Wassalamualaikum w.w. Ananda Dt Marah Bangso, Kalau memang batua baitu kato Pak Kapalo Dinas Pariwisata Sumbar bahaso sanak kito di Ranah indak mamaralukan urang Rantau, mungkin paralu disampaikan bukti sabaliaknyo tantang baitu banyaknyo SMS, surek, atau proposal nan datang dari Ranah ka kito-kito nan di Rantau, baiak dari sanak sudaro maupun dari para sanak nan sakampuang sahalaman, nan manunjuakkan bahaso sacaro obyektif sanak kito di Ranah mamaralukan kito dari Rantau. Sabaliaknyo juo ado bukti baitu banyaknyo poswesel, transfer bank, atau transfer liwat ATM nan kito kirim dari Rantau ka Ranah. Dulu paranah alm AA Navis mahetong jumlah ko, nan mungkin naiak mungkin pulo turun dalam tahun -tahun balakangan ko.[Kalau kito nan di Rantau dikatokan indak mamaralukan apo-apo dari sanak di Ranah, nah, itu baru sabana batua].
Tapi lapeh dari bana indaknya pandapek baliau saroman tu, bak kato Ananda, ado kabutuhan nuntuak manduduakkan bana paradigma hubuangan antaro sanak kito di Ranah jo kito nan di Rantau. Nampak di ambo hubungan antaro kito nan di Rantau jo sanak nan tingga di Ranah ko ado, antaro lain: 1. hubuangan antaro kito nan sadarah [=genealogis], misalnyo saibu saayah, sainyiak, sa niniak muyang, sasuku dan nan sarupo itu, kan indak bisa diputuih; 2. hubungan antaro kito nan sanagari atau sakota [territorial]. 3. hubungan antaro kito nan maraso punyo latar belakang sejarah dan manganut nilai-nilai budaya nan samo [= kultural, antropologis, etnologis] sabagai salah satu etnik dari 1.072 etnik di Indonesia. Hubungan nan nomor 3 ko di urang Minang nan paling amburadul, karano alun ado paradigma nan jaleh. Pepatah nan biaso kito rujuk tantang hal iko kan cuma :"karatau madang kahulu, babuah babungo balun, ka rantau bujang dahulu, di rumah baguno balun". Tabantuaknyo Gebu Minang, DAMMI, MPKAS, MAPPAS atau GESOR sabananyo kan dek karano 'malu nan indak dapek babagi' bak kato papatah, bukan karano didorong dek suatu ajaran [adat] tantang hubungan antaro Ranah jo Rantau. Kito nan di Rantau malu mandanga ado busuang lapa, takajuik mandanga ado galodo, prihatin mandanga mundurnyo pendidikan,ibo hati mandanga banyaknyo narkoba sampai ka nagari, takajuik mambaco bahaso alah ado urang awak masuak kristen sampai di nagari, dan lain-lain nan saroman tu. Namun masalah ko bisa ditata sacaro malimbago, jo mamanfaatkan konsep 'etnik' atau 'suku bangsa' dalam ilmu antropologi. Dalam bidang nan ambo geluti kini, HAM, hak suku bangso atau etnik minoritas [dalam artian demografis/sensus nan aratinyo jumlahnyo kalau diituang indak banyak, dan sacaro politik indak mandominasi] itu dilinduangi dek instrumen hukum internasional dan hukum nasional hak asasi manusia. Identitas budaya etnik minoritas ko dilindungi dek hukum. Tingga di kito ka dimanfaatkan atau indak. Dalam hubuangan iko mimpi ambo adolah mandorong tasusunnyo hubungan malimbago antaro saluruah urang nan maraso dirinyo urang Minang. Ado tigo langkah nan rasonyo paralu kito lakukan. Langkah paratamo nan sangat paralu diduduakkan adolah manyusun Kompilasi Hukum ABS SBK nan Alhamdulillah alah disatujui dalam patamuan di rumah Bundo Hayatun dan mudah-mudahan dapek kito salasaikan dalam duo tahun ko. Langkah kaduo manuruik pandapek amb adolah mulai mendaftar saluruah kito nan batali darah, sasuku ataupun indak sasuku [samantaro jan dikaik-kaikkan dulu jo soal sako jo pusako, itu soal lain, ado pulo palantanyo], malalui program 'Family Tree Maker'. Langkah katigo, kito bangun dan