Assalamualaikum w.w. Sanak Tasril Moeis, Barangkali indak ka baitu seru suasana semiloka di Padang tu dibandiangkan jo diskusi di RantauNet ko, karano ado beda nan gadang antaro diskusi ABS SBK di palanta ko jo semiloka masyarakat hukum adat Minangkabau di FH Unand tanggal 19-21 Juni.
Diskusi di RantauNet ko kan indak ado kerangka acuannyo, indak ado makalah, indak ado moderator, kito nan sato manyampaikan pandapek isinyo tantu manyampaikan apo nan takana sajo sasuai jo posisi masing-masing. Posisi ambo labiah sebagai pengamat nan mamparatikan data dan fakta obyektif apo adonyo, sadangkan Angku Azmi Dt Bagindo --misalnyo-- sabagai pamangku adat nan tantu indak ka lapeh jo pepatah petitih, bahkan sampai tanggapan baliau nan paling akhir, dan kurang sakali manyingguang data jo fakta konkrit. Dan sudah barang tantu samo sakali indak ado kasimpulan. Pangalaman manunjuakkan bahaso indak ado manfaatnyo untuak dilanjuikkan. Dalam babarapo hal diskusi tu malah alah manyarempet masalah-masalah pribadi, nan pantang bana dilakukan dalam forum ilmiah [="argumentum ad hominem"]. Supayo indak maabihkan wakatu, ambo sarankan sajo untuak ber-'fastabiqul khairaat'. Semiloka Komnas HAM di FH Unand di Padang tu ado karangka acuannyo, ado makalah dari 22 pemakalah, jo topik nan jaleh, ado tata tertib dan moderator, ado panitia perumus, dan tantu ado rumusannyo. Tujuannyo mancari solusi dari baitu banyak masalah nan diidok masyarakat hukum adat Minangkabau salamo ko. Nan jadi paratian bukan sajo masalah internal saparati nan kito diskusikan di RantauNet, tapi juo masalah eksternal, yaitu posisi masyarakat hukum adat Minangkabau sabagai bagian dari bangso Indonesia dan wilayah NKRI, ditinjau dari perspektif hak asasi manusia. Masalah ko kan indak paranah kito singguang dalam diskusi di RantauNet salamo ko. Ambo pribadi indak manyampaikan makalah, tapi manjadi Ketua Panitia Pengarah basamo jo Dekan FH Unand, Prof Dr Elwi Daniel SH. Posisi pemangku adat akan diwakili dek Angku Bachtiar Abna SH MH DT Rajo Suleman, dosen FH Unand dan Pengurus LKAAM Sumbar. Makalah baliau akan didampingi dari perspektif agamo dek Ananda Dra Rahimah Rahim MA, nan baru tamat dari Al Azhar Cairo. Jadi pendekatan kaduonyo hampia pasti ilmiah dan indak ka manyarempet-nyarempet pribadi. Batindak sabagai Panitia Perumus antaro lain Ananda Irwandi S.Ag, MA, lulusan UIN Syarif Hidayatullah Jakarta dan magister antropologi UI dan alah lamo giat di Gebu Minang. Dan Alhamdullilah, Adinda Prof Dr K Suheimi nan banyak kito baco tulisan baliau nan basifat sitawa-sidingin akan ikuik maagiahkan sumbangan pikiran. Ambo indak bamimpi bahaso semiloka tu akan dapek manyalasaikan saluruah keruwetan masalah masyarakat hukum adat Minangkabau. Mustahil. Tapi nan penting alah usaho partamo untuak manangani masalah Minangkabau ko sacaro tuntas [=komprehensif] dari barbagai pandangan ilmu [='lintas disiplin'] alah mulai dilangkahkan, nan mudah-mudahan dapek dilanjuikkan dek nan mudo-mudo di maso datang. Kalau indak ado halangan, bulan Juli alah bisa tabik bukunyo, karano ambo mintak, agar seluruh makalah -- tamasuak makalah sumbangan -- langsuang disiapkan untuk diterbitkan. Persiapan ko dilakukan dek FH Unand.Mudah-mudahan harapan Sanak untuak mangatahui pembahasan dalam semiloka tu akan dapek tapanuhi jo mambaco pandapek pakar-pakar nan hadir. Jadi, Sanak Tasril Moeis, kito doakanlah supayo semiloka nan rasonyo alah dipersiapkan sacaro baiak itu bisa mancapai rumusan nan janiah sarato bamanfaat baiak untuak Minangkabau maupun untuak Indonesia. Wassalam, Saafroedin Bahar --- Tasril Moeis <[EMAIL PROTECTED]> wrote: > Kelapa Gading 8 Juni 2007Kalau di palanta bantuak > iko diskusi ABSSBK baa pulo lah kiro2 seminar nan di > Padang, pasti seru pulo. Mudah2 an lai dapek kaba > pulo awak. > > Tan Ameh > ----- Original Message ----- > From: azmi abu kasim azmi abu kasim > To: [email protected] > Sent: Friday, June 08, 2007 4:46 AM > Subject: [EMAIL PROTECTED] Balasan: [EMAIL PROTECTED] Re: > Mari kito ba-'fastabiqul khairaat' sajo., > > > Assalamualaikum w.w > > Angku Saafroedin Bahar St. Madjolelo Sarato > Dunsanak Sapalanta Nan Ambo hormati > > Tilisan amboko adolah sebagai kato bajawab gayung > basambuik ateh tulisan Angku Saafroedin Bahar St. > Madjolelo nan tarakhir ko. Sekaligus panutuik wacana > ambo jo Angku. > > Ambo satuju sajo maantikan wacana jo Angku > Saafroedin Bahar St. Madjolelo, kalau memang > dianggap indak ado manfaatnyo, sekalipun masih > banyak pertanyaan-pertanyaan ambo nan alun Angku > jawab. Ibarat balayia alun tibo di pulau, ibarat > bajalan alun tibo dibateh. Namun, kok bajalan tantu > baparantian, kok bakato tantu bakasudahan, sebaiknyo > iyo kito antikan sajo sampai disiko. > > Batua pandapek Angku Saafroedin Bahar St. > Madjolelo, bahwa antaro Angku jo ambo tampek tagak > kito berbeda. Namun, karano nan kita mambicarokan > adolah masalah adat atau (ABS-SBK), mako ambo indak > akan duduak bakisa, indak akan tagak bapaling, ambo > bausaho tetap tagak ditanah nan sabingkah, duduak > tetap di lapiak nan saalai, dengan alas an panghulu > taguah diadat, ulama taguah dikitab. > > Angku mangatokan : pusat paratian Angku Azmi Dt. > Bagindo adolah pado sako dan pusako, indak labiah > dan indak kurang. Baputa-puta di situ-situ sajo. > > Itu memang sebagian dari perhatian > ambo Angku Saafroedin Bahar St. Madjolelo, karano > ado beberapa alas an ambo : > > 1.. Harto pusako itu adolah merupokan sebagai > bukti, "asal usul" bahwa orang tersebut memang > keturunan Minang. Dalam Adat dikatokan, nan bapandam > ba pakuburan nan basasok bajarami, jauah dapek > ditunjuakkan kok dakek dapek diantakan. Seseorang > nan indak punyo atau indak lai mempunyai sasok > jarami pandam pakuburan, mako indaklah langkok lai > Minangnyo. Indak baurek tunggang indak bapucuak > bulek. Malah ado para ahli adat mangatokan bahwa > apabila suatu kaum sudah abih harato pusakonyo, mako > indak paralu lai ma-angkek seorang panghulu, karena > adat itu berdiri di ateh pusako, cancang balandasan > lompek basitumpu. > 2.. Seperti nanlah pernah ambo kamukokan, bahwa > harato pusako itu adolah sebagai alat pemersatu bagi > masyarakat Minang, sekaligus untuak mengetahui, nan > sa asa sakaturunan menurut jalur adat. > 3.. Harato tersebut sebagai harato cadangan, > jikok ado nan maleset hiduik di rantau babaliaklah > kakampung uruihlah harato tu. > 4.. Harato itu adolah amanah, yang boleh hanyo > diambil hasilnyo indah untuak dimiliki, mako harato > tu jangan sampai ilang atau lanyok ditangan kito. > Namun, nan manjadi paratian ambo bukanlah itu > sajo, banyak hal-hal lain nan indak kalah pentingnyo > untuak kito pikiakan basamo, jiko kito memang > mencintai dan ingin melaksanakan adat atau (ABS-SBK) > itu secara baik. Antara lain adalah baamawujutkana > kehidupan barasat dalam kehidupan masyarakat Minang > sesuai (ABS-SBK). > > Manuruik pandapek ambo adolah sabalun > kito mambicarokan urang lain, kito mulai dulu dari > diri kito masing-masing, dan kemudian di lanjuikkan, > kenan sabuah jari, satampok, sajangka dan sa eto. > Apo kito telah melaksanakan apo nan tersirat dalam > pepatah "anak di pangku kemanakandibimbing-urang > kampung di patenggangkan-tenggang nagari jan > binaso". > > Dipangku anak menurut aturan Agamo, > sebagai tanggung jawab langsung kepado Allah. > Dibimbing kamanakan menurut aturan adat sebagai > tanggung jawab moral, nan mamakaikan raso jo pareso > sarato alua jo patuik, dan dikabek padi jo daunnyo. > Dipatenggangkan urang kampung, kok tagamang di > jawek, kok tangih bapujuak. Tenggang nagari jan > binaso, dalam pepatah adat disebutkan "babuah > rimbang dimalako babuah sampai kaureknyo, tenggang > nagari jan binaso tenggang saratojo ubeknyo" Kok > tagak suku pagalah suku, kok