Kelapa Gading 12 April 2007
Assalamu'alaikum W.W
Angku Saaf St.Majolelo, sarto angku2 Bapak2
Nan Ambo Hormati
Pada wacana nomor 6 ko indaklah ado nan harus ambo jawab karano indak ado
nan babantuak pertanyaan. Namun ambo hanyo akan mencubo mangamukokan pandapek
atau tanggapan ambo, sehubungan dengan apo nanlah angku sampaikan. Antara lain
angku mangatokan urang Minang labiah mamantingkan harato dari pado urang.
Manuruik pandapek ambo indak, kaduo-duonyo samo-samo penting seperti nanlah
ambo sampaikan sabalunnyo. Dek awak ibo jo dunsanak kamankanlah mangko harato
sebagai tampek diam dan tampek hiduik sarato tampek mancari makan mereka,
harus kito paliharo, indak buliah dihilang dilanyokkan, kok hilang di cari kok
luluih di salami. Kemudian tentang “Punah” nan angku kamukokan, sabalun kito
mambicarokan masalah punah, ambo terlebih dahulu ingin mangamukokan pandapek,
tentang keberadaan anak ujung ameh atau anak pusako( keluarga Batik), dalam
tatanan kehidupan Masyarakat Adat Minangkabau. Kemudian dalam beberapa tulisan
angku, bahwa mangatokan indak tatarik tehadap harato
pusako.Dan tanggapan ambo, ambo tulih dengan mamakai huruf kecil, terima
kasih.
Isi wacana nomor 6 ko ado duo buah, nan satu tentang sikap tardok para panghulu
nan indak malaksanakan tugas-tugas baliau sacaro baiak, dan nan kaduo tantang
motif ambo mamparsoalkan adat Minangkabau. Tantang nan paratamo, nan mandorong
ambo batanyo adolah posting dalam RN babarapo bulan nan lalu ado postings
tantang babarapo macam panghulu nan indak
ideal, mungkin kutipan dari Kaba Cindua Mato, karano tingkah laku baliau indak
basasuaian jo norma-norma ideal adat tantang kapanghuluan. Tantu sajo ambo
tatarik untuk mananyokan hal iko ka Angku Azmi DtBagindo. Tantang nan kaduo,
ambo paralu manjalehkan latar balakang kaputusan kami badunsanak tantang
'manjua' bagian kami harato pusako, nan saparati kesan ambo
sabana manjadi paratian dari Angku`Azmi Dt Bagindo.
5.Baa pandapek Angku tantang panghulu nan indak
malaksanakan kawajibannyo sacaro baiak, antaro lain
nan banyak manggadai dan manjua harato pusako, dan
bukan manyalasai tapi malah mambao parakaro harato
pusako ko ka pangadilan, saparati
dikaji dek baitu banyak panaliti?
Jawaban : Sabananyo kito indak bisa manyalahkan
panghulu sajo, banyak juo nan bukan panghulu nanlah
babuek sakandaknyo tentang harato pusakotu, dengan
dalik dan alasan macam-macam. Manjua, manggadai dan
memberikan kepado pihak lain. Seperti nanlah tajadi
pado ayahda angku dan angku sendiri. Angku sendiri
kanlah malakukan hal saparati itu dengan manjua habis
harato pusako dalam paruik ibu atau suku angku di
Kajai Kampung Dalam Pariaman(MAH hl 36-37 ) Dan nan
labiah parah lai adiak kandung angku sendiri nan
banamo H.Chairuman Bahar telah berhasil pulo
mayakinkan mamak dari pihak istrinyo untuak manjua
harato dalam kaum istrinyo (MAH h 39) iko adolah
sangat batantangan dengan perinsip dasar adat
Minangkabau, sorang urang samando indak baik manuruik
adat berbuat demikian. Dalam adat
dikatokan harapan terhadap urang samando adolah :
Kok elok ratak tangannyo baolah manukuak jo mananmbah,
kok elok ratak lidahnyo baolah kusuik
manyalasai,baolah karuak manjaniahkan.Kahilia baolah
sarangkuah dayung kamudiak baolah saantak galah. Jan
tajadi sabaliaknyo; aia taganang jan dikaruah, tali
tarantang jan diputuih, kok tibo dikusuik jan
maenjo-enjo, kok tibo dikaruah jan mangundak-ngundak.
