>> >
>> > Jagalah hati.....
>> > Jangan kau kotori.......
>> > Jagalah hati.....
>> > Lentara hidup ini .....
>> >
>> > Wassalam,
>> > Mulyadi St.Bangsawan
>> >
>> > ----- Original Message -----
>> > From: "Ronald P. Putra" <[EMAIL PROTECTED]>
>>
>>
>>Ketika seseorang berpuasa, dan dia melihat ada kekhilafan, dan dia
>>sekedar menghindar saja; tanpa berusaha melakukan perbaikan.....
>>
>>Apakah puasa kita semua harus bertapa?
>>
>>Siapa dong yang jaga warung?
>>
>>(uppsss... 'dong' itu berarti rarach udah luntur keminangannya...)
>>
>>Om Mulyadi, tahukah om bahwa om cenderung untuk berfatwa dan normatif
>>sekali? Om tidak membuka kesempatan berdiskusi, padahal bukankah itu
>>lebih baik?
>>
>>
>>jagalah hati...
>>jagalah hati...
>>jagalah hati...
>>
>>
>>(dilarang berang di bulan puasa)
>>
>>
>>~rarach
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ingin memasarkan produk anda di web RantauNet http://www.rantaunet.com
Hubungi [EMAIL PROTECTED] atau [EMAIL PROTECTED]
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Isikan data keanggotaan anda di http://www.rantaunet.com/daftar.php
----------------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
========================================
