Dunsanak di salapan panjuru angin nan ambo hormati
Disusun jari nan sapuluah
ditakuakan kapalo nan satu
dihunjamkan lutuik nan duo
ampun jo ma'af an dipinto
Kok sanak manonton Pirate of Caribean nan baru2 ado satu phrase nan di ucapkan
oleh Chow Yun Fatt, induak angkang bajak lauik nan bakaduduak-an di kandang
singo Welcome to Singapore. Nagari nan duluno banamo Tumasiak ko dari sejarah
duluno adolah sarang pinyamun nan makan masak matah, kalah pantang mambayia
manang sajo manarimo saroman Nangkodoh Baa dalam curito Anggun Nan Tongga Magek
Jabang. Sudahtu jabatan parampok/panyamuntu di warihkan ka SS atau Secret
Society, mareka ko lah nan mangalola sagalo kegiatan haram saroman palacuran,
candu, lintah darat, judi dan lain sagaino. Saroman nan awak ketahui dari
sejarah sebagian dana perjuangan kemerdekaan awak dibiayai jo candu nan
diekspor lewaik singapur. Manuruik desas desus ado surang datuak di padang nan
katono suko panak jawi dan bakeh pajuang angkatan 45 mampunyoi sebuah hotel nan
katono hoteltu dibangun dari hasia palituak-anno ateh pitih panjua canduko nan
indak dimasuak-anno ka kas perjuangan.
Manga kini nagari sagadang lapekko kini buliah dikato-an relatif aman dari aksi
premanisme dan kejahatan. Kok manuruik pancaliak-an ambo nan bodohko, faktor
utamono adolah pamimpin dimano LKY relatif barasiah, karano indak bisa
mamabarasiahan rumah jo sapu nan kumuah dan ano manerapkan kebijak-an tangan
besi dan hukum dilaksanakan tanpa pandang bulu, babubu ndak babulu dihulum,
tibo dipauik ndak dikampihan, tibo dimato ndak dipiciang-an. Penegakkan hukum
dibarengi dengan peningkatan kesejahteraan dimano kebutuhan dasar masyarakat
saroman pangan dan perumahan sarato lapanngan karajo disediakan oleh
pamarentah. Masyarakaik nan paruikno kanyang ano akan patuah, saroman jo
binatang sirkus ado punish dan reward.
Kumbali ka ranah bundo, alah tasurek didalam mambang jo patatah patitiah, aia
tuturan atok jatuah no kapalambahan, kok apakno kuriak anakno sakurang2 no
rintiak. Kok anakno pancacak, sakuarang2no apakno maliang, kok anakno pareman
apakno pasti pamakan masak mantah. Aa nan banyak tajadi kini bak kecek pantun
tan katik alam samsudin
rang tiku balai salayo
kok batuka muluik jo batin
kamuko tampak darokno.
Indak satu kato jo perbuatan, lain dimuluik lain dihati dimano awak liek kini
pemerasan, pamaliangan, parampok-an dilakukan di gaduang volksraad, gaduang
angku palo, gaduang angku lareh, gaduang upeh, gaduang saradadu, gaduang
landraad dan dima sajo nan bak kecek urang lah siang nan bak ari nan lah tarang
nan bak bulan, lah basulauh matoari dan bagalanggang mato rang banyak. Aia tu
lah karuah dihuluno bukan dimuaro, baa banalah manjaniah-an aia di muaro pasti
akan sulik karano sumberno tu bana nan lah karuah.
Awak liek sistem rekruitemen di kantua kantua diateh apokah memang the right
man in the right place atau the wrong man in the right place. Ambo haqqul yaqin
awak sadono nan duduak dipalantako alah paham nan bak nantun tapi banyak diawak
nan icak2 bodoh.
Kok kumbali awak ka hadits partamo di hadits nan 40 dikatokan amal tu sangaik
tagantuang jo niak, kalau dari awal malangkahkan kaki ka gaduang volksraad.
landraad, angku palo, angku lareh, upeh, saradadu alah salah mako yakinlah
hasia akhia no akan salaha, garbage in garbage out. Apokah product nan alah
defect dari awal ko ka bisa mambarikan output nan high quality, indak babaun
tunjuak ambo. Mako bak kecek urang juo bajalan salangkah babaliak suruik,
bakato sapatah dipikiri, indak ado karuah indak ka janiah, indak ado kusuik nan
ndak kasalasai, muloi saiko iko kateh baniaklah awak sadono jo hati nan suci
muko nan janiah untuak melaksanakan amanah nan alah tapikua dikuduakko untuak
manjalankan sabaiakno, walaupun duluno awak duduak diposisitu dek karano unsua
pertemanan, sa-alumni, sakampuang, sanagari, manjadi cukong ukatu pamiliahan,
tim sukses, manyogok, manjilek, manyikuik suok kida, manyipak ateh bawah,
karano azab Allah itu sangaik padiah indak
katakao diawak malintehi api narakotun nan panehno manyalo2. Dan ingek sia nan
patamo tamo dihumbalangkan malaikaiak maliak ka tungku gadang tu adolah
pamimpin nan zalim, tapi pamimpin nan adil akan masuak sarugo co patuih. Aa
ciek lai janji Allah, kalau suatu nagari tu panduduakno bariman ka pado Allah
akan turun nikmat Allah dari langik dan mambosek dari bumi. Dikatokan pulo
satiok kamu adolah pamimpin dan satiok pamimpin akan dipatanyoan kapamimpinanno
dihadapan Allah. Jaan diharok pamimpin kaluarga ka masuak saruga kalau anak
binino masuak narako, apolai pamimpin nan rakyaik no bajibun. Antahlah
yuang....pulangna abak ang adiak ang juo nan batambahnye......
Anau kaciak gadang palapah
tolonglah runduak runduak-an
awak kacik mudo matah
kok salah tolong tunjuak-an
Kapado Allah ambo mintak ampun, ka dunsanak sadono ambo mintak ma'af, kok ado
nan tasingguang ka naiak talantuang ka turun, jaan sampai mambarek-an timbangan
doso ambo diakhiraik, karano umua di dalam tangan Allah, mumbang jatuah kalapo
jatuah, putiak gugua bungopun gugua.
Wallahu'alam
Fakir nan dhaif
MB (40), kandang singo
____________________________________________________________________________________
Got a little couch potato?
Check out fun summer activities for kids.
http://search.yahoo.com/search?fr=oni_on_mail&p=summer+activities+for+kids&cs=bz
--~--~---------~--~----~------------~-------~--~----~
===============================================================
Sukseskan Pulang Basamo se Dunia, bulan Juni 2008.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Website: http://www.rantaunet.org
===============================================================
UNTUK SELALU DIPERHATIKAN:
- Harap memperhatikan urgensi posting email, yang besar dari >300KB.
- Hapus footer dan bagian yang tidak perlu, jika melakukan reply.
- Email attachment, tidak dianjurkan! Tawarkan kepada yang berminat dan kirim
melalui jalur pribadi.
===============================================================
Berhenti (unsubscribe), kirim email ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount?hl=id&cd=US&service=groups2.
==========================================================
-~----------~----~----~----~------~----~------~--~---
