bandaro <[EMAIL PROTECTED]> wrote:
Kpd Adrisman Yunus di Houston
Alhamdulillah lai sempat sato di Rantaunet.
Pengen lihat UDANG P/F + Ombak China Sea ???
Wass
Amzar Bandaro ( 53thn), montir lauik cino.
Kubang Putiah - Banuampu.
Tingga di Bogor.
~~~~~~~~~~~~~~~~~~~~~~~~~~~~~~~~~Assalamu'alaikum.
Mak Ban (bialah coitu pulo ambo maimbau Pak Amzar) lah baliak dari lauik cino ruponyo yo. Baa pulolah rasonyo puaso diateh barge ?. It must be interesting, I wish I could see you at Udang P/F by myself. Iyo namuah ambo maliek mak ban basawah kiniko, tolonglah dikirim kaemail ambo nan dikantua. Tarutamo sakali ambo taragak maliek Pak Amzar, tantunyo masih tetap sehat dan enerjik seperti dulu dulu.
Mak Ban, Ingek waktu awak samo samo di ateh Nukila dulu (lauik jawa). awak iyo taraso badunsanak jo kasadoalahan nyo nan ado disinan, ado urang jawa, sunda, batak, menado, bali, ambon...... dllsbnyo.
Kini disiko di R/N nampak diambo awak nan alah samo baasalamu'alaikum, saliang maimbau mamak, dunsanak, dinda, kanda nan lah jaleh jaleh badunsanak masih acok juo basitagang, basilang kato.
Dunsanak awak nan islam batanyo secara kritis mengenai ayat/agamo islam, dianggap pulo sombong atau kafir, padahal agamo itu untuak urang baakal, ayat itu untuak dikaji, terkadang even from the most stupid question we still can get something out of it. Nah apopulo kini nan batanyo / membangun wacana itu anak anak mudo nan cadiak jo kritis, manga pulo mesti awak patah patahkan ?
Apo coitu karakter urang awak nan sabananyo ?, indak tahan maliek urang lain labiah cadiak dari awak, capek paneh hati, tasingguang, bangih, baganyi. Nan mudo mudo bakato taruih tarang, dianggap alah ilang kaminangannyo, nan tuo-tuo maagiah nasihat dianggap berang, sampai ado nan harus unsubscribe karano ingin protes.
Bukankah urang cadiak itu tampek awak batanyo, urang bijak itu tampek awak maminta nasehat ?
Mak Ban, kalaulah lah lapeh dari panek perjalanan and if not too much to ask, Tolonglah maagiah saran ka nan tuo tuo di R/N iko supayo indak capek bana tasingguang, padiakan se lah nan mudo mudo saliang maasah diri, sia tahu dari siko nanti banyak nan kan jadi pemimpin bangsa saroman emil salim jo buya hamka, sadang ka nan mudo mudo cubolah saketek manahan diri, barajalah jadi urang minang, walau alah banyak awak iko nan indak tahu bagai dimaa itu ngarai sianok jo gunuang marapi, malah labiah tahu grand canyon jo gunuang fuji. tapi sampai kamapun awak tetap indak bisa menghindar untuak jadi orang minang, urang tatap juo maimbau awak sipadang bengkok. Apo salahnyo awak baraja adaik nan alah susah payah disusun rang gaek awak sejak jaman saisuak.
Ambo raso sakitu dulu, indak barani pulo ambo bapanjang panjang kato, lain nan dimukasuik lain pulo beko nan ditangkok.
Wassalam
Adrisman Yunus ( 41thn), kernet mak ban dilauik jawo.
Bukittinggi - KampuangBaru ateh ngarai.
Tingga di Houston.~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ingin memasarkan produk anda di web RantauNet http://www.rantaunet.com
Hubungi [EMAIL PROTECTED] atau [EMAIL PROTECTED]
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Isikan data keanggotaan anda di http://www.rantaunet.com/daftar.php
----------------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
========================================
