Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ma sagalo adidunsanak jo anak kamanakan di sagalo suduik bumi Allah, Assalamu'alaikum w.w. Ambo mohon maaf ka sagalo adidunsanak jo anak kamanakan dek lah ampia 3 bulan ko ambo jarang maampia ka lapau dek banyak masalah iduik nan dihadapi. Tapi tiok ari ambo lakik-an juo mandownload imel nan talungguak di server ISP tapi indak sempat mambaco ciek-ciek. Pagi ko, 2535 imel nan masuak di RN sabalun 24-10 ambo lungguakan sajo di folder khusus, sia tahu, bisuak dunbisuak ado kesempatan mambaconyo. Walau lah 4 hari talambek, indak ado salahnyo ateh namo kami sakaluarga di Sitawa 25, Tabiang, mohon maaf ka sagalo adidunsanak jo anak kamanakan, dek awak lah masuak puaso dan di fihak ambo indak ado nan paralu dimaafkan dek ambo indak pernah baketek ati dek ulah sagalo adidunsanak jo anak kamanakan. Samo jo puaso-puaso sabalunnyo, ambo adok-an juo ka tangah galanggang, kok ado di antaro sagalo adidunsanak jo anak kamanakan nan baniaik ka bainfaq jo basidakah untuk Rumah Allah, dek musajik di kompleks kami nan talatak di Jalan Sidingin, Wisma Tabiang Indah, persis di balakang pabirik Asia, sadang bausao malanjuikan pambangunan lantai 2 nan ka dimanfaatkan untuak anak-anak mangaji dan manampuang "luberan" jamaah kutiko shalat 'Ied. Kok lai ado nan baniaik kirimkan sajo ka rekening ambo di BCA Cabang S. Parman, Ulak Karang, No. Rek. 312 024 4140, tapi jan lupo malewakan di lapau atau mambisiakan ka ambo di japri, dan bilo lah ambo sarahan ambo lewakan baliak atau ambo bisiakan ka japri adidunsanak jo anak kamanakan nan bainfaq. Ateh namo panguruih dan sagala jamaah musajik kami, ambo ucapkan tarimo kasih ka sagalo adidunsanak jo anak kamanakan nan lah basadio mambaco imel ko. Wa billah taufiq wal hidayah. Salam, mak Sati (->67) ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
