Note: forwarded message attached.
____________________________________________________________________________________
Bored stiff? Loosen up...
Download and play hundreds of games for free on Yahoo! Games.
http://games.yahoo.com/games/front
--~--~---------~--~----~------------~-------~--~----~
Kami mengundang sanak untuk hadir dalam acara: "Wartawan mengajak Berdoa
Bersama untuk Keselamatan Negeri" pada tanggal 8 April 2007 jam 08:00 di Masjid
Istiglal. Acara ini terpicu oleh musibah terbakarnya Ustano Pagaruyuang dan
Gempa di Sumbar.
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
--- Begin Message ---
Waalaikumsalam w.w. Dunsanak St Lembang Alam dan
dunsanak sapalanta,
Alhamdulillah sakironyo alah ado parubahan di nagari
kito tu ka arah nan labiah elok. Kan memang itu nan
kito tuju, sahinggo kito nan sasakali pulang kampuang
paubek rindu, iyo sabana raso pulang kampuang, indak
dipalakukan saparati samacam 'TKI/TKW' di Terminal 3
Bandara Cengkareng doh.
Namun kakhawatiran taradok baulangnyo pangua-mamangua
tu indak mudah ilang, baiak di Katapiang maupun
diluanyo. Sahinggo wakatu pak Sekjen MPKAS Ir
Yulnofrins Napilus baru-baru ko mambao rombongan 40
fotografer ka Sumbar -- rasonyo kini masih asyik
mangodak-ngodak -- pak Sekjen ma-SMS ambo mintak sifat
baa caronyo jan taulang pangalamanan paik sabalun tu,
baiak dari pareman maupun dari aparat, nan suko
aneh-aneh.
Sugiro ambo SMS pulo kawan ambo, Pak Rusmazar`Ruzwar,
Ketua Perwakilan Komnas HAM Sumbar, nan kabatulan
manjabat sabagai Wakil Ketua Dewan Pembina Kadin
Sumbar bidang Pariwisata, supayo mamintak bantuan
Polda Sumbar jan ado halangan di jalan. Kok tajadi kan
malu kito sadonyo.
Syukur dapek jalan kalua nan labiah elok, yaitu wakatu
rombongan para 'Mat Kodak' tu sampai di Katapiang,
disambuik sacaro resmi jo karangan bungo oleh Uni Uda
Sumbar basamo jo tokoh-tokoh pariwisata,sahinggo
rasonyo indak ka ado pareman jo aparat nan ka amuah
aneh-aneh sasudah tu lai.
Baa juo curito Dunsanak St Lembang Alam tantang
Minangkabau International Airport satahun nan lalu tu
tetap penting sabagai 'entry point' untuak saluruah
jajaran MAPPAS manganai apo nan paralu dikarajokan.
Karano itu ambo mangucapkan tarimo kasih bana ka
Dunsanak. Itulah sababnyo manga tanggapan ambo
langsuang ambo tukikkan kapado paralunyo penegakan
hukum jo panyiapan masyarakat di Sumbar, sabab ambo
picayo parbaikan kaadaan kini indak tajadi sacaro
tibo-tibo, tapi yo dek karano ado respons dari pejabat
nan batangguang jawab, dan mudah-mudahan juo dari
'tungku tigo sajarangan'.
Kok dipalapeh sajo rasonyo 'pinyakik' itu bisa kambuah
baliak.
Wassalam,
Saafroedin Bahar
Assalaamu'alaikum wa rahmatullaahi wa barakaatuhu
Manolah pak Saaf sarato dunsanak silang nan bapangka
di MAPPAS sarato dunsanak di sabalik bumi Allah.
Takicuah ambo saketek jo thread nan iko, dan indak
ambo sangko bahaso pak Saaf mananggapi carito
Minangkabau International Airport. Carito tu sandiri
alah labiah sataun nan lapeh ambo lapeh ka Palanta,
katiko sadang rami bana kawan nan talanguah sasudah
lalu di MIA. Ambo raso kini mungkin alah banyak
kamajuan di sinan, alah baransua agak bataratik walau
masih juo paralu paningkekan.
Sacaro kasaluruahan, manuruik pandapek ambo nan sabana
paralu bana jadi sabana urusan kataratikan dan
kataraturan nan bakasinambuangan. Di carito lain
'Seminggu Di Ranah Bako' iko pulo nan ambo mimpikan,
masyarakaik Minangkabau nan sopan sarato santun,
luruih, amanah, elok, sarato baiak budi ka urang nan
datang. Kok nyampang adolah nan bak nantun, sabana bak
raso ka sangaik populer nagari awak di manca negara.
Tingga lai sasudah itu ciek lai urusan moral anak
kamanakan. Supayo mareka manjago bana etika jo agamo
Islam sabaiak-baiakno. Jaan sampai tabao rendong dek
moral urang nan indak sasuai jo adaik sarato budayo
kito.
Itu sajolah samantaro katambahno di ambo.
Wassalamu'alaikum,
St. Lembang Alam
http://lembangalam.multiply.com
http://360.yahoo.com/stlembang_alam
--- ambo kuduang disiko --
____________________________________________________________________________________
Expecting? Get great news right away with email Auto-Check.
Try the Yahoo! Mail Beta.
http://advision.webevents.yahoo.com/mailbeta/newmail_tools.html
--- End Message ---