Opo lai manjua manggadai harato dan bukan hak kito.
Jadi tujuaktu cieknyo nan untuak urang tigo untuak
awak.
JAWAB 5/1: ALHAMDULILLAH, WALAU SACARO IMPLISIT SAJO,
ANGKU ALAH MANGAKUI BAHASO MEMANG ADO PANGHULU NAN
INDAK MALAKSANAKAN KAWAJIBAN BALIAU-BALIAU SACARO
BAIAK. HANYO KINI ANGKU MANUNJUAK BAHASO INDAK
PANGHULU SAJO NAN MALANGGAR, NAN INDAK PANGHULU JUO
MALANGGAR. DALAM HAL KO ANGKU MANUNJUAK PANGALAMAN
AMBO [IKO KAN JUO SANGAT PRIBADI, ANGKU AZMI DT
BAGINDO?]. TAPI BAIAKLAH, NAN KAMI JUA ADOLAH NAN
BAGIAN KAMI BADUNSANAK.
Jawab : Ambo tidak baniat untuak manyarang pribadi angku, tapi persoalan
tersebut telah terbuka untuk umum, dan nan mambuka adolah angku sendiri dalam
buku angku.
Pertanyaan ambo apo mungkasuik angku mambukanyo ?
Apo angku berkeinginan haltu diikuti oleh masyarakat
Minang lainnyo ?
JAWAB 5/2; TARIMO KASIH KALAU MEMANG INDAK ADO NIAT
ANGKU NAK MANYARANG.
TANTANG APO MUKASUIK AMBO MAMBUKA ? KARANO SAKIK BANA
TARASO DI AMBO BABARAPO ASPEK AJARAN ADAT MINANGKABAU,
TARUTAMO NAN LABIAH MAMANTIANGKAN HARATO DARI URANG
DAN TANTANG PUNAH NAN MANYABABKAN SURANG AYAH TAPASO
MANGECEKKAN KA ANAK KANDUANGNYO BAHASO BALIAU PUNAH
(=INDAK ADO BAKATURUNAN LAI!). HAL ITU ALAH MANJADI
TRAUMA PULO DEK BALIAU SAMPAI BALIAU MANINGGA DUNIA DI
JAKARTA. JADI LABIAH TAPEK DIKATOKAN AMBO MANGALUAH
BAHKAN MAMAKIAK KARANO SAKIK BANA RASONYO, APOLAGI
KALAU DIUKUA DARI AJARAN ISLAM TANTANG NASAB.
SAPARATI AMBO TULIH DALAM HALAMAN 14 ALINEA 2 BUKU
AMBO TU, AMBO BAHARAP MASYARAKAT MINANGKABAU NAN LAIN
INDAK ADO NAN MANGALAMI TRAUMA SARUPO NAN DIALAMI
AYAH AMBO JO AMBO TU.
Tangapan : Konon kabanyo pada zaman dahulu dibeberapa daerah di Minagkabau,
menurut aturan nan Minangkabau nan asli sesuai dengan (ABS-SBK), apabila akan
mencari menantu, yang di tanyo terlebih dahulu adolah; siapa mamaknyo ?… dan
kama babakonyo ?. Hal ini adolah sebagai perwujutan ateh perpaduan adat jo
agamo, sesuai dengan pilosofi (ABS-SBK). Menurut aturan adat mamak secara moral
bertanggung jawab kepada kemanakannyo, kok siang baliek-liekkan kok malam
badanga-dangakan, tibo dikusuik disalasaikan kok tibo dikaruah dijaniahkan,
apbilo moral seorang kemanakan indak elok mako nan disalahkan urang adolah
mamaknyo,….itu kamankan sianu…atau anak buak angku anu. Menuruik aturan agamo
darah mengalir dari ayah keanak, sedangkan keluarga bako adolah dunsanak dari
ayah, mako hulu dari anak adolah keluarga bako. Ado hulu ado muaro, mako
hubungan antaro hulu jo muaro harus selalu di jago dengan baik, jangan sampai
aia nan mangalir dari hulu karuah tibo muaro, jangan
hilang asa di nan pasa atau jangan lupo kacang jo kuliknyo. Jan bak kacang
malampau junjung, usahleh buah kadiarok, utang katanah alun tabaia, jaso
kagagang balupokan, maratok junjung dilalui, pahamlah angku tantang nantun.
