Waalaikumsalam w.w. Ananda Ronal,
Hasil keputusan seminar hukum tanah dan hukum waris tahun 1968 tu talampir
dalam buku jo judul nan samo. Mungkin bisa dipinjam ka Bp Amir MS Dt Manguang
nan Sati, rumah baliau di Jl Raya Cidodol, Kebayoran Lama.
Nan basilang taruih antaro ambo jo angku-angku para pemangku adat ko adolah
ambo mambicarokan MANUSIA Minang, baliau-baliau indak baranjak dari soal GALA
jo HARATO PUSAKO TINGGI. Ambo mangaritik konsep 'punah' dari kacomato nasab
manurut Islam, baliau-baliau manyambuik jo soal punah manurut adat Minang. Ambo
maajak manaliti kenyataan, tapi dijawab jo pepatah petitih. Artinyo, nan ciek
ka hilie na ciek lain ka mudiek.
Kalau baitu taruih, indak ka dapek kasapakatan doh. Karano itu ambo antikan
sajo.
Wassalam,
Saafroedin Bahar
----- Original Message ----
From: Ronal Chandra <[EMAIL PROTECTED]>
To: RantauNet@googlegroups.com
Sent: Monday, June 4, 2007 2:12:51 PM
Subject: [EMAIL PROTECTED] Re: Mari kito ba-'fastabiqul khairaat' sajo.,
wa'alaikum Salam.
Ayah Saaf, bulieh ambo dapeik hasil keputusan seminar hukum adat tahun 1968 ?
atau siapapun nan punyo salinannyo ambo nio bana membaco.
Nio tau ambo apo hasilnyo sehinggo syekh hukum adat sumbar mengatokan iko
perkaro basi dan sudah selesai ?
Regads
Ronal Chandra
"Dr.Saafroedin BAHAR" <[EMAIL PROTECTED]> wrote:
Assalamualaikum w.w. Angku Azmi Dt Bagindo dan para
dunsanak sapalanta,
Sasuai jo materi posting, ambo ubah judul nan diateh.
Walaupun posting Angku Azmi Dt Bagindo indak ditujukan
langsuang ka ambo, tapi sacaro umum sajo, namun tarimo
kasih ambo ucapkan ka bakeh Angku Azmi Dt Bagindo nan
alah mangirimkan surek pribadi pak Amir M.S. untuak
Angku jo ambo tu ka palanta laweh RantauNet ko.
Sabananya ambo ka manjawab surek pribadi baliau tu
sacaro pribadi pulo, khususnya nan berkenaan jo badan
diri ambo. Tapi ado juo rancaknyo ambo agiah pejelasan
langsuang ka palanta ko, sasuai jo kainginan Angku
Azmi Dt Bagindo.
Sasuai jo parmintaan pak Amir M.S. ambo indak baminat
lai malanjuikkan wacana jo Angku Azmi Dt Bagindo,
karano tampek tagak [='frame of reference'] sabana
balain. Indak ado gunonyo, mubazir, untuak
ditaruihkan. Pusat paratian ambo adolah kapado Manusia
Minang menurut ajaran Islam, sadang pusat paratian
Angku Azmi Dt Bagindo adolah pado sako dan pusako,
indak labiah dan indak kurang. Baputa-puta di
situ-situ sajo. Saparati baulang-ulang ambo sampaikan
ka Angku Azmi Dt Bagindo, ambo samo sakali indak
baminat ka masalah sako jo pusako tu. Ambo maajak agar
masalah ko ditaliti sacaro konkrit, baliau pulo nan
indak baminat samo sakali kapado data dan fakta.
Karano itu, sasuai jo harapan pak Amir M.S, wacana
langsuang antaro ambo jo Angku Azmi Dt Bagindo alah
ambo hentikan, karano indak ado manfaatnyo.
Namun supayo tuntas, apolagi karano materi nan dibahas
baitu mandasar untuk suku bangsa Minangkabau, kini
ambo mamprakarsai pangkajian masalah masyarakat hukum
adat Minangkabau ko sacaro ilmiah, dari perspektif hak
asasi manusia, tanggal 19-21 Juni ko di Fakultas Hukum
Universitas Andalas, Kampus Aia Manih, Padang. Ado 18
orang pembicara nan akan manyampaikan pandapek. Kalau
indak ado halangan, 'keynote speech' akan disampaikan
dek Ketua Mahkamah Konstitusi, Prof Dr Jimly
Ashshiddiqi SH.
Shape Yahoo! in your own image. Join our Network Research Panel today!
____________________________________________________________________________________
Be a better Heartthrob. Get better relationship answers from someone who knows.
Yahoo! Answers - Check it out.
http://answers.yahoo.com/dir/?link=list&sid=396545433
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Tapi harus mendaftar dulu di: https://www.google.com/accounts/NewAccount dengan
email yang terdaftar di mailing list ini.
-~----------~----~----~----~------~----~------~--~---
