assalamu'alaikum ww, bapak/mande dunsanak di Palanta, awak ka bacarito saketek ukatu awak pulang kampuang ka Batagak/Sungai Pua-Kiktinggi pado 6-8 April 2007. iko tulisan sangajo diketik diateh supayo bagi nan kurang bakanan bisa lansuang di delete dari samulo. untuak bari ma'af awak dari samulo. Awak jo rombongan Paemban barangkek dari Rumbai pukua 09:15 wib dan sampai di Kiktinggi (Nikita Hotel) jam 15:30. adopun niaiak dari kawan-kawan untuak maemban di Kiktinggi yaitunyo disalah satu daerah nan kanai gampo tapi ado lapangannyo adolah untuak sabia maemban baniaik an untuak mambari hiburan bakeh masyarakaik nan sadang basadiah sakalian manyarahan bantuan untuak pambali paku agak sakilo papan agak saalai. Pado ari Satu, awak pai ka Nagari Batagak untuak mancaliak kondisi lapangan sarato mansurvey kasia kolah sumbangan kadibarian. dalam pado itu ado ciek kaba nan kuran lamak didanga dek masarakaik dari pak Bupati Agam (kalo ndak salah danga awak) bahasonyo sakiro tgl 24 Maret 2007 masyarakaik diundang untuak paratamuan jo Bupati ???(pajabaik dari kantua Bupati Agam???) untuak masalah bantuan dari Pamerentah nan Rp 10 Juta per-rumah nan paralu dipelok an. ruponyo dari pajabaik nantun didapek kaba bahasonyo bantuan nan Rp 10 Juta dari Pamarentah nantun adolah omongkosong belaka, jadi ijan rakyaik talalu baarok bana jo janji nantun dek iko hanyo bohong keceknyo. antahlah.......baa kolah nan sabananyo....... babaliak ka kaji cako, kami ka Kiktinggi ado 2 rombongan nan ciek pai maemban nan ciek pai basapeda ka daerah Malalak tambuih ka Pariaman malalui lereang gunuang Singgalang. Sakiro jam 4 patang ari kami bakumpua di nagari Batagak untuak samo-samo manyarahan sumbangan nan lah di kumpua dek masiang-masiang rombongan. rombongan nan maemban acaranyo di tutuik jo makan malam basamo di RM Sederhana sambia bamalam minggu. sudah makan pai bajalan-jalan kabawah jam gadang sambia mancaliak anak-anak mudo nan potensial babalap-balap onda di jalan gadang nan acara iko balanjuik sampai pukua satangah satu malam (awak pai lalok). ado ciek lai nan talupo yaitu kutiko duduak-duduak di lobi Nikita lai talakik juo mambaco harian surek kaba nan tatulih di sinan Oto Sampah indak jalan dek jalan masuak lokasi pambuangan sampah Kota di blokir dek panduduak karano urusan tampek iko alun klop lai jo Walikota Bukiktinggi. ciek lai nan ebaik adolah patamuan jo pak Syafril nan Manager Nikita. wakatu manalepon mamasan hotel dari Pakanbaru ka resepsionis batanyoan dulu pak Syafril untuak pambukak jalan. dek baliau ndak ado baru ditanyoan adondak kamar kosong untuak tgl 6-7 nanti. lah tibo di Nikita lai acok basuo jo pak Syafril nangko dek baliau bulak baliak taruih ka resepsionis sakalian kontrol, tapi dek awak cuma tau namo lewaik e-mail tau suaro lewaik talepon io basenyun-senyun snek sennyo tando kito batagua sapo. Ari akaik pagi kutiko pulang kaliliang Kiktinggi jo jalan kaki kami sarapan di restoran hotel, katiko sadang duduak bagalak-galak jo kawan-kawan datang Manager Nikita mamparkenalkan diri "Selamat Pagi pak Saya Syafril Manager Nikita". hhahahahha........ iolah Gadang bana mampaa'aiknyo Palanta Rantau awak ko,....... Mudah-mudahan ado juo diantaro dunsanak-dunsanak nan akan dipatamuan sacaro Kopi Darat istilahnyo nan salamoko hanyo kenal lewat tulisan sajo, amiiiiin. alah du jo mohon ma'af dek lah kiun kamari pulo ketikan ko, juo mohon maaf kapado nan taraso tasingguang dek isinyo. wassalamu'alaikum ww Batuduang Ameh (40)
--~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
