Waalaikumsalam w.w. Dunsanak St Lembang Alam, Dalam hal iko kito punyo duo buah barito tantang peranan padusi, nan ciek saparati disampaikan dek Ananda Hanifah Damanhuri, babarapo ibu-ibu dalam Mubes LKAAM Solok Februari 2005, para peneliti peran perempuan di Minangkabau, dan Prof Dr. Keebet von Benda-Beckmann nan manyimpulkan bahaso perempuan indak baitu banyak dibao sato baretong,dan nan kaduo penjelasan Dusanak St Lembang Alam nan menegaskan bahaso di kampuang baliau perempuan ado di bao baretong, saparati kalau ka mamparalekkan anak gadih dan dalam mamparsiapkan konsumsi.
Manuruik panglihatan ambo kaduo pernyataan itu indak batantangan satu samo lain, dan dapek kito rumuskan sarupo iko: "Manuruik para peneliti masalah perempuan di Minangkabau pado umumnyo perempuan indak dibao sato baretong dalam pembahasan masalah kemasyarakatan, kacuali di babarapo nagari [antaro lain di nagari dunsanak St Lembang Alam, katiko akan mamparalekkan anak gadih jo dalam mamparsiapkan konsumsi}." Baa duduak sabananyo masalah ko pado tataran Minangkabau sacaro manyaluruah akan labiah janiah kalau kito punyo data statistik nan dipaliharo sacaro baiak-baiak. Garak ka arah ko alah dimulai dek Dunsanak Drg Abraham di Palembang [alamat email Drg. Abraham ILYAS (abraham) [EMAIL PROTECTED] walau mungkin alun mancakup masalah sampai dima perempuan Minang dibao sato baretong dalam masalah kemasyarakatan. Baliau Drg Abharaham Ilyas sacaro taliti manghimpun data-data tantang tiok-tiok nagari di Sumatera Barat. Ambo harokkan agar para dunsanak sa palanta basadio manyampaikan data tantang nagari masiang-masiang kapado Drg Abraham Ilyas ko, sahinggo pado suatu saat ado satu data base nan langkok untuak saluruah Minangkabau, untuak dapek kito manfaatkan sabagi rujukan. Masalah sampai bara jauah perempuan dibao sato baretong akan dapek kito salasaikan jo data konkrit, bara nagari dan mambao sato baretong panuah, bara pulo nan mambao sato indak sacaro panuah, dan bara pulo nan indak mambao sato samo sakali. Nan kito inginkan tantulah mambao perempuan sato sacaro panuah, sasuai jo kainginan kito mangamukokan peranan para bundo kanduang, apolagi kan alah banyak para dunsanak sarato anak kamanakan kito nan padusi nan alah bapandidikan. Mustinyo kan peranan perempuan Minang labiah manonjol dibandiangkan jo peranan perempuan di daerah lain. Kini ko alah ado sarana statistik untuak mangatahui pabandiangan antaro satu daerah jo daerah lainnyo, antaro lain kalau ambo indak salah nan disabuik sabagai "indeks pembangunan jender" dan "indeks pemberdayaan jender". Mudah-mudahan ado manfaatnyo. Wassalam, Saafroedin Bahar --- Muhammad Dafiq Saib <[EMAIL PROTECTED]> wrote: > Assalaamu'alaikum wa rahmatullahi wa barakaatuhu > > Sato sangenek ambo dan ambo salek-an parubahan > judul. adokah peran kaum ibu dalam rundiang > barundiang di nagari awak Minangkabau? Kurang satuju > ambo kalau dikecek-an nan bahaso urang padusi uindak > dibao 'baretong'. > > Di kampuang ambo, kalau ka mamparalek-an anak gadih > ado malam barundiang namono. Hadir disinan > mamak-mamak dari anak gadih, ayahno, amak jo > etek-etekno, nenekno kalau masih ado. Mako disinan > diadokan parundiangan tantang karajo kamanjapuik > marapulai. Tantang karajo ka baralek. Tantang karajo > ka pai maantaan siriah mamanggia urang. Barundiangko > indak bapasambahan bagai do sabab nan hadir adolah > awak samo awak bana. Nan banyak mangecek dalam > rundiangan sarupo iko, dalam praktek nan panah ambo > caliak di kampuang ambo justru kaum ibu. Apo lai > kalau masih ado nenek nan masih segar caro bapikia > baliau, bisa jadi nenekko nan mandominasi > parundiangan. Baliau nan tau joa urang kadijapuik. > Sia sajo nan kapai manjapuik. pabilo