Assalamualaikum.
Numpang mancogok.
Ambo bakarajo dipalabuahan Klang mauruih kamasukan kain2 dari Indonesia
untuak pasaran Malaysia,diantaronyo ado kain saruang,mode kini adolo nan
bakotak karah ampek sagi adolo nan bakaleang.
Sabalunko ambo maanta nan bakaleangko,dek katuju nak mangicok,ambo bali dou
alai, indaklo namuahnyo maambiak pitih,mungkin dek bakecekan untuak Sambayang.
Dek ukatu Asar lah masuak kutiko ambo sadang manyupir di Lintas,salapeh
mambaia tol sampailah ambo dikawasan Istirahat nan ado disadiokan surau,kutiko
ambo sampai indak ado surau baurangdoh, jadi ambolah imam ambo juo
makmum,sadang wirit2 abih sambayang,tibolah babarapu urang nak sambayang,lalu
ambo minggir kabalakang. Salasai wirit awak bakameh nak manaruihkan
perjalanan,diungkai kain saruang dilakekan baliak sarawa,urang2 nan taditu lah
mulo Sambayang rakaaek partamo,
dek kain saruang baru sayang jan kanai abu,maklunlah awak mambao
truk,baguluang kainsaruang padek padek sambia katagak disorong masuak ka
kaleangnyo, antah dek takaja2 ataulo kaleang nan licin,mako talapeh kaleang
tadi,dibahagaian balakang balantai mar2 sajo indak balapiak,indakdoh sampaek
tangan manyemba mako kaleang bakalengkong pengkong taampeh kalantai,mungkin dek
suasana nan aniang surau keteklo haiyo sangek bana bunyinyo. onde mak oii...
ruponyo imam latah (pangajuik) mungkin dek tasangaek takajuik,luponyo sadang
sambayang basaratoan pulo mungkin guru silek, dibantainyo pusiang 180 darjat
sambia basorak nyo angkek tangan kateh,talingo tagak malengong kiri jo kanan
takah sadang mancari lawan.Tangango ambo sambia kagarik an, dek awak asa sajo
nan rang minang kok basilek jauah sakali,nan mangarati puta kabalakang semba
tarompa citiang lari abih.
Nan makmum pulo,mancaliak imam lah mambukak taralak, mako baganjua suruiknyo
tigo langkah,siap sadio pasang kudo2.manyalamaekan diri.
Nan awaklah tapango mancaliak kajadian spontan nan indak disangko2.
Onde mak oi.. gara2 kain saruang bakaleang, bata sambayang urang.. awak
taraso basalah tapi kadipangakan,nan tajadi alah tajadi,nan awak indak
sangajo,tapaso minta maoh kaImam jo Makmum sadonyo salasai jogalak sajo.
Sakitu curito ambo buek maso kiniko.
Wassalam,
Palindih48
---------------------------------
Yahoo! oneSearch: Finally, mobile search that gives answers, not web links.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Tapi harus mendaftar dulu di: https://www.google.com/accounts/NewAccount dengan
email yang terdaftar di mailing list ini.
-~----------~----~----~----~------~----~------~--~---
