Assalaamu'alaikum wa rahmatullaahi wa barakaatuhu, Bapak-bapak, Ibuk,ibuk, kakak-kakak, adiak-adiak, dunsanak sadonyo dipalanta ko, izinkanlah ambo untuak ikuik sato dibalairuang maya ko. Namo ambo aswita, dipanggia "ita". Ambo jo kel. tingga di Long island, NY.
Masalah keturunan asli/ndak asli di kampuang kito, (sarupo carito Yasni ko), tanyato indak hanyo di Baruah Gunuang. Contohnyo di daerah Kabupaten Sawahlunto Sijunjuang, tarutamo dikawasan Damasraya (Sitiuang). Terhadap kaum pendatang diwajibkan (diharuskan) "mangaku induak" ka salah satu keluarga nan dianggap dakek ka awak, atau disabuik juo "malakok" ka suku salah satu urang dikampuang tsb. Keluarga dari urang nan di akui induak tu, otomatis sabagai keluarga, anaknyo sabagai kakak atau adiak, dll. Dan ikopun pakai upacara pambantaian kabau pulo. Manuruik nan ambo danga bahwa guno "mangaku induak" ko, supayo kalau ado tajadi apo-apo jo keluarga, mako tampek mangadu patamo adolah "ka urang gaek tampek awak mangaku induak itu. Inyolah nan ka manyalasaikan sasuatu pakaro tu. Mamak kanduang awak ndak dapek manga-manga dikampuang urang tu. Kalau ndak ado urang nan dianggap "mamak" dikampuang urang tu, kadang hiduik agak susah disitu. Nan labiah ngerinyo adolah kalau tajadi kajadian buruak sajo, urang pandatang bisa dibunuah dek urang asli. Na'uuzubillaahi min zaalik. Kadang-kadang alah sampai malampaui batas agamo. Contohnyo mamasuki laman pakarangan urang tanpa izin, dalam jumlah urang nan banyak, "kelompok buru babi" misalnyo. Mungkin hal-hal sarupo ko paralu awak paluruih. Manga harus kito "mangaku induak", kalau kito marantau ka kampuang lain dalam wilayah Sumatra Barat? bukankah dunia ko milik Allah? Artinyo kamapun manusia pai mancari razaki, itu adalah salah satu pewujudan dari karunia-karunia Allah SWT terhadap bumi nan alah diciptakanNyo ko. Kalaulah "undang-undang" ko dipakai ka saluruah tampek dibumi ko, tantu bukan kabahagiaan dan kedamaian nan didapek. Na'uuzubillah min zaalik Hanyo itu dulu tambahan dari ambo. Ambo mohon maaf kalau ado kato nan salah dari panulisan ambo diateh. Wassalam Aswita On 7/14/07, Ahmad Ridha <[EMAIL PROTECTED]> wrote: > > > On 7/14/07, zul amri <[EMAIL PROTECTED]> wrote: > > > Liputan6.com, > > > > Sanksi hukum adat yang berdampak pada seluruh keluarga tersangka > dijatuhkan > > karena kejahatan Yasni dianggap mencemarkan nama baik kampung dan adat > > Minangkabau. Ditambah lagi dengan fakta, bahwa tersangka dan keluarganya > > bukan warga keturunan asli Baruah Gunuang. Kini, keluarga Yasni terpaksa > > hijrah ke rumah orang tua mereka di daerah Cupak.(ADO/Tim Buser SCTV) > > > > Wah, kok keluarganya ikut diusir ya? Apalagi bawa-bawa masalah > keturunan asli/non-asli. Apakah memang begitu adat yang berlaku di > wilayah itu? > > Sebagai perbandingan, dalam Islam juga ada hukuman buang yakni bagi > pezina yang belum pernah menikah (selain didera 100 kali) dan itu pun > hanya selama setahun. Keluarganya tidak dibawa-bawa. Juga jika hukuman > telah diberikan maka tidak ada dendam atas pelaku karena hukuman yang > digariskan syari'at telah menjadi penghapus dosa baginya. > > -- > Ahmad Ridha bin Zainal Arifin bin Muhammad Hamim > (l. 1400 H/1980 M) > > --~--~---------~--~----~------------~-------~--~----~ =============================================================== Sukseskan Pulang Basamo se Dunia, bulan Juni 2008. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Website: http://www.rantaunet.org =============================================================== UNTUK SELALU DIPERHATIKAN: - Harap memperhatikan urgensi posting email, yang besar dari >300KB. - Hapus footer dan bagian yang tidak perlu, jika melakukan reply. - Email attachment, tidak dianjurkan! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. ========================================================== -~----------~----~----~----~------~----~------~--~---
