Waalaikumsalam w.w. Sanak Bandaro Labiah, Tarimo kasih Sanak alah mangukuahkan pambicaroan kito di rumah Bundo Hayatun bahaso.hasilnyo memang sabana boneh. Dan kito juo sapakat untuak manulihkan hukum adat kito nan pado dasarnyo indak tatulih. Ambo maharokkan bana sanak mamulai manulihkan hukum adat Minangkabau nan indak tatulih tu sahinggo dalam duo tahun ko alah ado nan dapek kito pacik [Salah satu contoh kalau indak tatulih, adolah ralat Sanak taradok panjelasan Sanak tantang 'urang sumando sabagai abu di ateh tunggua saparati nan tatulih di bawah " kasamek diambo saketek, sabanano nan abu diateh tunggua tu, bukan hanyo untuuk Sumando kacang miang, tapi adolah untuak golongan sumando nan bakalakuan indak baiak,"].
Ambo basyukur Sanak alah manakuni sacaro mandalam soal papatah patitih tu. Kalau di agamo, Sanak ko kan alah mancapai tingkek 'syekh' atau 'K.H'. komah. Tapi kan indak sagalo urang Minang punyo wakatu -- atau baminat -- untuak itu, dan kalau ado wakatu atau baminat, indak sagalo urang Minang bisa sapiawai Sanak.Saparati juo dalam Islam, kan indak saluaruah urang paralu jadi jadi kiyai nan mancurahkan saluruah hiduiknyo untuak agamo. Tipak diambo, bagian ambo adolah mancaliak adat tu dalam kanyatoan konkrit, karano ambo salamo iduik memang bagalimang jo kanyataan.. Baitulah, dalam kaluarga Ayah ambo., ambo mancaliak baa bana pandaritaan urang gaek ambo tu dek pangaratian 'punah' nan indak tatulih tu. Dan indak surang juo ado ahli adat nan sapiawai Sanak di Padang Panjang kutiko tu. Nan jadi datuak Ayah ambo tu, bukannyo mambantu mambantu manyalasaikan, malah sato pulo baliau maambiak kesempatan dalam kesempitan tu. Tantu lain halnyo -- umpamo -- Sanak Bandaro Labiah ado di Padang Panjang [iko kan indak ka mungkin karano Bandaro Labiah kan jauah labiah mudo ], tahu masaalahnyo, dan capek-capek maagiah nasihat ka urang gaek ambo tu bahaso indak saroman nan baliau fahami tu duduaknyo parakaro. Untuak iduik sahari-hari, kito mamaralukan ulasan nan padek lugas. Kalau untuak upacara adat tantu paralu papatah patitih sarato nan panjalasannyo panjang lebar, panuah jo bungo-bungo. . Karano itulah, supayo urang Minang nan awam dalam soal adat -- rasonyo cukuik banyak urang awak nan tamasuak dalam kalompok awam adat ko -- jan sampai batangka manganai soal-soal nan manuruik Sanak Bandaro Labiah alah ado jawabnyo tu. Jadi sugirokanlah manulihkan jo kalimat lugas apo bana isinyo hukuim adat kito tantang macam-macam masalah nan mendasar dalam hiduik kito urang Minang. Jan sampai sawakatu alah disanggah urang baru dikaluakan panjalasannyo labiah lanjuik, sakuduang-sakuduang. Itu namonyo penjelasan nan 'bakuncek-kuncek'. Anjuran Sanak supayo urang awak ko "harus banyak mambaco, baraja, mancari dan mancari pengetahuan tentang adat, baitu pulo diusahokan tiok awak ko bisa handakno untuak manuliah dan menjabarkan tentang ketentuan-2 adat tu, sahinggo bisa jadi sumber bagi generasi maso nan ka tibo" mungkin sarupo maminta kapado saluruah urang Islam salain mambaco 'kitab-kitan kuniang" juo rajin manulis soal ugamo. Rasonyo barek tumah Sanak. Labiah rancak Sanak nan mandalami, dan hasilkanlah Kompilasi Hukum ABS SBK nan bak kato urang kini 'user friendly'. Ado tambahan saketek. Sudah barang tantu paralu kito kana bahaso kini kito ado dalam rangka negara kesatuan Republik Indonesia, dimano kadudukan hukum adat adolah tamasuak hukum perdata, nan balaku jo parsatujuan urang nan ka mamakai, dan indak bisa dipasokan. Lagi pulo, hukum adat indak