Pak Saf dan dunsanak sapalanta
Insyaalah pada penanda tanganan MoU Kereta api di padang ambo akan ke Padang
dan akan membicarokan dengan Rektor Uanand Dengan meninggalnya Bp Sjurkani kini
ambo Ketua Yayasan sampai dipiliah yang baru Ambo akan pasamngkankan insyaalah
Masalah kajian dan penelitian adat budaya Minangkabau memang amat sangat
penting dan sangat mendesak Banyak nan harus dikaji dan diteliti termasu ABSSBK
Mengenai apo nan pak Saf sampaikan ado nan paralu pulo manjadi pemikiran
kito. Hukum Adat adalah Hukum tidak tertulis Kalau akan dirumuskan dengan fasal
fasal seperti yang pak Saf maksudkan maka akan menjadi hukum tertulis dan itu
adalah wewenang DPRD Manuruik ambo DPRD tidak akan mampu merumuskan seperti
yang pak Saf mukasuikan itu Mendapatkan konsensus rumusan fasal fasal itu
diluar DPRD akan sulit sekali
Yang amat mendesak mmanuruik ambo adalah esensi dari ABSSBK dalam kehidupan
nyata urang Minang kalau kita hendak mengangkat itu adalah salah satu CIRI
dan JATI
DIRI urang Minang Iko nan karajo gadang menghadapi ISLAMnyo banyak nan
ISLAM KTP apalagi tidak memahami lagi nilai nilai adat budaya Minangkabau
Bahkan bahaso Minang sajo iindak mangarati lai Baa akan menghayati nilai nilai
acdat budaya
Banyak pikiran pikiran pak Saf nan sesuai jo pendapat ambo tapi sesuai pulo
jo umua ambo akan lebih mementingkan aa nan dapek dilakukan oleh kajian dan
penelitian itu dalam waktu singkek SAMBIA manggarap apo apo nan pak Saf
utarakan Jadi manuruik ambo harus kito garap secara semultan
Chaiedir N Latief
Saafroedin BAHAR <[EMAIL PROTECTED]> wrote:
Assalamualaikum w.w. para dunsanak sa palanta,
khususnyo kapado pak Chaidir Nien latief Dt Bandaro,
Kalau kito ikuti sajak awal -- bukan hanyo dalam
hari-hari balakangan ko sajo -- kito mambahas masalah
ABS SBK di palanta ko, rasonyo alah cukuik bahan
untuk manuntaskan wacana tantang masalah ABS SBK
sabagai jati diri Minang. Pola-pola pikiran alah
jaleh, masalah-masalah nan alun ado pasasuaian juo
alah jaleh, siapo nan baminat mambahas juo alah jaleh,
barbagai alternatif panyalasaian juo alah nampak.
Masalah terpenting dalam soal ABS SBK ko nampaknyo
bukanlah soal ibadat, karano soal tu rasonyo indak ado
beda pandapek di antaro kito, tapi soal hukum
kekerabatan dan hukum waris. Indak bisa dihindari,
bahaso karano tampek tagak nan babeda manyababkan
babeda pulo pandapek di antaro kito nan ikuik
bawacana.
Debat-debat nan timbua kudian bisa bakambang sacaro
tidak tararah dan steril, sahinggo paralu dicari
rumusan nan bisa kito sapakati basamo.
Manuruik sejarahnyo, iko bukan masalah baru. Paliang
tidak, alah baumua 170 tahun. Masalah nan hiduik dalam
masyarakat Minang ko sasakali alah dicubo
manyalasaikannyo dan manyapakati rumusannyo sacaro
umum, saparati dalam tahun 1952 harao pusako randah
diatur jo hukum faraid, harato pusako tinggi diatu jo
hukum adat". Tapi timbua pulo masalah kamungkinan
harato pusako randah manjadi harato pusako tinggi.
Nan nampaknyo alun banyak bana dibahas sacaro mandasar
-- dan dipabiakan salasai dalam kenyataan sajo walau
bebeda dalam kaidah formilnya -- adolah maslah hukum
kakarabatan, yaitu hubungan antaro urang nan batali
darah.
Tantangan nan kito hadoki kini adolah baa caronyo
manyusun suatu draft dokumen ABS SBK nan dirumuskan
sacaro lugas -- kalau bisa dalam bantuak pasal-pasal
saroman 'Kompilasi Hukum Islam" (1991) -- sarato
manampuang sagalo masalah atau sabagian gadang
masalah-masalah mandasar nan dirasokan masih mangganja
di kalangan urang awak, sahinggo kalau salasai --
antah bilo -- bisa dijadikan rujukan baku, baiak dalam
mampalajari maupun dalam malaksanakan ABS SBK tu
untuak saluruah urang Minang. Hal iko tarutamo penting
untuk urang mudo-mudo, baiak di Ranah maupun -- atau
apolagi -- di Rantau.
Sudah barang tantu ado pertanyaan tantang limbago apo
nan bawenang mangesahkannyo nanti. Karano iko
manyangkuik ABS SBK nan kito sapakati sabagai jati
diri urang Minang, tantu nan berwenang adolah sagalo
urang Minang, di Ranah dan di Rantau. Baa bantuak
sarato tata tertib mengesahkannyo nanti mungkin paralu
dibahas sacarao khusus.