ka dijapuik. > Bahkan untuak ka baralek no bagai, kaum ibuko nan > mandominasi pambicaraan. Ba caro awak kabaralek, ka > mandabiah kambiang atau ka mandabiah ayam sajo dan > sabagaino. Iko masih ambo tapek-i di kampuang katiko > ambo ketek-ketek. > > Tajadi pulolah katiko giliran kami ka baminantu di > kota kini-kiniko. Sarupo itu juo kami karajoan. Ado > juo partamuan barundiang ko. Kaum padusi juo nan > banyak bicaro. Buliah dikecek-an kami kaum laki-laki > hanyolah sabagai palaksana sajo lai. > > Kalau di katiko baralek, sudah itu ado pasambahan > disinan tantu iyo nan mangecek laki-laki samo > laki-laki sajo lai sabab hanyo laki-laki nan adang > adok di tangah rumah. Dima duduakno kaum padusi > katiko ado alek bapasambahan tu? Di rumah gadang > kami saisuak, babatehan jo ruang gadang di tangah > rumah, badakek-an jo janjang (bagian ka balakang > rumah) ado biliak-biliak di sinan. Disiko bakumpua > urang padusi nan tu-tuo di rumah gadang mandangaan > urang bapasambahan tu. Tantu sajo baliau memang iyo > indak dibao barundiang do, sabab isi parundiangan > adolah barundiang ka makan, ka minun kawa, mintak > kato katurun. Jadi memang indak ado pulo paraluno > sato kaum ibu ko bakomentar do. tapi nan takana di > ambo, ado diantaro mak tuo ko saisuak nan agak > latah, pandai baliau mamonten kalau ado nan salah > pantun atau salah kato-kato dalam bapasambahan tu. > Baliau sabuik-an jo 'bisiak Sungai Pua' sainggo > raso-rasono tadanga di nan salah kato tadi tu. > > Kalau nan kudian-kudian kiniko, rapek di nagari, > masih ado juo di kampuan ambo nan namono barisan > 'Bundo kanduang' ko tatap dibao urang juo baretong. > Paliang indak katiko karajo musti ado konsumsino > mako nan mauruih konsumsiko tatap dari kalompok > 'Bundo Kanduang' ko. > > Jadi agak kurang jaleh di ambo baa mangko dikecek-an > urang padusi di nagari awak indak dibao sato dalam > barundiang. > > Wassalamu'alaikum > > St. Lembang Alam > > > > ----- Original Message ---- > From: Saafroedin BAHAR <[EMAIL PROTECTED]> > To: [email protected] > Sent: Friday, March 30, 2007 3:01:28 PM > Subject: [EMAIL PROTECTED] Re: KE ARAH PANUNTASAN WACANA > ABS SBK 4 > > > Waalaikumslam w.w. Ananda Hanifah, > > Kan bana juo barito nan salamo ko acok bana ambo > danga, yaitu induak-induak agak kurang dibao > barundiang, walaupun alah bagala doktor. Tanyato > peran induak-induak nan banyak adolah untuak > disuruah-surah sajo. Sadiah ambo mandanganyo. Tapi > syukur bako Ananda nan doktor tu indak disuruah > maambiakkan teh jo kopi, he he. > > Salam ambo untuak bako Ananda, Dr. Isna Rais. Makin > banyak doktor padusi makin rancak. Ambo maanjurkan > kapado para penghulu di Ranah untuak labiah banyak > lai mambao barundiang anak kamanakan kito nan > padusi, apolagi kacandrungannyo kini anak padusi > umumnyo labiah pandai dari anak laki=laki. Wakatu > anak ambo nan ketek wisuda di UI, dari 12 nan luluih > 'cum laude', sapuluah adolah padusi. Apolagi kito > kan bangga ka sistem kekerabatan matrilineal. Kan > aneh kalau dalam sistem kekerabatan matrilineal > tanyato peranan padusi adolah hanyo untuak > disuruah-suruah sajo. > > Wassalam, > Saafroedin Bahar > > > > ____________________________________________________________________________________ > Food fight? Enjoy some healthy debate > in the Yahoo! Answers Food & Drink Q&A. > http://answers.yahoo.com/dir/?link=list&sid=396545367 > > > ____________________________________________________________________________________ Now that's room service! Choose from over 150,000 hotels in 45,000 destinations on Yahoo! Travel to find your fit. http://farechase.yahoo.com/promo-generic-14795097 --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
