Assalamu'alaikum.w
.... kito sambuang pulo baliak.....
Tapi umua panjang pun mati, pendekpun mati...
Sabab satiok urang roh nyo tu ka pai maninggakan jasadnyo. Satiok nan mampunyoi
roh, pastilah roh ka pai maninggakan jasadnyo untuak salamo-lamonyo. Ikolah nan
dikhawatirkan dek kabanyakan urang. Tapi kekhawatiran tu indak ado aratinyo doh
karano khawatir atau indak, nyo ka pai juo. Indak ado urang nan indak pai rohnyo kalau
nyo khawatir do. Khawatir atau indak, roh suatu saat tatap pai maninggakan badan kasa
ko. Indak ado gunonyo kekhawatiran tu doh.
ma-adok Qadhi Rabbul Jalil itu. Itulah nan seharusnyo kito khawatirkan.
Banyak urang nan dikhawatirkannyo mati tu,
indak banyak urang nan khawatir persiapan mati ndak cukuik.
Mako lalailah inyo siang malam pagi patang,.............
nan dikhawatirkannyo kalau pitih indak cukuik…………….
Inyo indak khawatir kalau di
nan sangat pailit. …………….
Inyo khawatir kalau jabatannyo jatuah, pangkek jo kedudukannyo diambiak
urang…………….
Inyo khawatir kalau kuliknyo lah bakaruik……….
khawatirnyo kalau rambuik lah bauban………..
Bulu katiak baubanpun nyo khawatir juo…..
Inyo indak khawatir bilo di
lah nyo pabuek di dunia…..
Allah swt. alah bapasan bahaso dunia ko indak lamo do dan indak kekal.
Kalau dunia ko lambek kiamat,
alun tahu lai bilo kiamat untuak diri sorang-sorang.
Mako lalailah inyo pagi patang siang malam
dek nan dipikiakannyo bara banyak pitih nan lah tasimpan.
Indak dipikiakannyo lah bara amalan nan alah disiapkan,
Untuak dibao baliak antah bisuak, antah lusa.
Lalai lah inyo dek karano nan dipikiakannyo baa manyambuang iduik.
Pagi-pagi nyo lah ba jogging, indak takana sumbayang subuah do.
Patang hari sibuk main golf untuak mampatahankan bisnis nyo.
Tibo ukatu magarik, tibo ukatu malam nan dipasiapkannyo baa mandapek hiburan.
TV ko, wrestling ko, penyanyi-penyani nan rancak-rancak, artis-artis atau
Selebriti kecek rang kini. Lalailah inyo.
Bisuak lusa, mati nyo.
Ruponyo apo nan nyo cari tu indak sampai dima do.
Pitih nan ba milyard-milyard indak tamakan pulo dinyo doh.
Tingga ka sadonyo.
Wakatu nyo sanang bakawan pun indak,
dek karano takuik urang ka mamintak ka inyo, indak bakawan nyo doh.
Jabatan kok tinggi untuak basuopun payah,
dek karano lah ado pulo protokolnyo.
Kalau dapek basuo, mukonyo indak elok dicaliak.
Matinyo, nan mamikua karando bukan urang kayo-kayo, tapi urang miskin juo.
Wakatu nyo sanang dulu urang kayo nan datang.
Wakatu nyo sakik, jabatan lah ndak ado, urang bansaik nan tibo.
Lah matinyo urang bansaik nan mamikua karando.
Baitulah iduik dalam duniako,
wakatu sanang datang urang, wakatu susah sorang diri.
Baitu juo di alam barzah, sorang diri sajo tingga.
Isteri nan dikasihipun indak sato ikuik samo dalam kubua tu do.
Suami nan dikasihi pun indak samo ka dalam kubua do.
Pertanyaan nan diajukan sorang-sorang nan manjawek.
Indak ado urang lain nan manolong manjawekkan do.
Kalau lah tibo masonyo mati indak ado nan bisa maambek.
Katiko tu baru takana nak sumbayang.
Baru takana tapi ukaatu lah ndak ado, lah talambek.
Ikolah nan kito takuikan, kalau mati ujuangnyo ujuang nan indak elok.
Terlalu
Bakanyo ndak ado apo-apo, ibarat urang pai jauah ndak ado babaka.
Baa di
Katiko ka mati tu, satangah urang bacarito tantang tentara-tentara nan mati di
rimbo.katiko ka mati tu nyo bapacik ka kayu-kayu nan bisa nyo ganggamnyo.
Tacabuik batang kayu tu dek nyo.
Kalau nyo sehat indak katacabuik tu do. Baitu bana manahankan sakiknyo mati tu.
Dahaganyo, hauihnyo. Kok ditoyongan aia sapanuah lauik-tan ka dalam muluiknyo,
indak ilang dahagonyo doh. Baitu bana sakiknyo mati tu.
Iko bagi urang-urang nan indak sumbayang langsuang. Itulah balasannyo.
Sampai masonyo tiok urang tu akan marasokan maut. Tapi Allah maha pengasih dan
penyayang, banyak urang sakik dulu baru mati. Jarang-jarang urang nan mati tanpa
sabab. tapi urang ndak tau, dikecekkannyo mati tanpa sakik, sabananyo sakik.
Sakik nak mati tu urang ndak tau.
Mako urang nan sehat utaknyo, basiap-siap untuak mati sabalun mati.
Urang-urang nan takuik mati sabalun mati, berarti inyo lah mati sabalun mati.
Urang-urang nan "Al kayyisu" itu, urang nan cadiak, adolah …
“man daa na nafsahu”
Yaitu orang-orang yang meletakkan dirinya, yaitu nan mamacik agamo,
“wa’amila
Itulah nan cadiak atau al kayyisu itu.
Makonyo kalau kito nio jadi urang cadiak, … standby lah untuak mati.
Beramallah pagi petang siang malam, gunokan sapanuah-panuahnyo ukatu tu untuak baibadat sambia mancari nafkah untuak iduik di dunia ko sasuai jo jalan nan
diperintahkan dan diridhai dek Allah swt.
....... lah panjang pulo....barisuak kito sambuang....
Wabillahil hidayah wat taufiq
Wassalamu'laikum warahmatullah
St. Sinaro
Do you Yahoo!?
New Yahoo! Photos - easier uploading and sharing
