Assalamualaikum w.w. Ananda Benni dan para sanak sa palanta, Ambo tambah judul posting iko jo 'masalah konflik horizontal dalam masyarakat Minangkabau', karano iko bagian nan ingin ambo soroti dari pandapek Ananda..
Sabananyo ambo sadiah bana maliek situasi terakhir dalam masyarakat Minangkabau, karano saparati nan Ananda Benni tengarai, memang dalam kenyataannyo masih ado duo faksi gadang dalam masyarakat Minangkabau, nan Ananda sabuik sabagai 'golongan adat' jo 'golongan neo-paderi'. Artinyo sasudah 170 tahun masih dikotomi itu juo nan ado dalam masyarakat Minang. Ado implikasi serieus dari kenyataan iko, yaitu bahaso sabananyo doktrin ABS SBK nan diinginkan bukan sajo manjadi piagam perdamaian antaro duo faksi tu, tapi juo manjadi landasan untuk membangun jati diri Minangkabau, tanyato indak labiah dari sekedar 'perjanjian cease fire' sajo, karano tiok-tiok golongan masih tatap juo pasang kudo-kudo taradok nan lain. Baru-baru ko surang sanak dalam RN ko manyabuik sacaro tapek gejala dualisme dalam masyarakat Minangkabau ko, bahaso dalam membahas masalah Minang, jan dibao urang nan 'sakandang tapi indak sabaun'. Sabalun ko ambo sabana taobsesi untuk membangun persatuan antaro kito urang Minang malalui rumusan ABS SBK yang labiah lugas. Itu juo saran nan ambo sampaikan ka Rektor Unand di akhir Semiloka Masyarakat Hukum Adat Minangkabau di Padang tanggal 21 Juni nan lalu. Namun mancaliak realita konkrit ko kini, rasonyo obsesi ambo tu ibarat 'mamintak tanduak kudo', dan usaho untuak mampasatukan urang Minang malalui doktrin ABS SBK labiah banyak kamungkinan gagalnyo dari pado kamungkinan barhasil. Ambo mulai yakin, bahaso dalam masalah adat dan ugamo, kito urang Minang memang 'sakandang tapi indak sabaun' , bak kato sanak nan ambo kutip di ateh. Acok bana tajadi dalam RN ko, tiok kito mancubo mancari titiak temu melalui asumsi bahaso ABS SBK adolah ABS SBK, sugiro muncul resistensi, sahinggo tiok sabanta masalah tu tapaso diparambunkan. Kok iyo sampai baitu bana masalahnyo, ambo mulai bapikia-pikia untuak manghantikan usaho ambo mendorong persatuan di antaro kito urang Minang, dan manyasuaikan diri jo kenyataan, malalui pendekatan baru, yaitu 'mambuek kandang surang-surang untuak nan sabaun'. .Sasudah itu kito ba-fastabiqul khairaat, balomba-lomba dalam kebajikan. Apo buliah buat. Ambo sangat satuju jo pandapek Ananda bahaso masalah Minangkabau nan paralu mandapek paratian kito basamo adolah masalah pandidikan, kesehatan, dan ekonomi. Sacaro konseptual, masalah ko jo masalah-masalah lain nan takaik, kini ditangani dek program 'human development' dan 'Millenium Development Goals 2015. Pariwisata bisa mambantu banyak dalam mamajukan ekonomi. Baa pandapek Ananda dan para sanak sa palanta ? Wassalam, Saafroedin Bahar ----- Original Message ---- From: benni inayatullah <[EMAIL PROTECTED]> To: [email protected] Sent: Thursday, July 19, 2007 3:21:35 PM Subject: [EMAIL PROTECTED] Re: Majukan Parwisata Sumbar Butuh Program Nyata Kalau mau jujur sabananyo masalahnyo ndak lari dari duo hal doh..partamo Pendidikan: apokah pendidikan formal ataupun pendidikan anak di tangah kelaurganyo. nan kaduo adolah ekonomi, dimana kesejahteraan masyarakat berada dititik kritis atau lapeh makan sajo sahinggo indak