Assalamu'alaikum.w.w.
.... Mari kito sambuang baliak....
Lah kito kaji baa tagak urang padusi ko jo alaik paragaiknyo (asesories)nyo.
Kini ko soal latak.
Bak kato kito, kalau barang rancak indak talatak ditampek nan rancak pulo
tantu harago akan jatuah (kito umpamokan kapatang ka barang nan talatak di etalase
toko jo nan di kaki limo). Apo lai manusia, ....dunsanak jan salah tanggap, bukan berarti
manyamokan padusi ko jo barang (iko logika bodoh kok tapikai takah itu). Logikanyo
sarupo iko, kalau "barang" sajo harus dicarikan lataknyo nan elok supayo baharago,
atau banilai, supayo indak tabukak-bukak jan murah sajo nyo resek dek urang.........,
manusia apo lai nan banamo padusi tantu labiah dari itu. Harus dicarikan pulo
tampeknyo nan sasuai nan elok nan rancak, indak buliah sumbarang-sumbarang
malatakkan. Kalau indak beko disemba alang, disemba musang, jadi umpan nafsu
setan dan sebagainyo sahinggo manjadi luluah lantak indak baharago. ....... Iko nan
patuik diranuangkan..., jan saketek-saketek bapikia.... pemasungan... ketidak setaraan
gender....ketidak adilan asasi dan sagalo macam nan diambuihkan nan hanyo mancubo
sabananyo manjatuahkan martabat padusi tu baliak.
Sabananyo, urang padusi punyo fitrah nan indak bisa inyo lawan. Mereka
ditakdirkan lemah (walaupun ado "wrestler" kiniko nan padusi, tapi tatap sajo indak bisa
dikecekkan inyo lebih kuek dari wrestler laki-laki). Mereka perlu perlindungan, sakuek-
kuek urang bantuak "wanita besi" margaret tacher, inyo tetap paralu suami. Kok indak
picayo, cubolah batanyo kito ka jando-jando nan banyak di kampuang, walaupun ado
ciek jo duo nan indak, tapi sacaro umum mereka butuh pelindung. Kelemahan mereka
ko alah dimanfaatkan kaum lelaki sajak zaman dahulu.
Sabalun Islam datang, urang padusi indak baharago. Ado nan dijadikan sembahan
tuhan gunuang mereka, dicarikan anak gadih nan paliang rancak untuak dikorbankan,
dihumbankan ka dalam kepundan gunuang barapi. Ado nan dikorbankan untuk roh-roh
nan mereka anggap sebagai tuhan dengan jalan mengambil darah mereka. Di Inggris
padusi ko di sabuik "woman" singkatan dari "womb man" aratinyo manusia berkantong,
tampek manganduang anak, karano maanggap itulah karajo padusi, baranak sen. Zaman
Yunani pernah pulo dikatokan padusi ko bukan manusia, indak ado jiwa dan perasaan.
Di zaman jahiliah anak-anak padusi dikubua iduik-iduik dek malu, indak bisa baparang
mampatahankan suku. Umar bin khatab ra. manyasa sampai mati dan selalu
beristighfar, sajak sasudah turun ayat,
"wa idzal mau'udatu suilats.... bi ay yi zam bing qutilats"
dan apabila anak perempuan yang dikubur hidup
hidup itu ditanya, karena dosa apakah mereka dibunuh". (Al-Qur-an)
Dan banyak carito-carito lain nan "serem-serem" nan kasadonyo mampacaliakkan ka
kito baraso indak adoh saketek juo penghargaan ka padusi doh. Kini zaman takah itu
alah bamulo pulo baliak, sajak revolusi industri, nan dikaja adolah keuntungan atau
penggandaan kapital, padusi alah pulo disuruah bakarajo jadi buruah-buruah pabrik, lalu
padusi kiniko alah jadi bahan untuak mengumbar nafsu, dieksploitasi sedemikian rupa
(sampai jajok awak mancaliak, tarutamo urang Japang, labiah amerika lo dari urang
amerika lai.... rancak jan dicaliak) untuak nafsu lelaki (di amerika, eropa, Jepang, dll).
Tapi urang kini manamokannyo emansipasi, penyetaraan gender, dlsb.
Barulah sasudah Islam datang, martabat perempuan diangkat dan diletakkan di tem-
pat yang sesuai. Sasuai baa ?, sasuai manuruik padangan Sang Pencipta jagad Semes-
ta ini, bukan sasuai manuruik ukuran manusia yang bersifat relatif, tapi sasuai jo
pandangan Allah swt. yang bersifat absolut, kalau dibantah berarti awak indak picayo
ka Tuhan Allah, mako batallah syahadat kito.
.....Ndehh... lah panjang pulo.... kito sambuang barisuak.... kok lai kasaba....
Wassalam
St. Sinaro.
Do you Yahoo!?
Protect your identity with Yahoo! Mail AddressGuard
