Assalamu'alaikum,wr,wb. Ambo dapek memaklumi apo nan disampaikan Mak Ban, Mak Sati, Mak Darul dan mamak2 kito nan lain nan mamakai email plat itam nan mambayie pulsanyo jo kepeang pensiunannyo. Untuak itu kito harus sadar diri, kok ka mangirim attachment tantu harus kito paketek dulu atau dibuek saminim mungkin.
Kembali ka leptop ........ ee ... mukasuiknyo ka judul nan alah ambo rubah yaitu tentang Rakernas MAPPAS nan diselenggarakan pado hari Sabtu 5 Mei 2007 sampai hari Minggu 6 Mei 2007 di Villa Kuniang Cimelati, bajalan sukses. Samulo rapek ko hanyo marupokan rapek pleno biaso, tapi dek karano ado komitment dari perwakilan daerah nan akan ikuik mako status rapek ko disepakati manjadi Rakernas. Perwakilan daerah nan akan datang adolah dari Pakan Baru, Padang dan Palembang. Tapi dek karano kesulitan mandapekkan tiket, mako dunsanak nan dari Pakanbaru indak jadi sato. Rapek alah dimulo-i pado jam 15.00(?), baa kok diagiah tando tanyo, sabab ambo baru dapek bagabuang pado jam 17.30 dek karano kami (ambo jo angku dt.Ponokayo) terhadang macet sepanjang jalan dari dangau Dt.Ponokayo di Jalan Kayu Putih Jakarta Timur. Cuaca hujan saat kami tibo di muko Villa Kuniang, oto lah banyak nan parkir dihalaman villa tu bahkan sampai kalua parkir di jalanan Cimelati nan mulus tu. Kami bagabuang, rapek sadang membahas sesi penamaan dan struktur organisasi. Sidang dipandu oleh Dunsanak Irwansyah. Cukuik alot dan tajadi diskusi nan panjang leba nan demokratis bernuansakan Minang. Pas jam sumbayang mugarik, sidang diskor, peserta sholat dan makan malam, tasadio empek2 dan karupuak Palembang. Salanjuiknyo ditaruihkan ka topik lain, rapek bajalan serius tapi santai, nan ka makan jaguang abuih, ubi goreang dan makanan untuak pangulek tasadio banyak oleh Ibuk Sekjen. Nan cukuik manarik pado saat sesi membahas logo MAPPAS nan di disain dek Yogi putera kelahiran Bengkulu samo taka ambo. Beliau menampilkan 3 opsi logo MAPPAS langkok dengan filosofi dan arati dari logo tersebut. Sidang menanggapi dan menentukan pilihan nan mano nan akan jadi logo MAPPAS. Sidang taruih balanjuik membahas program karajo nan dipandu dek Ronal sampai jam 02.00 dinihari, sasudah itu sabahagian ado nan lalok, dan ado pulo nan main domino. Di arena sidang, leptop taruih baputa mananyangkan VCD tentang Pariwisata Sumbar. Jam ampek pagi kamipun takalok kasadonyo, hanyo tidua +/- 2 jam, mato alah tabangun pulo dan sumbayang subuah dan dilanjuik jalan2 pagi. Dek kami ado acara pulo siang minggu tu, mako pado jam 06.30 kami (ambo jo Dt.Ponokayo) pamit untuak undur diri pulang ka Jakarta. Sidang masih melanjutkan membahas materi nan tatingga tapi indak siginifikan lai. Mungkin Ibuk Sekjen akan dapek manyampaikan laporan pandangan matonyo. Untuak itu ambo selaku salah seorang peserta dari daerah maucapkan tarimo kasih dan saluik nan satinggi-tingginyo ka Ibuk Sekjen nan alah bekorban banyak untuak terselenggaranyo acara ko, dan saluik pulo ambo ka Apak Saaf nan hadir basamo Ibuk. Kapado kawan2 nan lain pun ambo sangaik sanang batamu dek karano ado nan baru partamo batamu didunia nyato atau copy darek. Dek badan masih rangkik2 dan alah masuak karajo, ambo sudahi sanggan itu dulu, mungkin ado nan lain nan akan manambahkannyo ? ambo silahkan. Wassalam, HM Dt.MB (50+) > > Kpd sanak nan "tasapo" (Nuraini, St Sati) dek ambo. > > Ambo mohon ma'af pulo, dek talampau madramatisir > kagadangan postiang du. Maklum lah Asaa, lah "paibo" ati. > Kini lah samo tau wak, lah sajalur awak. > > Salamaik rapek di Cimelati (*). Ambo mambantu jo doa sajo. > Semoga lancar, semoga berkelanjutan. > Ambo mandukuang panuah MAPPAS > > Usulan Arnoldison sabana tapek. Iyo itu nan elok. > > (*) Ambo sabanano ingin hadir di rapek Mappas, > dek karano sasuatu ambo indak bisa hadir. > > Wass > mak Ban > Bogor > ~~~~~ > > ----- Original Message ----- > From: "Nuraini B Prapdanu" <[EMAIL PROTECTED]> > To: <[email protected]> > Cc: "'Milis Pengurus MAPPAS'" <[EMAIL PROTECTED]>; "'Milis MAPPAS'" > <[EMAIL PROTECTED]> > Sent: Friday, May 04, 2007 8:06 AM > Subject: [EMAIL PROTECTED] Re: Paliang gadang salamo Rantaunet iduk & Mohon > Maaf > >> >> Mak Ban, Mak Sati dan dunsanak kasadonyo serta moderator nan ambo >> hormati --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---