Mako itulah barangkali sampai kini di beberapa daerah di Minangkabau dan bahkan
di Jakarta, masih ado nan malaksanakan alek bako, karano hikmah alek bako itu
adolah sebagai wujut pernyataan dari satu kelompong yang bernama bako,
melewakan kenan rami, nak taserak kabumi tabayang kalangik, bahwa anak
tersebut asanyo atau katurunannyo adolah dari kami,…. kato bako, mako janganlah
ragu-ragu untuak menarimo anak tersebut untuak manjadi minantu. Dan disamping
itu ado istilah dalam adat Minangkabau, “ mati ayah bakalang anak, mati anak
bakalang ayah”, artinyo adolah jika ayah sudah tiada, hubungan anak dengan
keluarga bako tetap harus berjalan dengan baik, jiko ado persoalan nan tajadi
pada keluarga bako, kok ado kusuik nan indak salasai atau karuah
nan indak janiah, dan alaun dapek disalasaikan dek mamak dikelompok bako, mako
anak pusako atau anak ujung ameh biasonyo dikumpuakan dimintak bertindak
sebagai penengah, untuak mancari kusuik nak salasai karuah nan manjaniahkan
atau mancari aia nan janiah sayak nan landai. Namun hal tersebut indaklah dapek
terjadi dengan secara otomatis, hal itu sangat tergantung kepada peranan ayah
semasa hidupnya, berhasilkah dia melaksanakan apa yang di telah gambarkan dalam
pepatah adat Minang yang sangat terkenal yaitu, “ anak di pangku kemanakan
dibimbing dan urang kampung di patenggangkan”. Dipangku anak jo panghasilan
sendiri, atau jo hasil karingan cucua paluah, sebagai tanggung jawab langsung
kepada Allah, dan di bimbing kemanakan sebagai tanggung jawab moral, sesuai
dengan aturan adat nan balaku di Minangkabau, dengan mangabek padi jo daunnyo,
yaitu dengan hasil harato pusako tinggi. Namun dibalik itu anak kito kan
mempunyai mamak dan harato pusako pulo, mako anak kito akan
mandapek bimbingan pulo sacaro moral oleh mamaknyo dengan mangabek padi jo
daunnyo, yaitu dengan haratonyopulo. Begitulah kedua aturan itu berjalan tanpa
bersentuhan diantara keduanya. Sesuai dengan bunyi pepatah :
Calak alah tajampun ado, Tingga dibawa manyimpaikan,
Adat alah syarakpun ado, Tingga diawak mamakaikan.
Simoncak jatuah tarambau, Kaladang mambao lading, Lokolah paho kaduonyo,
Adat jo syarak di Minangkabau, Sarupo aua dengan tabing, Sanda basanda
kaduonyo
Selanjuiknyo tentang masalah “punah” sebenarnyo harus jelas dulu yang punah
itu keluarga yang mana, keluarga angku atau keluarga dunsanak ayahda angku ?,
jikok nan punah itu keluarga bako angku atau dunsanak ayahda angku, yaitu
keluarga menurut jalur adat. Meneruik pandapek ambo hal tersebut seharusnyo
indak ado pengaruh kapado angku sebagai anak ujung ameh dari keluarga
tersebut. Karano nan punah itu adolah pihak bako angku, yang sudah barang tentu
antaro angku dan mereka mempunyai jalur nan babeda menurut aturan adat nan
balaku di Minangkabau. Kemudian punah itu sendiri harus diliek dulu
permasalahannyo, karano ado dunsanak nan saeto, nan sajangka, nan satampok,
nan sabuah jari. Aratinyo sabalun dikatokan punah dilek dulu dunsanak nan
sabuah jari, indak ado nan sabuah jari, diliek nan satampok, indak ado nan
satampok, diliek nan sajangka, begitulah sataruihnyo. Jokok itu memang sudah
indak ado lai dalam sebuah keluarga atau keturunan, mako disinanlah baru
bisa sebuah keluarga atau keturunan dapek dikatokan punah, yaitu kok patah
indak tumbuah lai, kok hilang indak baganti, sehinggo tibo di warih indak ado
nan kamanjawek, tibo pusako indak ado nan kamanarimo. Menurut aturan adat
seorang anak pusako atau anak ujung ameh tidaklah terlalu baik jika ikut
melibatkan diri dalam persolan atau kemelut nan terjadi pado keluarga bakonyo,
terutama dalam hal perselisihan harato pusako, apalagi sampai berpihak dan
mengakibatkan putusnyo tali persaudaraan atau silaturrahmi diantara kedua
keluarga basar. Sebaiknya bertindaklah sebagai penengah, sesuai dengan istilah
dalam adat; bahwa “anak pusako itu tingginyo indak tasundak gadangnyo indak
talilik” dalam keluarga bakonyo, karena seorang anak pusako atau anak ujung
Ameh tidak akan mengambil manfa’at apa-apa dari segala hal yang
dipersengketakan itu, kecuali tersangkut hanya secara moral. Jika masalah ini
terbuka kepada umum anak pusako pun akan ikut marasa malu atas kemelut nan
tajadi pada keluarga bakonyo.