tagak kampung pagalah > kampung, kok tagak nagari pagalah nagari, kok tagak > Minang pagalah Minang. > > Tagak suku pagalah suku, artinyo kito > mulai dulu dari suku kito masing-masing, kito benahi > suku kito. Seorang laki-laki di Minang, tentu > otomatis sebagai seorang mamak, nan tugasnyo > manuruik adat, adolah nanka mairik marantangkan > dunsanak kamanakan. Kok tibo dikusuik nan > kamanyalasaikan kok karuah nan kamanjaniahkan. Kok > ado nan lamah bilailah, kok ado nan umpang sisiklah, > kok ado nan kurang tambahlah, dalam pepatah adat > disebutkan, "kemanakan barajo kemamak, mamak barajo > kepanghulu, panghulu barajo ka munfakat, munfakat > barajo ka alua patuik, alua patuik barajo nan bana, > bana manuruik aturan Islam, dan bana berdiri > sendirinyo". > > Kok kinantan di galanggang > Kinantan juo di lasung awak > Patah sayok batungkek paruah > Namun kukuaknyo badari juo. > > Kemudian Angku Saafroedin Bahar St. > Madjolelo mangatokan : Saparati baulang-ulang ambo > sampaikan ka Angku Azmi Dt. Bagindo, ambo samo > sakali indak baminat ka masalah sako jo pusako-tu. > > > Ambo paham tantang itu Angku > Saafroedin Bahar St. Madjolelo, dek indak baminat > itulah barangkali mangko Angku malapehkan hal-hal > nan bahubungan dengan sako jo pusako dalam kaum atau > suku Angku, mako dari itu mohon keterangan Angku, > apokoh masih buliah ambo ma-imbaukan "gala" Angku ? > Karano "gala" adolah "sako" dalam kaum atau suku > Angku. > Dan akhirnyo ambo mohon maaf, jikok ado kato nan > tadorong, indak di garih nan bapaek, indak di rasuak > manjariau, kok talantak sabab dek naik, kok > talantunng sabab dek katurun, salah manaruah > kakilapan, kilap nan indak di sangajo, ka Tuhan ambo > mintak ampun, ka Angku ambo mintak maaf kito akhiri > wacana atau polemik nangko, kok ado nan elok nak > samo kito pakai, kok ado nan buruak nak samo kito > buang, sakitu sajo dulu Angku, tarimo kasih. > > Wassalam, > > Azmi Dt. Bagindo > > > Assalamualaikum w.w. Angku Azmi Dt Bagindo dan > para > dunsanak sapalanta, > > Sasuai jo materi posting, ambo ubah judul nan > diateh. > > Walaupun posting Angku Azmi Dt Bagindo indak > ditujukan > langsuang ka ambo, tapi sacaro umum sajo, namun > tarimo > kasih ambo ucapkan ka bakeh Angku Azmi Dt > Bagindo nan > alah mangirimkan surek pribadi pak Amir M.S. > untuak > Angku jo ambo tu ka palanta laweh RantauNet ko. > > Sabananya ambo ka manjawab surek pribadi baliau > tu > sacaro pribadi pulo, khususnya nan berkenaan jo > badan > diri ambo. Tapi ado juo rancaknyo ambo agiah > pejelasan > langsuang ka palanta ko, sasuai jo kainginan > Angku > Azmi Dt Bagindo. > > Sasuai jo parmintaan pak Amir M.S. ambo indak > baminat > lai malanjuikkan wacana jo Angku Azmi Dt > Bagindo, > karano tampek tagak [='frame of reference'] > sabana > balain. Indak ado gunonyo, mubazir, untuak > ditaruihkan. Pusat paratian ambo adolah kapado > Manusia > Minang menurut ajaran Islam, sadang pusat > paratian > Angku Azmi Dt Bagindo adolah pado sako dan > pusako, > indak labiah dan indak kurang. Baputa-puta di > situ-situ sajo. Saparati baulang-ulang ambo > sampaikan > ka Angku Azmi Dt Bagindo, ambo samo sakali indak > baminat ka masalah sako jo pusako tu. Ambo > maajak agar > masalah ko ditaliti sacaro konkrit, baliau pulo > nan > === message truncated === ____________________________________________________________________________________ Shape Yahoo! in your own image. Join our Network Research Panel today! http://surveylink.yahoo.com/gmrs/yahoo_panel_invite.asp?a=7 --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi keanggitaan dan Webmail Mailing List, lihat di: http://groups.google.com/group/RantauNet/subscribe Dengan terlebih dahulu mendaftarkan email anda sebagai Google Account di: https://www.google.com/accounts/NewAccount?hl=id&cd=US&service=groups2. -~----------~----~----~----~------~----~------~--~---