buliah batantangan jo hukum negara. Artinyo urang buliah mamiliah nak mamakai hukum adat atau indak. Iko namonyo masalah 'pilihan hukum' [='rechtskeuze']. Ambo amuah mamakai hukum adat, asa sasuai jo hukum Islam, ABS SBK. Kalau ado kato-kato di ateh nan manyingguang, ambo juo mintak maaf. Wassalam, Saafroedin Bahar ----- Original Message ---- From: Bandaro Labiah <[EMAIL PROTECTED]> To: [email protected] Cc: [EMAIL PROTECTED] Sent: Monday, June 11, 2007 10:21:11 AM Subject: [EMAIL PROTECTED] Re: Manulihkan adat Minangkabau nan indak tatulih.<< copy darat Assalamu'alaykum w.w. dek malenggang babuah tangan babuah batih jikok bajalan sungguah pun lah ado nan mangatangahakan ambo nak sato manukuak jo manambahkan satantangan copy darat nan tgl 9 kapatang tu, iyo sabana boneh (iko manuruk ambo), karano permasalahan dan atau topik nan dianggap jadi permasalahan / problem salamo ko di dalam alam maya rantaunet ko tanyato ado jawek dan jalan kaluano sadono. mako nan jadi masalah tu sabanano bukan lah masalah, tapi labiah pado dek "ka-alun tahuan" awak tantang masalah tu jo aturan main atau jalan kaluano saumpamo masalah : * Garis Keturunan * Harato Pusako randah * Harato Pusako Tinggi * Punah * Bundokanduang * Uang Jemputan (nan acok lupo urang manyabuik adolah uang anta) * bana nan indak buliah di sabuk* dan lain sabagainyo masalah yang disabukkan diateh tu, raso-rasono, kapatang tu lah tuntas, sungguahpun indak ditulihkan (sabanano talinteh dipikiran untuak mamintak ka Dunsanak Miko Bandaro Ateh Langik untuak marekamno, tapi kaadan juo nan indak mamungkinkan) Paralu pulo disampaikan, sabanano indak ado salahno (dan seharusno memang mamakai ) kito mangamukokan petatah petitih karano (didalam) petatah petitih tu lah latakno no semua aturan. kaidah / norma yang berlaku Nan tampak kini adolah, kalau banyak petatah petitih nan indak dimangarati / indak dipahami sarato indak dalam bentuk tatulih, sahinggo diparalukan penjabaran labiah jaleh (sungguahpun sabanano alah ado nan manjalehkan dalam berbagai buku). Kini apo nan paralu dipabuek untuak maso katibo, tantu kito harus banyak mambaco, baraja, mancari dan mancari pengetahuan tentang adat, baitu pulo diusahokan tiok awak ko bisa handakno untuak manuliah dan menjabarkan tentang ketentuan-2 adat tu, sahinggo bisa jadi sumber bagi generasi maso nan ka tibo Intino nan manuruk pandapek ambo adolah karano "ka-alun-tahuan" awak, mako sesuatu tu dianggap dan merupakan masalah satantang "mamapagunokan ladiang tajam" nan ambo mukasukkan adolah kutiko itu ambo bisa batanyo, manyampaikan nan ado dalam benak / pikiran ko dihadok-an nan tuo-tuo, nan labiah mangatahui, sahinggo kalaupun salah nan ambo sampaikan, tantu lai nan tuo-tuo tu nan ka manunjuak ajai. kok salah lai baliau ka mamaelok-i tapi kok batua nan ambo sampaikan, tantu barajo ka nan bana, aratinyo samo manuruk jo nan bana tu. Namun paralu diparatikoan jo diinok manuangkan sarato dilakukan, yaitu TAHU, CADIAK jo PANDAI, nan muaksukkno adolah CADIAK jo Pamikiran, TAHU jo Manenggang dan PANDAI Malalukan, sahinggo dalam dan jo siapun awak babicaro, rasono lai ka ditarimo urang kasamek diambo saketek, sabanano nan abu diateh tunggua tu, bukan hanyo untuuk Sumando kacang miang, tapi adolah untuak golongan sumando nan bakalakuan indak baiak, sakitu dari ambo, rila jo maaf kalau ado nan indak pado tampaikno Wassalamu'alaykum w.w. Bandaro Labiah *Petatah petitih adalah norma/kaidah/aturan berlaku dan dipacik sarato do amalkan, untuak itu kito paralu