Kemudian dalam beberapa penjelasan angku, bahwa angku mangatokan indak
tatarik terhadap harato pusako, namun kalau kito perhatikan peroblim nan angku
kemukokan jelas bahwa awal permasalahannyo adolah dari harato pusako, seperti
nan angku tulih dalam (MAH), seperti cuplikannya dibwah ini ;
Seperti dapat diduga, masalah harta warisan dikemudian menjadi sumber
sengketa berkepanjangan antara Ayahda penulis dengan adik seibu dan kemanakan
beliau tersebut, sampai perkara berlarut-larut di pengdilan Padang Panjang.
Masalahnya adalah Ayahda penulis sudah mewakafkan tanah pusaka untuk tiga buah
Mesjid di kota Padang Panjang, dan oleh kerena itu memintah agar tanah wakaf
untuk mesjid tersebut jangan dimintak lagi sebagai warisan oleh kamanakan
beliau. Permintahan ayahda penulis bukan saja tidak di gubris malah digugat
secara perdata kepengadilan. Walaupun sudah mengajukan argumen dan membela diri
secara gigih berdasarkan ayat-ayat al Quran, namun ayahda penulis kalah
berpekara, bukan saja karena Al Quran bukan hukum positf, tetapi juga oleh
karena kemanakan beliau tersebut dibela oleh menantunya, seorang pengecara dari
luar daerah. Peristiwa itu sangat meremukkan hati ayahda penulis yang
menyebabkan sampai beliau meninggal dunia tidak pernah lagi bertegur
sapa, baik dengan adik beliau etek Naimah maupun dengan kemanakan beliau Wan
Basir Sutan Tan Kabasaran.(MAH 36-37)
Kelihatanya mewakapkan harta tersebut tidak dengan musyawarah, sehingga niat
atau perbuatan baik, indak malalui jalan yang baik, maka akan menemui
kesulitan dibelakang hari. Suatu tujuan yang baik tetapi dilaksanakan melalui
jalan yang tidak baik, maka hasilnya tetap tidak baik. Sekalipun harta pusaka
tersebut di wakafkan untuk kepetingan mesjid, namun karena harta pusaka
tersebut bukanlah milik pribadi, tetapi adalah milik kolektif atau milik
bersama dalam satu kaum atau suku, yang hanya boleh dimanfaatkan dan diambil
hasilnya dan tidak boleh di jual atau digadaikan, apa lagi dihilangkan atau
dilenyapkan.
Oleh karena yang akan diwakafkan itu adalah harta pusaka tinggi atau harta
warisan harta bersama, sudah barang tentu harus di musyawarahkan terlebih
dahulu dengan yang berhak, “ kaciak tahu gadang pandai” dibao kata jo mumfakat,
bulek aia kepembuluh, bulat kato dengan mufakat. Jika telah ada kata yang
sepakat, barulah bulat digolongkan picak dilayangkan..
Memang kita samo-samo berharap kiranya kejadian seperti pengalaman keluarga
angku, mudah-mudahan indak terjadi lagi, pada pihak lain dikemudian hari,
semoga demikianlah hendaknya Amin.
Wassalam,
Azmi Dt.Bagindo
---------------------------------
Kunjungi halaman depan Yahoo! Indonesia yang baru!
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
