Waalaikumsalam w.w. Angku Azmi Dt Bagindo jo para dunsanak sa palanta, Sabalun ambo manjawab partanyaan Angku izinkan ambo manyampaikan duo hal: 1) untuak mahemat tampek tolong jan dipagadang spasi dalam posting email ko. Posting nan Angku kirimkan ka ambo nampaknyo pakai 1.5 atau 2 spasi, sampai mamakan tampek 100K, sahinggo sacaro otomatis dipotong dek program komputer. Kalau banyak nan ka dibahas, baiaknyo dikuduang-kuduang. Posting nan Angku kirimkan, tapaso ambo edit untuak manghemat tampek, dan tapaso ambo jawab sabagian demi sabagian. 2) Agar wacana kito bisa bajalan lancar, ambo anjurkan Angku tatap barado pado jalur wawasan-konseptual jan sampai ka lua jalur.
Sahubungan jo kasadioan pak Chaidir Nien Latief SH Dt Bagindo untuak mamprakarsai panuntasan wacana ABS ~SBK ko di maso datang, mako ambo harokkan materi wacana ko dapek sato manyumbang untuk panuntasan tasabuik. Sarupo nan dahulu, jawaban ambo ditulih langsuang, jo huruf kapital, sabagian demi sabagian nan bisa ditampuang dek posting emal ko. Wassalam, Saafroedin Bahar --- azmi abu kasim azmi abu kasim <[EMAIL PROTECTED]> wrote: > > Assalamualaikum w.w. > > Angku Saafroedin St.Majolelo Nan Ambo Hormati. > > Ambo mohon maaf agak talambek ambo mananggapi dan > manjawab tanyo angku, karano baru malamlah ambo bisa > manyadiokan wakatu untuak manulih. Ambo batarimo kasih ateh tanggapan dan jawaban angku, ateh tulisan ambo nan tadahulu. Dan kemudian angku juo maajukan beberapa pertanyaan, ambo akan mancobo manjawabnyo, samampu dan sebisa ambo dan ambo tulih dibawah pertanyaan angku dengan huruf miring. > > 3. Apakah manuruik Bapak Sistem Kekarabatan > Matrilineal itu, apa bertentangan dengan ajaran Agamo Islam ?. > > JAWAB: IYO. > > 4. Dima latak pertentangannyo ?. mohon penjelasan > bapak. > > JAWAB: PARATAMO AMBO MANUNJUAK ALASAN NAN ALAH LAMO > DIAJUKAN DEK SYEKH AKHMAD KHATIB AL MINANGKABAUWI, > BUYA HAMKA, DAN BAITU BANYAK PANGARANG MINANGKABAU > DARI ALIRAN PUJANGGA BARU SAISUAK. INDAK KA AMBO yANG DI SIKO. ADUO, DALAM MANYUSUN RANJI NAN MANCATAT > NAMO-NAMO URANG NAN BATALI DARAH, RANJI SISTEM KEKERABATAN MATRILINEAL INDAK MAMASUAKKAN NAMO-NAMO DARI KATURUNAN ANAK LAKI-LAKI, SASUAI JO AJARAN ISLAM TANTANG NASAB. > > SAKADAR CATATAN, KOK DIPAIYOBANAKAN BANA, IKO BISA > MANJADI MASALAH HUKUM PIDANA ANGKU BACOLAH PASAL 277 AYAT 1 KITAB UNDANG-UNDANG HUKUM PIDANA. > > Tanggapan atas jawaban Angku Saaf; > > Aalasan Bapak kurang akurat untuak di tarimo akal, > kalau surang jo baduo nan indak satuju ateh satu turan nanlah hidup baratus tahun dalam satu masyarakat, itu kan hal nan wajar. Tapi itu kan tidak bisa dijadikan sebagai alansan untuak merobah aturan itu. Kemudian tentang Raji nan bapak kamukokan itu juo kurang baralasan, karano indak ado satu aturan atau paksaan untuak urang mambuek atau tidak mambuek Ranji. > > JAWAB: BATANYO AMBO SAKETEK ANGKU AZMI DT BAGINDO, > APO HUKUM KAKARABATAN MATRILINEAL MANURUIK VERSI ANGKU KO TAMASUAK DALAM ADAT NAN SABANA ADAT [ NAN INDAK BISA DAN INDAK BULIAH DIUBAH, SARUPO HUKUM ALAM], ATAU DALAM ADAT NAN TERADAT [ NAN MEMANG BULIAH DIUBAH]. SAIRIANG JO ITU, APO ADAT MINANGKABAU KO MEMANG INDAK MAMBUKA PALUANG TARADOK KABUTUHAN PARUBAHAN UNTUAK MANJAWAB TANTANGAN ZAMAN. KALAU BAITU APO ARATINYO: 'SAKALI AIA GADANG SAKALI TAPIAN BARANJAK'? AMBO AGAK HERAN JUO TARADOK KATARANGAN > > ANGKU MANGANAI SOAL RANJI ITU. KALAU INDAK ADO RANJI, ATAU KALAU PAMBUATAN RANJI TU INDAK MARUPOKAN KAHARUSAN, DARI MA KITO TAHU HUBUNGAN KAKARABATAN NAN KA MANJADI RUJUKAN DALAM MALAKSANAKAN KAIDAH SAKO DAN PUSAKO ? APO LANGSUANG DARI INGATAN SURANG-SURANG ? KAN RANJI KO NAN MANJADI BUKTI DALAM SILANG SANGKETO SOAL SAKO DAN PUSAKO? > > Jawab : Manuruik beberapo pandapek para ahli adat, > ado nan mangatokan bahwa hukum Kekerabatan Matrilinal > itu adolah termasuk Adat Nan di Adatkan, dan ado pulo > nan mangatokan Adat Nan Sabana. Ambo lebih condong > kepado pandapek nan kaduo, yaitu Adat Nan Sabana Adat. Dengan alasan bahwa ado 3 ( tigo ) tiang panyanggah berdiri dan tegaknyo adat Minangkabau itu, jiko salah satu dari nan tigo itu dihilangkan mako Lenyaplah Adat Minangkabau itu, dan adat Minangkabau akan tinggal namo sajo, hal tersebut adolah :1. Hukum Kekerabatan Matrilinial. 2. Sestim Sako jo > Pusako dan 3. Perpaduan Adat dengan Agama Islam atau > di sebut (ABS-SBK) Kalau dihiliangkan Hukum Matrilinial mako hal tersebut akan mempangaruhi kepada system sako jo pusako. Dan jika kaduo-duonyo diilangkan, mako tidak ado lai (ABS-SBK) nan tingga adolah (S) atau Syarak sajo. Jikok itu nan tajadi > bapisah adat jo agamo Islam, mako kekuatan Minangkabau itu akan hilang. Memang ado usaha-usaha dari pihak agamo lain untuak mamisahkan antaro adat jo agamo di Minangkabau. Barkata Hamka dalam bukunya Islam Dan Adat Minangkabau; Ada kemungkinan bahwa di zaman sekarangpun mulai pula ada usaha-usaha untuk > memisahkan adat Minangkabau dengan agama Islam, > supaya Minangkabau ini bisa menerima agama keristen sebagai sebagian dari Adat. ( Hl.106 ) > > Manuruik pandapek ambo papatah nan angku sabuiktu > kurang === message truncated === ____________________________________________________________________________________ Food fight? Enjoy some healthy debate in the Yahoo! Answers Food & Drink Q&A. http://answers.yahoo.com/dir/?link=list&sid=396545367 --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
