Assalamualaikum w.w. Angku Azmi Dt Bagindo sarato para dunsanak sapalanta,
Alah lamo amba danga bisiak-bisiak tantang apo bana nan ambo mukasuik dalam manulih buku ambo jo Dunsanak Ir Mohammad Zulfan Tadjoeddin, M.A "Masih Ada Harapan: Posisi Sebuah Etnik Minoritas dalam Kehdupan Berbangsa dan Bernegara" (2004). Tantu sajo ado nan satuju dan ado nan indak satuju. Nan satuju umumnyo dari kaum mudo jo para dosen, dan nan indak satuju umumnyo dari para pemangku adat. Nan satuju karano ambo mangamukokan fakta, data, jo informasi -- sarato talaahan akademik -- nan bisa diuji baliak salah bananyo. Nan indak satuju umumnyo indak maagiah komentar tantang data, fakta, atau informasi nan ambo sampaikan, tapi karano khawatir akan akibat kritik ambo tu taradok adat Minangkabau di maso datang. Syukur Alhamdulillah, Angku Azmi Dt Bagindo alah bamurah hati manyampaikan sacaro taruih tarang apo nan taraso dek para pemangku adat ko, sahinggo dapek pulo ambo tanggapi sacaro taruih tarang pulo, saparati barikuik. 2. Kenapa angku kok masih sangat keras untuak mengadakan perobahan mandasar tentang (ABS-SBK) ? . Disetiap kesempatan selalu angku manfaatkan untuak itu. JAWAB; SUNGGUAH SALAH DAN TABALIAK SAKALI KASIMPULAN ANGKU DATUAK BAHASO AMBO SANGAT KERAS UNTUAK MANGADAKAN PEROBAHAN MANDASAR TARADOK ABS SBK. PARUBAHAN NAN AMBO MINTA SAKETEK SAJO, YAITU SUPAYO AJARAN ISLAM TANTANG NASAB -- YAITU TANTANG HUBUNGAN DARAH SURANG ANAK DILACAK KA BAPAKNYO -- DILAKSANAKAN DALAM ADAT MINANGKABAU, SASUAI JO KASAPAKATAN KITO TANTANG ABS SBK. KINI KAN INDAK ? DALAM KANYATAANNYO ADAT KITO INDAK MALAKSANAKAN AJARAN ISLAM TANTANG NASAB YAITU GARIH KATURUNAN DIUSUT DARI BAPAK SAHINGGO TAJADILAH APO NAN DIALAMI DEK AYAH AMBO, YAITU WALAUPUN ANAK-ANAK BALIAU CUKUIK BANYAK, BALIAU MARASO PUNAH, INDAK BAKATURUNAN LAI. KAN SADIAH TU, ANGKU DATUAK ? DENGAN DEMIKIAN, MAKO SIKAP PRIBADI AMBO ADOLAH JUSTRU SABALIAKNYO DARI NAN ANGKU DATUAK TANYOKAN, YAITU SUPAYO ABS SBK ITU DILAKSANAKAN SACARO LANGKOK DAN KONSISTEN. KARANO SYARAK ITU LABIAH TINGGI KADUDUKANNYO DARI ADAT, MAKO KALAU ADAT BATANTANGAN JO SYARAK, ADAT TU GUGUR DENGAN SANDIRINYO. DALAM HUBUNGAN IKO NAN AMBO RISAUKAN ADO DUO HAL, YAITU: 1) ABS SBK TU SAKADAR DISABUIK-SABUIK SAJO UNTUAK PAMANIH KATO, TAPI INDAK JANIAH DAN INDAK JALEH BANA APO ISINYO DAN BAA CARO MALAKSANAKANNYO DALAM KANYATAAN; DAN 2) JUSTRU INDAK ADO NIAIK UNTUK MALAKSANAKANNYO SACARO LANGKOK DAN KONSISTEN [=ISTIQOMAH], TARUTAMO KALAU ALAH MANYANGKUIK AJARAN ISLAM TANTANG HUKUM KAKARABATAN JO HUKUM WARIS. KALAU BAITU APO PERSISNYO PARUBAHAN ATAU PANYAMPARONOAN NAN AMBO SARANKAN ? BUKAN TARADOK ABS SBK SACARO MANYALURUAH, TAPI KHUSUS TARADOK SABAGIAN AJARAN ADAT MINANGKAU TANTANG PUNAH YAITU TANTANG DIANGGAP INDAK ADONYO LAI KATURUNAN SUATU KAUM KARANO INDAK ADO KATURUNAN PADUSI WALAUPUN ATAUPUN PADOHAL DALAM KANYATAAN MASIH BANYAK KATURUNAN NAN BATALI DARAH DARI PIHAK LAKI-LAKI. DALAM PANDANGAN AMBO AJARAN ADAT MINANGKABAU TANTANG SOAL PUNAH IKO SABANA INDAK SASUAI JO AJARAN ISLAM TANTANG NASAB, NAN JUSTRU DIUSUT DARI GARIH KATURUNAN LAKI-LAKI. DALAM BUKU AMBO MASIH ADA HARAPAN SARAN AMBO KO AMBO AGIAH NAMO SISTEM KEKERABATAN PARENTAL PLUS, TAPI TANYATO MALAH MANIMBULKAN KESAN NAN KALIRU TARADOK APO NAN AMBO MUKASUIK, TARUTAMO DARI SABAGIAN DUNSANAK KITO NAN INDAK LANGKOK ATAU SAPOTONG-SAPOTONG SAJO -- MAMBACO BUKU AMBO TU. KARANO ITU ISTILAH TU PARALU DISAMPARONOKAN TANPA MAUBAH INTI APO NAN AMBO SARANKAN. SASUAI JO SARAN BUYA MASOED ABIDIN DI TMII TAHUN 2006 NAN LALU, AMBO SATUJU JO ISTILAH BARU SISTEM KEKERABATAN MATRILINEAL PLUS NAN ARATINYO AMBO SATUJU MASIH TETAP ADONYO SISTEM KEKERABATAN MATRILINEAL, TAMASUAK ADONYO PARA PANGHULU DAN NINIAK MAMAK, TAPI PLUS SISTEM NASAB ISLAMI. ITU SAJO. KAN INDAK MANDASAR DOH PARUBAHAN NAN AMBO MINTAK, ANGKU AZMI DATUAK BAGINDO ? PANGHULU TATAP, HARATO PUSAKO TATAP. HANYO AKUILAH AJARAN ISLAM TANTANG NASAB SUPAYO JAN ADO JUO PUNAH-PUNAHAN KO DI MASO DATANG. Wassalam, Saafroedin Bahar ____________________________________________________________________________________ Bored stiff? Loosen up... Download and play hundreds of games for free on Yahoo! Games. http://games.yahoo.com/games/front --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
