Assalamu�alaikum wr.wb.
Rumah makan Simpang Raya
Urang batanyo bubua kampiun
Nan ado katan jo sarikayo
Dibali untuak kapabukoan
Bulan Ramadhan bulan mulia
Saaik baibadah jo minta ampun
Kapado Allah Nan Maha Kayo
Tandono awak urang bariman
Pasa Ateh di Bukiktinggi
Urang manjua lamang tapai
Bali satungkuih dibao pulang
Kadimakan wakatu babuko
Taraso cameh dalam hati
Bulan mulia lah ampia pai
Ama ibadah taraso kurang
Antah lai kabatamu taun dimuko
Basusun apam jo kuahno
Talatak di ateh talam
Di jujuang anak mudo matah
Kadibao ka Pakan Akaik
Sasudah sabulan bapuaso
Baibadah siang jo malam
Mudah-mudahan ditarimo Allah
Jadi pahalo untuak akhiraik
Tasabuik katupek rang Pitalah
Jo gulai paku elok dimakan
Dibali nak urang Suruaso
Makan sapiriang untuak baduo
Tasabuik amal jo ibadah
Kapado Allah kito ikhlaskan
Dipaluruih niaik di dado
Mudah-mudahan jadi pahalo
Tasabuik padeh lado kutu
Ambiak ka bumbu ikan baka
Ramu jo bawang jo dasun tungga
Tambahkan pulo asam cuko
Baka di ateh baro api
Asok manjulang kaateh paran
Elok diambiak pamakan nasi
Dek paruik taraso litak-litak
Limbak nan dari pado itu
Manolah dunsanak sa palanta
Salamo bagaua di alam maya
Antah tasingguang tak sangajo
Antah taupek takasa-i
Antah tasabuik tapakatoan
Di saaik nan elok iko kini
Ambo minta maoh banyak-banyak
Taqabballaahu minna wa minkum � Taqabbal yaa kariim
Minal �aidin wal faitziin wal makbuulin.
Wassalamu�alaikum wr.wb.
St. Lembang Alam
Do you Yahoo!?
Free Pop-Up Blocker - Get it now
