Waalaikumsalam Ananda Sidi, Ingin pulo ambo sato salincam. Ambo satuju jo pandapek Ananda Riri, justru manfaatkanlah kaadaan di sekitar kito tu untuak mangambangkan diri. Dalam karir ambo salamo ko, ambo banyak bana bakarajo di lingkungan dima nan bakuaso adolah sanak kito dari Jawa. Ambo manyasuaikan diri sajo jo lingkungan itu, ambo palajari budaya mereka, ambo cubo mangarati jalan pikiran mereka, sampai jo caro mereka bagarah. Bagian nan elok-elok dari budaya Jawa tu justru ambo ambiak untuk mangambangkan diri ambo, sasuai jo pepatah 'alam takambang jadi guru'.
Tantang urang Batak, banyak nan bisa kito palajari. Masyarakat Batak tu stabil, karano ditupang dek sistem kekerabatan 'dalihan na tolu' nan jaleh peran dan tangguang jawab tiok urang. Karajo samo antara warga marga satu dan lainnyo sangaik arek. Agak jarang nan saliang kicuah mangicuah, atau mailak-ilakkan tugas. Ota indak banyak bana. Tapi nan labiah penting, ambo malaksanakan tugas ambo sacaro profesional, ambo indak usah diingekkan -- apolagi ditegur -- dalam bidang nan jadi tangguang jawab ambo. Sagalo janji ambo tepati, kalau iyo,iyo, kalau indak, indak. Ambo hindari sakuaik-kuaiknyo duto, ciluah, caliah, atau mangicuah urang, sabab kato pepatah: "sakali lancuang di ujian, saumua iduik urang indak kapicayo. Basamoan jo malaksanakan tugas, ambo manambah ilmu sarato pengatahuan dan pangalaman. Indak usah disuruah-suruah. Labiah-labiah pantang dek ambo ka minta tolong, sabab sanak kito nan lain kan alah ado pulo babannyo surang-surang. Masalah ambo tantu sajo ambo nan haruih manyalasaikan. Juo pantang mintak pindah, angek dingin ambo tahankan. Masak pulo awak kalah dari urang. Jadi Ananda Sidi, yakinlah ka diri. Wassalam, Saafroedin Bahar --- Riri - Mairizal Chaidir <[EMAIL PROTECTED]> wrote: > Waalaikumsalam sanak Sidi, > > Carito mayoritas-minoritas ko mungkin ado dima > dimanyo. Ado waktunyo memang kito harus jadi kaum > minoritas, mungkin karano etnis, agama, > spesialisasi, almamater, dst. > > Beberapa catatan dari pengalaman ambo: > > Walaupun sulit, tapi jadi minoritas tidak selalu > buruk, adakalanya sebagai minoritas kita malah lebih > gampang jadi "bintang". > > Coba pelajari, seberapa jauh hal ini mengganggu. > Apakah tidak ada "keuntungan" sama sekali di situ, > atau setidak2nya, apakah kesulitan itu bisa sedikit > diabaikan dengan menurunkan sedikit ego kita? > Contohnyo, ambo partamokali bakarajo ditempatkan di > Padang. Ajaib, ternyata di kantua ambo itu - > setidaknya di bagian ambo - "bahasa nasional" nyo > bahasa Sunda (!). Kalau mamikiakan ego ... ini kan > kampung gua, kok lo ngomong pake bahasa kampung lo > ... Tapi ambo mancubo menganggap itu bukan masalah > besar. Dan akhirnyo, setelah 2 1/2 tahun karajo, > baliak ka Jakarta ambo mambaok ilmu baru, bahasa > Sunda. > . > Tapi kalau seandainya setelah dipertimbangkan > masak2, ternyata sanak ndak bisa "bernegosisasi" > dengan cara mereka, ya pertimbangkan untuk pindah > kerja. Dengan harapan, di tempat baru bukan tidak > mungkin masalah "rasial" lainnya tetap ada. > > > Wassalam, > > Riri > > > > > > > > sidi macho <[EMAIL PROTECTED]> wrote: > Assalammu'alaikum wr.wb > Dunsanak sarato mamak kasodonyo yth; > Talabiah daulu awak minta maaf kalau salamoko di > rantau net awak kurang aktif. > Iko ciek lai awak langsuang se lah yo, awak nio > mangadu sakaligus mintak tolong ka mamak maupun > dunsanak kasadonyo, awak kini karajo di PT. Supraco > Indonesia cabang Duri walaupun hanyo lulusan STM > Muhammadiyah Bukittinggi namun awak dilatakkan > sabagai Asst. Invoice labiah kurang alah tigo tahun, > namun akhir2 ko awak mulai maraso rasah dek karano > lingkungan karajo awak yang mayoritas urang Batak > Kristen ( dari mulai Operation manager sampai satpam > dan juo supirnyo) dan mareka tu acok babahaso nan > indak awak mangarati, acok juo awak maraso dicaliak > erengan dek urang tu sainggo awak kurang nyaman > dalam bakarajo. Pernah op. manager awak tu mangecek > sambia mandaceh, kalau awak akan diganti jo urang > baru. padahal rasonyo awak indak pernah malalaikan > karajo doh. Untuak itu awak nio minta saran dan > pituah dari dunsanak maupun mamak disiko kasadonyo, > apo nan saeloknyo caro awak manyikapi hal nan ko. > Tarimo kasih atas paratian dan wakatu nan alah > dibarikan untuak mambaco email ko, mohon maaf > apobilo ado kato-2 nan indak ditampeknyo. > Wassalammu'alaikum wr. wb > C. Saidi Khatib 30 > Duri - Riau > > --------------------------------- > Be a better Globetrotter. Get better travel > answers from someone who knows. > Yahoo! Answers - Check it out. > > > > > > --------------------------------- > Pinpoint customers who are looking for what you > sell. > > > ____________________________________________________________________________________ Never miss an email again! Yahoo! Toolbar alerts you the instant new Mail arrives. http://tools.search.yahoo.com/toolbar/features/mail/ --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---