mangkaji, memahaminya sehingga tidak pulo awak alergi jo petatah petitih tu [EMAIL PROTECTED] wrote: Assalamu'alaikum,wr,wb. Pak Saaf Sutan Majolelo, subananyo pado acara kito di Villa Kuniang tgl 5 & 6 Mei nan lalu angku Tan Bandaro Labiah ko ado duduak dibawah, liau talambek datang jadi sagan naiak ka ateh. === Kalau ka ba "Ladiang Tajam" apak jo beliau, ambo sarankan jan lai. Tapi sungguahpun baitu, nan namonyo diskusi dan tuka pikiran indak bagai juo lugas dan tegas. Tapi sakali lai, kito urang Minang indak tabiaso dengan hal itu, mereka tabiaso jo hereang dan gendeang, menyampaikan sesuatu jo kiasan, indak langsuang to the point. Ambo subananyo samo jo jalan pikiran pak Saaf, kalau buliah awak mangecek ko lansuang ka pokok masalah sajo, tanpa banyak bungo2 petata petiti. Tapi itu bukan tata krama adat kito, mako itu ambo harus banyak barajo ka nan tuo2, ka nan labiah senior. Wassalam, HM Dt.MB (50+) Minggu dini hari di Bumi Sriwijaya === > Sacaro bakabatulan hari Sabtu sore tanggal 9 Juni ambo > sempat hadir di rumah Bundo Hayatun di Jl Niaga Hijau, > Pondok Indah. Acaranyo 'kopi darat' Rantau Net. Banyak > juo nan hadir, salain Bundo Hayatun jo pak Rumzy, ado > pak Zubir Amin, pak Darul, Bandaro Labiah, > Riri-Mairizal Chaidir, Benni Inayatullah, Miko Mikardo > dan lain-lain nan baru basuo kali tu jo ambo. ===== Rasonyo baru > kali tu ambo basuo jo Sanak Bandaro Labiah, dan > manuruik baliau paralu manghadapi ambo jo 'ladiang > tajam', dan tantu paralu ambo hadoki pulo jo 'ladiang > tajam' pulo. Aratinyo mangecek sacaro lugas dan > blak-blakan, bukak kulik tampak isi. Indak ado > bungo-bungo. Antaro lain dibahas soal punah; orang > sumando sabagai abu di ateh tunggua; posisi bapak; > masalah uang hilang dan uang jemputan, dan lain-lain. > > Hasilnyo malah rancak. Ado kasapakatan supayo adat > Minangkabau dalam rangka ABS SK -- nan indak tatulih > atau alun tatulih tu -- ditulihkan, saparati nan > paranah ambo usulkan. Supayo ado kapastian. > > Ambo harokkan supayo Sanak Bandaro Labiah bisa > manyalasaikan panulisan hukum adat Minangkabau dalam > rangka ABS SBK tu dalam satahun duo ko. Rumusannyo > paralu sacaro lugas, bukan lai jo pepatah-petitih. > === .. Misalnyoi Sanak Bandaro > Labiah mangatokan bahaso pepatah 'urang sumando adolah > abu di ateh tunggua' adolah khusus untuak urang > sumando kacang miang dan bukan untuak urang sumando > niniak mamak. Taradok panjelasan itu ambo sarankan > sabaiknyo rumusan tu langkok, saparati: "urang sumando > kacang miang tu sarupo abu di ateh tunggua". Jadi > jaleh. Salamo iko kan indak panah ambo danga ado > rumusan saroman tu, sahingga pepatah tu dikiro balaku > umum. > === .. Manuruik pandapek > ambo kalau posisi bapak ko alah duduak, ditambah jo > panggunoan perangkat lunak 'Family Tree Maker untuak > mancatat sia nan batali darah -- nan alah kito > sapakati sacaro informal di RantauNet -- banyak > masalah silang sangketo nan ado dalam masyarakat hukum > adat Minangkabau sampai kini, akan bisa disalasaikan > dan atau dicegah. > > Sampai di siko dulu. > > Wassalam, > Saafroedin Bahar > Send instant messages to your online friends http://uk.messenger.yahoo.com ____________________________________________________________________________________ Food fight? Enjoy some healthy debate in the Yahoo! Answers Food & Drink Q&A. http://answers.yahoo.com/dir/?link=list&sid=396545367 --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. -~----------~----~----~----~------~----~------~--~---
