Pak Saaf, Da Nof sarato sanak kasadonyo, Apo nan alah bajalan kini di Palanta RantauNet ko dari aspek internet mailing list dan komunikasi kito sebagai komunitas (baca: Minangkabau), ambo kiro alah 'on the track'. Cuma memang paralu dikembangkan lagi dan disempurnakan taruih manaruih ... hingga bisa mempunyai arti bagi komunitas itu, labiah dari nan alah kito kakok basamo salamo ko.
Manuruik pengamatan ambo, nan alah hampie 9 tahun mengamati dan bakacimpuang langsuang didunia mailing list ... kalau bicaro MAILING LIST KOMUNITAS, akan labiah baiak sebaiknyo hanya dengan satu pintu sajo. Artinyo dengan hanya di satu mailing list komunitas akan labiah fokus sebagai sentra informasi, komunikasi sarato diskusi ... dan pado gilirannya 'pengaruhnyo' pun bisa dikamukokan. Nan penting juo, bilo kito mangecek soal Mailing List Komunitas dengan sarananyo internet, rasonyo indak pas lai kito sekat-sekat masalah ruang jo wakatu (space and time) ... dalam hal Komunitas Minangkabau ambo kiro soal urang di Ranah dan di Rantau tadi. Ambo indak malarang-larang adonyo mailing list lain pulo do ha ... karena paralu juo untuak bahasan sektoral atau internal serta komunikasi organisasi dan teknis dalam organisasi sajo. Mambuek mailing list baru apolagi dalam bantuak nan ekslusif, manuruik pengamatan ambo malah sulik dikembangkan. Jadi manuruik ambo untuak Parlemen Maya, Balerong atau apopun namonyo, ambo kiro Palanta RantauNet ko sajo nan sarancaknyo kito kembangkan dan disempurnakan lagi. Kalau memang paralu dituka namonyo, agar indak sarupo ajang urang Rantau sajo, ambo pribadi indak masalah juo ... ba a pandapek nan lain??? Mailing List yang bagus sebaiknyo melakukan moderasi untuak posting nan di distribusikan. Dilaksanakan oleh suatu tim moderasi (indak bisa dilakukan surang urang sajo) dengan dasar pelaksanaannya dari kesepakatan basamo. Dengan adonyo tim ko harusnyo bisa juo mereka sebagai moderator dan notulen dari ota nan ado di Iko nan dirasokan sangaik paralu mulai dilakukan di Palanta RantauNet awak ko. Untuak mabantuak tim ko jiko di harokkan karajo sukarela ... ambo kiro juo akan sulik terlaksana. MIKO Administrator RantauNet > -----Original Message----- > From: [email protected] [mailto:[EMAIL PROTECTED] On > Behalf Of Yulnofrins Napilus > Sent: 27 Juni 2007 14:19 > To: [email protected] > Subject: [EMAIL PROTECTED] PARLEMEN MAYA PERANTAU SEDUNIA... > > Alaikumsalam ww > > Pak Saaf, > > Kito wacanakan sajolah skln: PARLEMEN MAYA PERANTAU SEDUNIA. Atau ado usulan > namo lain yg lebih "menggugah perhatian"...?? > > Siapo tahu iko akan mendorong percepatan penerapan IT di kampuang awak nanti. > Siapa tahu... (sambia bado'a...). > > Wassalam, > Nofrins > > "Dr.Saafroedin BAHAR" <[EMAIL PROTECTED]> wrote: > > Assalamualaikum w.w. Nanda Riri, > > Sacaro struktural memang sampai kini alun duduak bana > lai baa sabananyo hubungan antaro kito perantau jo > sanak kito di Ranah. Tahun 2004 nan lalu ambo panah > manulih bahaso kito parantau ko sabananyo marupokan > salah satu dari ampek 'mentimun bungkuak' Minangkabau, > basamo jo anak mudo, urang sumando, jo kelompok > profesional baru di Ranah sendiri. Aratinyo kito ko > ado, tapi indak -- atau alun -- masuak etongan. > > Namum sacaro kultural tantu sajo kito ado hubungan, > karano budaya nan kito anuik jo kito laksanakan pado > dasarnyo samo, nan sacaro umum disimpulkan dalam ABS > SBK [ iko sadang kito cubo marinci sacaro janiah dan > lugas supayo bisa dilaksanakan]. > > Namun di kalompok apo pun salalu ado 'the vocal > minority' dan 'the silent majority'. Kito nan galetek > di RN ko kiro-kiro masuak 'the vocal minority". Salamo > 'the silent majority' indak bangih-bangih ka kito, > rasonyo bisa dipraanggapkan kito sampai taraf tartantu > alah mewakili 'the silent majority' perantau tu. > > Salain tu ado caro lain, yaitu kito adokan samacam > 'polling' di RN jo milis-milis lain perantau Minang ko > untuak manampuang pandapek tantang masalah-masalah nan > penting. Jadi ado data nan banyak saketeknyo obyektif. > Baa pak Darul, Nanda Miko jo Nanda Elthaf? > > [Dalam jangka panjang, mungkin pado suatu kali paralu > kito adokan bana Telemubes Perantau Minang malalui > sarana komunikasi elektronik ko. Tingga maataur wakatu > hari apo dan pukua bara kito kontak. Baa > pelaksanaannyo kan bisa diatur dek sanak para ahli > TI]. > > Wassalam, > Saafroedin Bahar. --~--~---------~--~----~------------~-------~--~----~ =============================================================== Sukseskan Pulang Basamo se Dunia, bulan Juni 2008. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Website: http://www.rantaunet.org =============================================================== UNTUK SELALU DIPERHATIKAN: - Harap memperhatikan urgensi posting email, yang besar dari >300KB. - Hapus footer dan bagian yang tidak perlu, jika melakukan reply. - Email attachment, tidak dianjurkan! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. ========================================================== -~----------~----~----~----~------~----~------~--~---
