Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assalaamu 'alaikum Wr Wb Bundo, Mamanda Buyuang, dan warga RN kasadonyo nan ambo hormati… Sato pulolah ambo saketek mangamukokan pandapek mengenai kampanye di milis yang awak cintoi iko, dek karana ambo pernah pulo malewakan beberapa artikel mengenai partai tertentu. Ambopun jauah sabalun malewakan artikel-artikel atau komentar mengenai partai, agak lamo juo bapikia apokah akan ditarimo dek palanta atau indak. Takuik ambo disabuik bakampanye pulo beko, dek mangingek bahaso indak kasado urang yang suko bicara politik, malah mungkin ado yang alah "bakarek rotan" jo perpolitikan. Tapi disisi lain ambo bapandapek baso, sangat sayang sekali jika media yang ado iko indak digunakan semaksimal mungkin untuk kemaslahatan urang rami dan kebaikan basamo. Asal digunakan pado tampeknyo dengan sopan, dengan santun, tidak mencela, tidak menyerang dan menjelekkan parpol lain, ambo raso RN awak ko pun bisa dijadikan media tampek pembelajaran politik bagi awak-awak yang di RN ko. Pengalaman politik masa lalu di negeri awak memang lebih banyak hitamnyo dari pado putiah. Sahinggo banyak masyarakat yang alergi jo politik. Tapi kalau opini seperti iko dipabiaan taruih, apolai kalau sampai mamutuskan untuak golput, tantu indak rancak jadinyo beko karano masiang-masiang pribadi awak punyo kewajiban untuk mampabaiki keadaan. Ba amar makruf, ba nahi munkar kecek ustadz-ustadz di masajik. Suko indak suko, alergi indak alergi awak jo politik, yang namonyo pesta demokrasi alah di depan mato. Asalkan pesta demokrasi itu direspon jo santun, tantu baiak jadinyo. Sejarah awak urang minang, pernah diperhitungkan dengan tampilnya para tokoh-tokoh Minang dalam dunia perpolitikan yang disegani baik dalam maupun luar negeri. Siapa yang tidak kenal Haji Agus Salim, Moh Hatta, Sutan Syahrir, Moh. Natsir, Buya HAMKA, dan sagudang tokoh lainnyo. Ambo yakin mereka tajun ka politik adolah dengan niek ingin mampabaiki umat dan bangsa ko. Dan kemudian sejarah pun mencatat baso setelah periode itu, putra-putra Minang seperti tenggelam dalam dunia perpolitikan Indonesia. Ambo raso, mungkin alah saatnyo putra-putra Minang tampil baliak ka panggung perpolitikan Indonesia, tentunyo dengan politik yang labiah mengutamakan berjuang untuk membuktikan bahwa Islam adalah rahmatan lil alamiin, bukan semata-mata untuk meneguhkan eksistensi sebuah partai belaka. Memang ada 24 parpol, tapi ambo raso kalaupun ado kampanye disiko, paliang hanyo berkisar antara PKS, PAN, atau PBB. Indak akan labiah dari itu. Dan RN ko pun paliang akan rami manjalang pemilu senyo, satalah pemilu salasai akan baliak spt samulo. Jadi tawaran ambo, indak baa bakampanye asal santun, indak mencela dan mamburuak-buruakan parpol/tokoh tertentu. Tapi kalaupun akhianyo banyak yang indak satuju jo kampanye disiko, ambo pun akan maikuik suaro nan banyak. Terakhir, pilihan utk bergabung atau bersimpati terhadap suatu parpol adalah kembali ka hak pribadi awak masiang-masiang. Ba a pun babusa urang kampanye, kalau inyo mangecek indak, akan tetap indak juo. Tapi jaanlah dibuang kesempatan pemilu bisuak. Awak punyo kesempatan untuak "mewarnai" negeri ini, gunokanlah sabaiak-baiaknyo, karena kalau indak, kito akan manunggu limo tahun lai utk mendapekan kesempatan serupo iko.. Demikian dulu yo Bundo dan warga RN kasadonyo, mohon ma'af kalau ado kato - kato ambo yang indak bakanan di hati. Wassalaam, Ronald (32 - sabulan ) " mari kita berpolitik dengan tujuan : membuktikan bahwa Islam adalah rahmatan lil alamiin " ---------- Original Message ---------------------------------- From: "Hayatun Nismah Rumzy" <[EMAIL PROTECTED]> Reply-To: [EMAIL PROTECTED] Date: Wed, 10 Dec 2003 18:30:53 +0700 >Server mailing list RantauNet berjalan atas sumbangan para anggota, simpatisan dan >semua pihak yang bersedia membantu. Ingin menyumbang silahkan klik: >http://www.rantaunet.com/sumbangan.php >~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ > > >Assalamu Alaikum W. W. >Pernah add. Zubir Amin rasanya pernah >menulis: > > Sebaiknyolah medan nan bapaneh dan nan bataduah palanta RN kita >ini,disterilkan dari kegiatan nan babau"kampanye"parpol menghadapi pemilu >nan akan datang.Bialah urusan "kampanye"bakampanye tu >urusan urang fartai fulitik nan ------- di potong --------------- ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php =======================================