Waalaikumsalam w.w. Nanda Syahreza,
Ambo tuka judul posting ko sasuai jo topik nan akan
kito bahas. Ado tigo hal nan akan ambo tampilkan kini
di siko.
Paratamo, ambo satuju bana jo pengamatan Nanda tantang
kulikaik urang awak. Nampaknyo kulikaik saroman tu
alah ado sajak dahulu, saparati dicatat dek urang
Ulando, dalam buku Kolonel KNIL Soegondo, nan paranah
di-postingkan dek Ananda Dt Endang dalam milis ko.
Kaduo, ambo satuju sakali jo pandangan Nanda tantang
pentingnyo peranan urang tuo. Nah, disiko tapaso juo
ambo maagiah komentar taradok adat kito [nan dauhulu]
nan indak maagiah tampek nan badagok ka ayah [="urang
sumando", "abu di ateh tunggua"] sasuai jo ajaran
Islam, tapi labiah-labiah ka mamak ["tungganai rumah
nan gadang"]. Ambo indak manganuik lai adaik kuno
Minangkabau tu. Sabagai ayah dan sabagai muslim --
tantu didampingi dek induak bareh ambo -- ambo
maambiak saluruah tangguang jawab ka anak-anak ambo
sasuai jo ajaran Islam, mulai dari manggadangkan,
mandidik, maagiah nasehat, sampai manikahkan bagi nan
padusi. Jadi sanang bana iduik mamak-mamak anak=anak
ambo tu. Mereka bisa datang wakatu ambo baralek sajo.
Syukurnyo indak nan protes, Alhamdulillah. [Sia pulo
nan ka protes, baban baliau-baliau kan ambo sandang
surang. he he].
Katigo, ambo kini sadang manggalang karajo samo jo Drs
Tulus Sastrowidjojo, Staf Ahli Menteri Agamo, dalam
rangka persiapan suatu 'grand design' pembinaan
keluarga, khususnyo tantu keluarga Islami, nan tadiri
dari ayah, ibu, dan anak-anak ko. Langkah-langkah awal
dulu alah ambo ambiak jo Bundo Hayatun Nizmah Rumzy,
Prof Dr Ruswiati Suryasaputra MS, dan M Farid dari
Komnas HAM. Drs Tulus ko panarah manjadi Ketua BP4,
Dirjen haji, Dirjen Wakaf, dan konjen di Saudi.
Sumbangan ambo tantu sajo dari segi HAM nan ambo
takuni salamo 12 tahun ko.
Baa juo lamonyo mambantuak baliak watak urang awak ko,
langkah paratamo tantu harus dilangkahkan. Ambo indak
bamimpi bahaso parubahan tu bisa ambo lakukan surang
dalam satu duo generasi ko. Nan ambo lakukan adolah
maambiak langkah parato jo "Bismillahirrahmanirrahim".
Sasudahnyo tantu tasarah ka Allah swt.
Wassalam,
Saafroedin bahar
--- muhammad syahreza <[EMAIL PROTECTED]>
wrote:
> Assalamu'alaikum wr.wb.
>
> Mungkin untuak saat kini untuak mambuek urang Minang
> basatu agak susah ma. Kito bisa caliak dalam raker
MAPPAS patang di Cimelati, dimana ado sebagian
> anggota belum bisa menerima usulan anggota yang
> lain..malah cenderung ngotot mempertahankan
usulannya tanpa meihat latar belakang masalahnya.
> Mungkin kebanyakan dari kita belum siap dengan yang
> namanya perubahan dalam menyikapi suatu
salah....dan cendrung mempertahankan tradisi
rutinitas
> lama yang sudah terpola..dimana kebanyakan kita juga
> sangat tahu kondisi dan situasi yang dihadapi saat
ini juga sudah berubah jauh..sehingga penyelesaiannya
sudah tidak memungkinkan jika menggunakan cara lama
> tersebut. Biasonyo urang awak agak paemosi kalau
ado yang manyanggah pandapeknyo... Iko mungkin
dipengaruhi gaya otoriter urang tuo dalam mandidik
anak-anaknyo waktu ketek sampai ABG. Ditambah Obsesi
urang tuo dalam manantukan pilihan dalam kehidupan
anak-anaknyo.. akibatnyo.. "Dulu ambo pernah
mandanga larangan orang tuo (Alhamdulillah orang tuo
ambo indak masuak dalam golongan ko) di Piaman, supayo
> anak laki-lakinyo indak mancari bini dari urang
"darek", karano urang darek tu cadiak-cadiak"
(Alhamdulillah urang rumah ambo pun urang darek)
Disiko bisa kito caliak pesan negatif yang
> ditanamkan orang tua di daerah Piaman, dalam usaho
mambantuak *"trust"* sesama urang Minang. Dan pesan
> negatif ko cendrung ditanamkan dari anak-anaknya
> kecil sampai dewasa. Sudah tu kalau ado pemilihan
ketua IKM (Ikatan Keluarga Minang), kecendrungan
anggota ngotot mengajukan calon dari daerahnya tanpa
bisa berfikir dewasa, sehat dan netral mencalonkan
orang yang benar-benar mampu membawa IKM, walau harus
dari kontek asal daerah (Kabupaten/Kotamadya).
> Kadang untuk mengajukan calon ini sampai beradu
> fisik dengan daerah lain... Supayo urang Minang ko
bisa manyatu sacaro kultural dan struktural, itu
> harus dimulai dari didikan urang tuo dalam rumah,
> untuak mahilangkan doktrin/penanaman pesan negatif
terhadap anak-anaknyo. Ditambah dengan ajaran dari
guru di sekolah untuak mahilangkan sentimen kedaerahan
dalam berinteraksi sebagai makhluk sosial. Untuak itu
> mungkin harus manunggu 1 atau 2 generasi lai.
Untuak generasi kini mungkin disuruah banyak bakaco ka
> suku Batak jo Jawa dalam baorganisasi....dan harus
> bisa ikhlas manarimo perbedaan pandapek dari urang
> lain...
> >
> wassalam
> Reza
>
____________________________________________________________________________________
Shape Yahoo! in your own image. Join our Network Research Panel today!
http://surveylink.yahoo.com/gmrs/yahoo_panel_invite.asp?a=7
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Tapi harus mendaftar dulu di: https://www.google.com/accounts/NewAccount dengan
email yang terdaftar di mailing list ini.
-~----------~----~----~----~------~----~------~--~---
