Waalaikumsalam w.w. Angku Azmi Dt Bagindo jo para dunsanak sapalanta, Tarimo kasih pulo ambo sampaikan kabakeh Angku nan alah mananggapi pulo jawaban ambo. Saparati ambo sampaikan dalam jawaban ambo pado Wacana nomor 2 nan Angku tanggapi baliak ko, rancak ambo salasaikan dulu manjawab duo galombang partanyoan angku sabalunnyo, baru kito sambuang jo nan baru. Jadi jaleh ciek-ciek baa duduaknyo pakaro. Masih ado ampek kali lai jawaban ambo, mulai nomor 10 sampai jo nomor 13. Kalau ambo jawab kini, bisa-bisa bakapiek beko.
Ambo harokkan agar dari wacana kito ko bisa jadi pandorong untuak disusunnyo apo nan ambo usulkan sabagai "Kompilasi Hukum ABS SBK" nan akan jadi pagangan saluruah urang Minang di maso datang, baiak di Ranah maupun di Rantau. Pandangan Angku sacaro indak resmi mawakili pandangan para pemangku adat,satidak-tidaknyo pemangku adat nan bamukim di Rantau, labiah khusus di DKI, sadang ambo partamo-tamo tantu mawakili ambo badunsanak. Bahaso kito kadang-kadang babeda pandapek itu kan wajar-wajar sajo, kan Angku Datuak ? Kapado pak Darul nan manjadi nakodo milis [EMAIL PROTECTED] alah ambo sarankan untuak manghimpun pakambangan wacana tantang ABS SBK ko, nan ambo harokkan bisa jadi bahan studi anak-anak mudo kito tantang masalah ABS SBK maso kini, sarato bamacam-macam pola pikia kito urang rantau taradoknyo. Karano ambo bukan ahli adat dan bukan pulo ahli ugamo, sajak mulo ambo manyarankan supayo "Kompilasi Hukum ABS SBK" itu dihimpun, dikaji, dirancang, dan disalasaikan dek para ahlinyo. Kok ka diahli-ahlikan juo, ambo hanyo ahli ilmu sosial sacaro baketek-ketek. Pengesahan "Kompilasi Hukum ABS SBK" tu dalam pandangan ambo sabaiaknyo dalam suatu Kongres Minangkabau, nan rincian karangko acuannyo bisa disiapkan tasandiri nanti. Karano itu rangkaian pertanyaan galombang katigo dari angku Datuak ko alun ambo jawab lai, dilungguakkan sajo dulu. Ambo taruihkan dulu sisa jawaban ambo sampai nomor 13. Basaba Angku Datuak dulu. Wassalam, Saafroedin Bahar. --- azmi abu kasim azmi abu kasim <[EMAIL PROTECTED]> wrote: > > Wa'laikum Salam Angku Saaf B. St.Majolelo sarato > Dunsanak sapalanta. > > Ambo sangat batarimo kasih kapado angku nanlah > mananggapi sarata manjawab manjawab beberapa > pertanyaan ambo. dan dibaliak itu ado pulo > pertanyaan angku nan harus pulo ambo tanggapi dan > ambo jawab, dibawahko ambo tulih jawabannyo dengan > mamakai huruf keteh. > > wassalam, > Azmi Dt.Bagindo > --- ambo kuduang dulu -- ____________________________________________________________________________________ Don't get soaked. Take a quick peek at the forecast with the Yahoo! Search weather shortcut. http://tools.search.yahoo.com/shortcuts/#loc_weather --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