ado wakatu untuak ikuik mambangun peradaban doh tamasuak budaya. jadi ndak heran lah urang nan babudaya kini hanyolah urang2 nan lai sejahtera. sasuai definisi budaya adolah puncak cipta rasa dan karsa manusia. kalau untuak makan sajo panek mamikiakan baa lo ka bisa mahasiakan rasa dan karsa nan elok. jadi fenomena kasado kemunduran ataupun kebodohan nan tajadi di Sumbar kini selalu dimuarokan bakeh adat adolah kebenaran dari analisis Uda Indra sebelumnyo. memang ado kecenderungan muncuanyo konflik horizontal di masyarakat Minangkabau baliak antaro kaum adaik jo kaum Neo- paderi. Kaum adaik maraso mandapek angin jo baliaknyo pemerintahan nagari, kaum paderipun samakin mancaliakkan sikap kritisnyo kabakeh adaik sahinggo kaduonyo mulai pasang kudo-kudo. Ekses dari keadaan iko adolah saliang manimpokan kesalahan ka masiang2 pihak. Celakanyo pertikaian duo pihak iko menafikan akar persoalan sesungguhnyo yaitu nan duo tadi atau kalau ditambah ciek jadi tigo, persoalan pendidikan, kesehatan dan ekonjomi. Kalau lah masyarakaik memiliki katigonyo iko, utak santiang, badan sihaik, paruik kanyang mangko budaya, adat sarato ugamo pun akan bajalan elok sandirinyo ndak paralu di hadap2kan lai karano peroses perubahan bahkan rekonstruksi adaik pun akan samakin mudah dilakukan.. Salam Ben Yulnofrins Napilus <[EMAIL PROTECTED]> wrote: Kalau alah macam iko, apokah memang selalu adat yg harus kito salahkan? Apakah ada aspek pendidikan khususnya masalah budi pekerti yang kurang ditanamkan dari kecil...? Dirumah, di surau dan di sekolah...? Katanya Sumbar kan gudang urang yang berpendidikan hebat-hebat...? Jadi apo nan salah di awak? Atau urang lain nan salah sadonyo...? Mohon maaf sebelumnya. Salam, Nofrins hanifah daman <[EMAIL PROTECTED]> wrote: Waalaikum Salam Wr Wb sanak Dewis Kabatulan uni sadang online dan sadang pose. Kabatulan pulo sadang di Jogja. Ondeh iyo taraso bana bedono. Contoh sederhana sendih Kapatang sore, kami di tatar oleh ibu Nur salah surang TIM dari BPKP nan muolo jadi konsultan di Bagian keuangan UGM, sasudah pansiun dari BPKP, tetap dipakai oleh UGM. orangno rancak, ramah dan awet mudo (pak eko nan maagiah tau tantang status dan umuano). Pak ekono sendiri adolah si cino nan elok pulo, S1 Teknik Elektro, S2 MM, S3 psikologi bidang HCI. Sadang presentasi di ruanganno, baranti no sacah, lalu diambiakno galeh, ditawarino kakami, nio minum apo, kopi, teh, skoteng?. Kabatulan uni iyo auh dan ngantuak. Ndak malu-malu dan indak buang kesempatan, uni kecekkan uni nio kopi, tapi kopino uni ambiak lalu uni seduh sen surang, kawan uni pak boko mantunlo diambiakno skoteng? di seduhno lo surang. Salamo iduik rasono uni alun basuo jo padusi Padang jo jabatan dan panghasilan tantuno indak saketek du, nan sarandah hati dun. Kadang-kadang dek suamino pajabaik, sang istri labiah ongeh pulo dari sang suami, taraso malang jadi rakyaik badarai. Yah pengalaman yang indah dan tak terlupakan. Alhamdulillah Wass Hanifah . [EMAIL PROTECTED] wrote: Assalamu'alaikum Wr Wb Ambo sato pulo saketek, nan paralu kito tanamkan atau disepakati sacaro basamo, "Pariwisata memang penting, Pariwisata marupokan peluang untuak maningkek income daerah" Kalau alah sadonyo sepakat jo iko (PEMDA, ASITA, Masyarakat). Mako bisa di buek