Bismillahirrahmanirrahim
Assalamu'alaikum w.w.
Dunsanak Tanjuang Heri !
Alhamdulillah, kok kato lai bajawek, kok gayuang lai basambuk, samantang jawek jo sambuk no tu sakain balain banang, sabanang indak saragi. Nan diambo indak jadi kaba a bagai doh, tando kito alun samukasuk satujuan.
Dunsana Tajuang Heri,
ijinkan ambo manyisikkan kalimaik-kalimai diantaro surek nan Dunsanak sampaikan.
Ambo pun takajuik dapek jawaban nan co iko dari tuan Hendrif. Ambo ngaku kalau indak bisa bapantun ,
Alhamdulillah, kalau duns lai takajuk, karano kalau takajuk tandono lai badatak dihati, atau tasirok darah dijantuang, tabukak pandangan bahwasono ado pulo nan paralu (saketek banyakno) dikatahui.
Jawaban ambo nan kapatang tu indak bapantun doh, tapi jawaban dalam bantuak kiasan.
tapi nan sempat diajaan dek rang gaek ambo nan di tabiang hanyo bahaso awak se jo taratik ka nan gadang, elok ka nan ketek.
Syukur Alhambdulillah, lai Urang gaek nan maajai sarupo itu, Nan ambo sandiri sajak ketek alah ditinggakan abak, mamak kanduang indak ado pulo, sasudah itu lah pai pulo maadu untuang karantau urang, marantau majnyubarang lauk, kok jo urang gaek lai indak baa doh, iko iyo sabana surang diri sajo, maso Bogowonto balayia ka jao. Nan kajadi padoman adolah Alam takambang jadi guru
Taparangah ambo jadinyo mambaco jawaban ko, kok dibaleh, baa lo ka mambalehnyo, kok didiaman, == (babarapo kalimaik sasudah iko sangajo ambo apuh, baitu pulo kalimaik pado Subject diateh) ==
Sanak Tanjuang Heri ! di awak balaku, "kok kato iyo bajawek, kok gayuang iyo basambuk", umpamo kok indak jaleh jawekno, bisa awak ulang tanyokan, maklumlah tiok nagari atau tiok urang kan babedo-bedo caro manyampaikanno. Jadi indak paralu pulo sagan jo ragu doh, disiko kan awak samo awak, indak jo urang lain bagai doh.
Dek ambo alah dibiasoan dari ketek to the point, jadi ambo bukak kulik tampak isi se ka Mak Sutan. Apo Mak Sutan salah tarimo , yo maaf ambo pinta. Ambo punyo prinsip ndak namuah manyusahkan rang lain. Jadi co itu kalua nyo.
Alhamdulillah ! lai indak salah tarimo ambo doh, sabanano mungkin ambo nan salah, ba a dek baitu ? karano ambo ma-anggap Dunsanak dapek manarimo caro panyampaian ambo nan sarupo nan kapatang tu, karano Dunsanak lai tingga di kampuang.sarato ambo taruh baraja caro urang awak.
Pakaro nan lain (nan diapuh diateh cako) ambo indak ka maagiah komentar do, ambo anggap itu indak tujuan ambo doh, nan paralu ambo lai bisa mampunyoi dunsanak di RN ko, tamasuak jo Dunsanak Tanjuang Heri dan nan paralu pulo tantangan VCD nakno jaleh
Kalau lai buliah ambo tahu, bara gara Nomor Talipon dirumah atau HP ? Kalau dapek kini juo ko a, tapi lewaik japri senlah.
Sakian dari ambo, salam untuak kalurga di Tabiang.
Wassalamu'alaikum w.w.
Sutan Bandaro Labiah
Tanjuang Heri <[EMAIL PROTECTED]> wrote:
Want to chat instantly with your online friends?�Get the FREE Yahoo! Messenger