Apo nan ingin kito capai jo salasainyao rumusan ABS
SBK sacaro tuntas itu ? Dalam panglihatan ambo, adonyo
dokumen dan mambahas sacaro tuntas dan lugas masalah
ABS SBK ko bukan sajo akan mengakhiri kabuanyo
pangaratian ABS SBK ["ambiguitas dan ambivalensi
nilai"} saparati ditangarai dalam baitu banyak seminar
dan lokakarya tantang Minangkabau, tapi juo untuak
mamungkinkan kito urang Minang manyatukan tanago jo
pikiran, mangurangi silang sangketo sarato curiga
mancurigai, dan mampu sacaro bagandengan tangan
manghadoki tantangan zaman maso kini dan maso datang .
Jan sampai balanjuik pengalaman salamo ko, dikiro
indak ado lai masalah tanyato sawakatu diajukan
partanyaan muncul baliak masalah mandasar nan indak
atau alun disalasaikan pulo sacaro mandasar.
Kalau buliah ambo mausulkan, khusus kapado pak Chaidir
Nien Latief Dt Bandaro, kini ko lah momennyo untuak
mengkristalisasikan gagasan ABS SBK ko sacaro
mendasar `dan tuntas, tantu sarancaknyo ditangani dek
baliau-baliau nan ahli soal adat jo ugamo, dan mampu
mamikiakan sarato marumuskan sacaro janiah. Ambo
doakan supayo karajo gadang ko bisa distart 'mumpung'
kondisinyo masih kondusif untuak itu.
Ringkasnyo, karajo gadang iko paralu dimulai sugiro
sacaro malimbago, misalnyo malalui Universitas
Muhammad Yamin di Solok, atau melalui Univesitas
Andalas di Padang, atau malalui pembentukan baliak
'Center for Minangkabau Studies", saparati gagasan pak
Chaidir. Ambo khawatir, kalau sumangaik membahas
masalah ko sacaro mandasar alah dingin pulo baliak,
akan taganang pulo masalah mendasar iko. Alun tantu
pulo bilo akan ditangani baliak sacaro tuntas dan
lugas.
Posisi ambo dalam wacana ABS SBK ko adolah sabagai
'pengadu", urang nan mangaluah, ['complainant']
taradok babarapo praktek ABS SBK dalam masalah hukum
kekerabatan -- khususnyo soal konsep 'punah' -- nan
sabana menekan perasaan ambo jo perasaan Ayah ambo
almarhum. Masalah pribadi ko, sabagai 'pintu masuak'
('entry point') untuak mambahas maslah ABS SBK nan
manjadoi akar masalahnyo alah ambo sampaikan pado
kesempatan lain. Nampaknyo ado juo nan sapaham do
ambo, untuak itu ambo mangucapkan terimo kasih banyak.
Tolonglah ditampuang sacaro mandasar masalah nan
konkrit dan mungkin banyak nan samo-samo mangaluah jo
ambo, tapi indak amuah maangkek kaluhannyo ti sacaro
tabuka.
Sairiang jo itu, ambo harokkan ka pak Darul, nan alah
bamurah hati manjadi gubalo milis
[EMAIL PROTECTED], supayo dapek manghimpun sacaro
kronologis, kalau bisa dalam ciek CD ROM, pakambangan
wacana kito tantang ABS SBK ko, tamasuak tantang
masalah ranji, nan dapek manjadi bahan untuk menyusun
rumusan ABS SBK ko sacaro langkok. Nampak di ambo, di
salo-salo postings kito -- nan kadang-kadang cukuik
angek -- lai nampak bijo-bijo kasapakatan nan bisa
dikristalisasikan manjadi mufakaik basamo.
Untuak malaksanakan gagasan ko, baa kok kito adokan
partamuan khusus pak Chaidir ? Nyampang ambo masih di
Komnas HAM sampai bulan Agustus 2007 nan ka datang, jo
sanang hati ambo basadio manyadiokan fasilitas a la
kadarnyo.
Mungkin sasudah salasai kito mambantuak pangurus
MAPPAS hari Jumat muko, kito prakarsai pembentukan
panitia perumus ABS SBK ko. Sabagai dokumen awal kito
pakai samantaro dokumen "Kompilasi Hukum Islam" (1991)
nan kudian bisa kito tukuak tambahi.
Sampai disiko dulu.
Wassalam,
Saafroedin Bahar
____________________________________________________________________________________
Need Mail bonding?
Go to the Yahoo! Mail Q&A for great tips from Yahoo! Answers users.
http://answers.yahoo.com/dir/?link=list&sid=396546091
---------------------------------
No need to miss a message. Get email on-the-go
with Yahoo! Mail for Mobile. Get started.
--~--~---------~--~----~------------~-------~--~----~
Kami mengundang sanak untuk hadir dalam acara: "Wartawan mengajak Berdoa
Bersama untuk Keselamatan Negeri" pada tanggal 8 April 2007 jam 08:00 di Masjid
Istiglal. Acara ini terpicu oleh musibah terbakarnya Ustano Pagaruyuang dan
Gempa di Sumbar.
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