blue print untuak pariwata sumbar dengan target waktu 2020, 2025. Inplementasi nan paliang barek adolah educatif untuak PEMDA, ASITA dan masyarakat itu sendiri. PEMDA batua2 matang perencanaannyo dilengkapi undang2, jan sampai salah langkah pariwisata sumbar. untuak ASITA tantu harus samakin profesional. Nan paliang barek marubah watak urang awak untuak welcome ka tamu. * Pamikiran urang awak ba'a nak ka gadang cakakno se, indak dipikiakan untuak continuitas. Kasusnyo ma agiah harago nan indak wajar sahinggo bisuak2 urang maleh datang lai, bahkan carito dari muluik ka muluik kekecewaan urangko, mambuek nan alun pernah datang jadi maleh datang. * Sikap awak nan paliang santiang, urangko bodohse sadonyo. * Sipaik cuek, kok santiang, santiangselah surang aden ndak kabatanyo/, kok kayo kayoselah surang aden ndak ka mamintak. Banyak sikap2 lain nan harus dirubah supayo awak welcome jo tamu. Tantu iko nan paliang barek manuruik ambo. Mangkonyo yg tarutamo adonyo kesadaran anak nagari bahwa pariwisata cukuik manjanjikan bagi Sumbar. Salam Is www.cimbuak.net Kampuang nan jauah dimato dakek dijari hanifah daman <[EMAIL PROTECTED]> Sent by: [email protected] 19/07/2007 09:56 Please respond to [email protected] [EMAIL PROTECTED] cc [EMAIL PROTECTED] Re: Majukan Parwisata Sumbar Butuh Program Nyata Assalammualaikum salam Bapak Saaf Sato lo ciek Disampiang kebersihan., kenyamanan, dan keamanan, saelokno ado pamainan untuak anak-anak, bilo paralu pamainan untuak sagalo umua. Trus nampakno syarat nan bapak mintak cukuik sederhana di atas kertas, tapi indak (alun tantu) sederhana dilapangan. Paralu juo strategi untuak itu. Iko ado oleh-oleh dari pak eko Nugroho, tantang kebutuhan manusia Teori Maslow 1. Fisiologis 2. Keamanan 3. Kasih Sayang 4. Merasa dihargai 5. Aktivitas diri Itu sen lu Wass Hanifah > > > > > > > ____________________________________________________________________________________ Building a website is a piece of cake. Yahoo! Small Business gives you all the tools to get online. http://smallbusiness.yahoo.com/webhosting Get the Yahoo! toolbar and be alerted to new email wherever you're surfing. Pinpoint customers who are looking for what you sell. Yahoo! oneSearch: Finally, mobile search that gives answers, not web links. Shape Yahoo! in your own image. Join our Network Research Panel today! ____________________________________________________________________________________ Building a website is a piece of cake. Yahoo! Small Business gives you all the tools to get online. http://smallbusiness.yahoo.com/webhosting --~--~---------~--~----~------------~-------~--~----~ =============================================================== Sukseskan Pulang Basamo se Dunia, bulan Juni 2008. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Website: http://www.rantaunet.org =============================================================== UNTUK SELALU DIPERHATIKAN: - Harap memperhatikan urgensi posting email, yang besar dari >300KB. - Hapus footer dan bagian yang tidak perlu, jika melakukan reply. - Email attachment, tidak dianjurkan! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. ========================================================== -~----------~----~----~----~------~----~------~--~---
