Assalamu'alaikum wr. wb.
Mak Ban nan ambo hormati,
Baa kaba sanak2 awak nan lain, saroman Pak Harmen atau Pak Masril Koto, Tasril Muis, apo kah ado baliau baliau tu anggota R/N juo ?.
Mak Ban, nampaknyo "caro panggilan di urang awak" iko paralu juo awak kaji, baa sabananyo nan paliang universal. Syukur alhamdulillah kalau ado sanak lain di R/N nan punyo semacam struktur / silsilah dari caro memanggil urang awak iko.
Sebagai sarana pembelajaran untuak kami kami nan gadang di rantau. ( ambo acok mandanga istilah "kami kami" iko, apokah iko tamasuak panggilan secaro minang ? )
Iyo sabana taraso di ambo surang, anak anak ambo lah tabiaso maimbau ranggaek ambo jo panggilan "ibu" saroman panggilan nan ambo lakukan sehari hari, sadang kanakan kanakan ambo maimbau ambo jo panggilan Om. Anehnyo ipar ipar ambo nan urang sunda maimbau ambo Uda.
Ciek lai ambo ingin batanyo ka Mak Ban jo sanak di R/N nan lain. Apo iyo kalau dikampuang awak, minantu itu mesti diimbau jo galanyo, nan ambo danga danga kalau mintuo awak maimbau namo (instead of gala), mako itu samo jo penghinaan.
Wassalam
Adrisman Yunus
NB.
Salamaik babuko pulo,
yo bana taragak sate pak datuak nan di muko PLN-Banduang.
bandaro <[EMAIL PROTECTED]> wrote:
Panggilan di ranah Minang io sambuah, "indak universiil" = tiok
daerah punyo masing-masing, malahan tiok keluarga punyo panggilan
spesifik masing-masing
Di Banuampu dan Kurai banyak persamaan.
Panggilan "gaek" (female) utk "grand ma" juo samo di Banuampu.
Setara dengan "pak gaek" atau "inyiak" (male)
Salamaik babukko
Wass
mak Ban
~~~~~~~~
