Waalaikum Salam Wr Wb bundo yth
Asyik mambaco tulisan bundo, taraso punyo urang tuo iffah dibundo.
Iffah salekkan jawek tulisan bundo dih
Salam
Hanifah Damanhuri
Assalamu Alaikum W. W.
Manolah Angku Sati nan barado di Padang sarato jo Upiek nanda Iffah di
Bangkahulu bari maaf bundo karano indak jaleh-jaleh mangecekkannyo. Di Minang
sagalonyo awak kecekkan jo ereng jo gendeng. Sungguahpun kaie nan dibantuak
ikan dilauik nan dihadang.
Batua bundo, mama iffah acok bapasan, â caliaklah jo mato hati â.
Aturan adat awak indak tatulih, awak dibiasokan mambaco nan tasirek dari nan
tasurek, bilo paralu pandai pulo mambaco nan tasuruak. Makono indak bisa bagai
awak bebas bak kato awak doh walau dengan alasan HAM. Pisau urang tajam-tajam
untuak mangubak nan tasirek dun. Iko nan tatulih sacaro tasurek⦠tabiaso awak
manangkok ..kama tembakkanno du. Dikampuang bundo baa, mantun pulo ndak?
Jadi nan partamo nan tuo juo didahulukan manjawabnyo. Nasehat dari Buya
Mas'ud tu untuak urang nan lah bakaluarga bukan untuak anak ABG nan sadang
mancari jodoh.
Bundo, kan anak-anak bundo bundo alah bakaluarga sadono. Iffah nio tau baa
caro bunda mancari calon manantu? Langsuang satuju sajo jo pilihan anak atau
bundo ikuik talibat? Anak iffah kan alah bi gadang pulo, jadi mungkin akan
mahadok-i masalah iko nanti.
Wakatu iffah tanyo anak laki-laki nan alah kuliah apo ano alah punyo pacar,
jawekno â ih mama ini masak anak Nasyid pacaran? â, kebetulan sajak SMA ano
jadi panyanyi Nasyid di sekolahno, di tampek kuliahpun masih jadi panyanyi
Nasyid. Tapi wakatu libur dicaliakkanno Kodak kawan kawan padusino. Ado surang
acok bana muncul dalam Kodak, senyumno wakatu kami tanyo. â Sudah haji dia
mamaâ , katanya. Tapi anakdun anak Sunda. Kato papano â ndak boleh sama
anak Sundaâ .
Kalau nan gadih nan kelas satu SMA ditanyoi apo dilla alah punyo pacar,
jawekno â mama ini Islam nggak sih â . Alhamdulillah dillla agak
alim dari mamano he he he. Wakatu SMP dilla minta pakai Jilbab, iffah tunda
dulu. Katiko SMA ndak bisa ditunda lai, jadi sajak masuak SMA dilla pakai
Jilbab. Mamano wakatu sagadang dilla dun ondeh mandeh .. mancingkahak . Kami
alah pakai sarawa kotok (salutuik, sampik) sajak tahun 76 an, sahinggo bajua
murah batih indah kami. Jo pakaian mantun kami ranangi tabek gadang, bagadencak
dilapangan volli, lari pagi dari Sungai Tanang sampai ka Jambu Aia di minggu
pagi sambia mangulek tabu sapanjang jalan. Ck ck ck dunia bak kato kami sen.
Pernah dibangihi bako katiko baliau pulang kampuang, katono â Kok iduik ayah
den langsuang pingsan no mancaliak parangai kalian â. ( Kakek Ustadz terkenal
di zamanno )
Untuak nanda Iffah yo kok untuak awak bakarajo ko iyolah agak banyak nan
kaditenggang. Iko untuak urang nan lah bakaluarga. Bundo caliak jarang urang
padusi nan berhasil dalam karier, rumah tanggo, dan membesarkan anak-anaknyo
dengan selamat.Kadang-kadang hanyo 2 dari 3 tu dapek dek awak padusi. Tapi
sagalonyo anugrah Allah SWT do'a nan baiak salalu takabua. Banyak bana nan ka
ditenggang kok karier awak malonjak beko suami agak kurang dan jan basilanteh
angan sajo. Banyak dari suami tu nan mancari konpensasi jadinyo inyo nio
manunjuakkan siapo inyo.
Batua bundo. Makono banyak kawan-kawan nan padusi indak ngotot bana untuak
jadi pajabat. Cukuik jadi pengajar sajo. Kauntuangan jadi dosen, wakatu agak
bisa diatur. Nio sibuk silakan, nio santai juo masih bisa. Masiang-masiang
tantu ado kalabiahan dan kakuranganno.
Bundo masih ingek wakatu bakarajo saisuak wakatu ayah dikirim sikola kalua
salamo satahun payah bundo manenggang. Kok sadang bajalan kaki urang baranti
baoto lalu mambari tumpangan bakecekkan tarimo kasih nio baolah raga saketek.
Kok ado bajalan malam-malam diantakan basamo padusi lain atau mambao oto
sandiri. Sabab sakali diliek urang awak minum-minum di bar tanpa laki awak
urang akan maremehkan awak. Juo jan sakali-sakali urang dibiakan mangecek
cabul dakek awak itu kalau bahaso kininyo Pelecehan Sexual. Jan pulo awak nan
mamulai bacarito kakida itu biasonyo dek laki-laki dianggap sarupo mamberi
Green Light. Jan salalu manyalahkan laki-laki kanai ati jo awak - awak nan
salah sandiri mambari angin. Secantik bidadari sekalipun kita perempuan ini
kalau gayung tak bersambut tak kan terjadi hal-hal yang tak diingini itu.
Nasehat yang bagus sekali bundo.
Baa pulo manuruik bundo kalau nan pai sikola adolah sang istri?
Kadang si istri tapaso bakawan jo laki-laki, jo alasan baraja basamo atau
mambuek tugas misalno.
Sekian dulu mohon maaf mungkin pemikiran bundo sekarang tidak sama dengan
anak muda-muda sekarang nampaknyo telah terjadi generation gap. Nan jaleh
wakatu tahun 1957 ado kawan bundo nan kawin jo rang Jawa maknyo kaget lalu
maningga dan diwaktu pesta nikahnyo tu maknyo lah indak ado inyo managih
bakapanjangan. Dulu indak ado urang nan basarawa kotok padusi doh tapi kiniko
lah banyak dikampuang sakalipun.
Wakatu tahun 1957 itu, padusi masih dijodohkan oleh kaluarga. Jodohnopun
indak baranjak dari daerah salingka nagari (kacamatan). Kalau bundo sandiri
baa? Bajodohkan atau cari sendiri? Cerita dong.
Wassalam Bil Maaf
Bundo Nismah (68+)
---------------------------------
Ahhh...imagining that irresistible "new car" smell?
Check outnew cars at Yahoo! Autos.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