kito operasikan hubungan langsuang antaro kito sasamo urang Minang, di Ranah dan di Rantau, nan kini baitu mudahnyo malalui internet. Kalau paralu sasakali kito adokan 'kopi darat' Kalau tigo langkah itu alah salasai, baru kito bana-bana dapek 'sadanciang bak basi, saciok bak ayam'. Kalau alun, iyo bakataruihan sajo pangalaman kito salamo ko: kalau urang lain makin lamo makin maju, mako kito makin lamo makin mundur. Ambo sabana sanang kalau sanak kito di Ranah memang indak mamaralukan peranan kito nan di Rantau. Itu aratinyo baliau-baliau alah batua-batua aman, makmur, dan sejahtera. Sahinggo pancarian nan kito dapek malalui karingat dan jariah payah di Rantau bisa kito gunokan sandiri sapanuah-panuahnyo untuak mambangun iduik kito di Rantau, nan nampaknyo makin lamo makin sulik. Hanyo kalau kito danga pulo dari baitu banyak katarangan BA 1 tantang masalah-masalah nan marunduang Ranah, untuak samantaro rasonyo iyo masih paralu kito mamparatikan Ranah. Soal apo paratian kito diharagoi atau indak diharagoi, itu soal lain. Kito bagarak kan lillahi taala sajo, indak mintak apo-apo dari Ranah doh. Tantangan nan kito hadoki kini: manghubuangi para sanak kito di Ranah nan biaso mainternet. Ambo ado usul, yaitu malalui situs website pakguruonline, nan alah lamo 'mamakiak' minta paratian pejabat-pejabat Dinas Pendidikan Sumbar. Artinyo di Ranah sandiri hubuangan itu masih bamasalah. Jadi saran ambo: maju taruih. Wassalam, Saafroedin Bahar --- [EMAIL PROTECTED] wrote: > > Waalaikum salam,wr,wb. > > Rasonyo keluhan Pak Saaf ko sudah pernah terlontar > jauah2 hari dahulu sewaktu ambo mulo bagabuang jo RN tahun 2004 nan lalu, bahkan wakatu itu alah pernah disusun pengurus RN nan ambo sendiri hadir di rapek atau dipertemuan Lapangan Tenis RSPAU tgl 6 Juni 2004 tu. > Kelanjutannyo ??? tapaso batanyo ka rumpuik nan bagayong. Kini ado GM, DAMI dan ado MAPPAS. Apokah akan semangkin maju Minangkabau ???? wallahu > alam. > Apo lai mandanga Kadis Pariwisata Sumbar manjawek > pertanyaan nan mangamuko di Seminar nan diadokan dek mahasiswa Unpad baru2 ko nan terkesan indak butuh keberadaan urang rantau, raso2nyo sangaik sulik kito MAPPAS dan RN mamajukan ranah. > Kecuali kalau alah dirubah paradigma dan prilaku > urang ranah. > > Wassalam dan maaf dari ambo, > HM Dt.MB (50+) > Pencinta pariwisata Minangkabau > > > Assalamualaikum w.w. Nanda Miko, > > > > Ambo dukuang panuah gagasan nan kambang dalam > patamuan di rumah Bundo Hayatun itu. Kagiatan kito nan baselang-seling di dunia maya dan di 'kopi darat' > tu bisa banyak manfaatnyo bagi kito kasadonyo. > >Tapi ado nan takana dek ambo ciek. Walaupun > RantauNet memang diprakarsai dan digarakkan dek kito nan di Rantau, namun agak aneh juo rasonyo indak ado sanak kito di Ranah nan aktif sato sakaki. Padohal kan banyak juo masalah ranah nan kito bahas. Alasannyo > > tantu bisa macam-macam. Bisa juo dek karano indak > > tahu. > > > > Baa kok diundang babarapo sanak di Ranah nan biaso > > basilanca di dunia maya ko untuak bagabuang ka > > RantauNet ? > > > > Wassalam, > > Saafroedin Bahar > > --- "Admin - Dapua [EMAIL PROTECTED]" > <[EMAIL PROTECTED]> > > wrote: > > > > > > ____________________________________________________________________________________ 8:00? 8:25? 8:40? Find a flick in no time with the Yahoo! Search movie showtime shortcut. http://tools.search.yahoo.com/shortcuts/#news --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. -~----------~----~----~----~------~----~------~--~---
