Assalamualaikum W.W Buya Masud,
Sanag bana hati ambo, dan sajuak bana pikiran ambo mambaco tulisan pendek Buya
iko, Walaupun pendek sekali komentar Buya, tapi sangat mengena. Mudah2an
komentar Buya iko bisa sedikit menyentil kuping-kuping kami yang di rantau ini
supaya jangan hanya mencela dunsanak2 kito nan dikampuang.
Sekali lagi, Terima kasih banyak Buya.
Wassalam
----- Original Message -----
From: Masoed Abidin
To: [email protected]
Sent: Wednesday, July 25, 2007 5:01 PM
Subject: [EMAIL PROTECTED] Re: Dunia Pareman
Asw! Pak Saaf Yth,nama na eloknyo.
Urang kampuang awak miskin, tapi saketek banyak lai juo tau di nan elok.
Ado kalonyo nan datang tu nan ba ulah.
Anggang lalu atah jatueh, kasudahannya sa kampuang urang di katokan salah.
Liek pulo lah nan eloknyo.
Mokasih.
Wass. Buya [EMAIL PROTECTED]
"Dr.Saafroedin BAHAR" <[EMAIL PROTECTED]> wrote:
Waalaikumsalam w.w. Adinda Ajoduta,
Tarimo kasih ateh keterangan Dinda dari lapangan tantang soal pareman ko.
Kalau baitu duduaknyo iyo alah batali-tali, bakapiek, dan kusuik masai
masalahnyo komah, sahinggo indak bisa disalasaikan sakarek-sakarek doh. Kalau
kito nak tahu uraiannyo sacaro langkok, yo tapaso kito batanyo ka ahli
kriminologi. [Namun rasonyo yo alun panah ado pembahasan masalah pareman ko
lai].
Nan harus kito jawab adolah baa caronyo upayo program pariwisata -- nan
kito pandang paralu untuak mangatasi kamiskinan di Ranah -- bisa sukses,
sahinggo para wisatawan amuah baulang-ulang datang, dan kedatangan para
wisatawan tu maagiah karajo ka dunsanak kito tu, tamasuak ka pareman-pareman
tu, tapi jo caro nan haluih, indak kasa..
Ambo memang risau jo kondisi Ranah kito tu, nan Dinda sindia jo sajak a la
bungTaufiq Ismail.. Ditambah lai jo katarangan Dinda bahaso urang awak tu
pamaleh dibandiangkan jo sanak kito dari Jawa. Alah bansaik pamaleh pulo, ondeh
mak. Ka dipabiakan sajo kito indak pulo sampai hati. Baitulah, ambo sajak
jolong sato dalam Gebu Minang basamo jo babarapo kawan nan sabana ingin
mambantu kamajuan Ranah kito tu. Banyak saketeknyo alah ado hasilnyo, antaro
lain alah tagak 40 (ampek puluah) buah bank perkreditan rakyat (BPR) nan
dikelola sacaro relatif baiak, barakaik dedikasi nan indak kenal lelah dari
para sanak nan tahu soal perbankan, antaro lain Sanak Azwan Hamir, Syafaruddin
Sabar, Asril Lamisi, Syamsir Kadir, dan lain-lain. Dalam tahun-tahun balakangan
ko indak banyak batambah lai BPR tu, mungkin memang sangan tu takao dek kito
parantau, nan juo haruih mancari nafkah untuak kito surang-surang [Dapek ambo
sampaikan kasan ambo, bahaso di babarapo pasa di Jakarta, para pedagang Minang
alah tagusur, baik dek padagang suku lain maupun dek kebijakan Pemda DKI. Ambo
lai sato sakaki manangani kasus pasa Tanah Abang, nan sampai kini alun salasai
karano 'Mamak' Sutiyoso basipakak sajo].
Inti masalahnyo, baa caronyo kito nan di Rantau ko ka ikuik mambantu
manyalasaikan soal pareman ko. Kan mustahil kito di Rantau ka manangani
langsuang masalah ko dari jauah. Mau indak mau kito tantu paralu mamintak atau
manyarankan supayo sanak kito di Ranah maagiah paratian labiah gadang, tantu
tautamao kapado para tokoh dan para pamimpin nan sadang duduak. Hanyo ambo agak
heran juo, pamimpin kito di Ranah kok agak anggan turun ka lapangan, dan
nampaknyo labiah rajin maninjau ka lua nagari.
Mari samo-samo kito cari baa jalan kaluanyo nan rancak.
Wassalam,
Saafroedin Bahar
----- Original Message ----
From: dutamardin umar <[EMAIL PROTECTED]>
To: [email protected]
Sent: Sunday, July 22, 2007 10:06:41 AM
Subject: [EMAIL PROTECTED] Dunia Pareman
Assalaamu'alaikum sanak ambo.,
Pernah danga "Ini Medan Bung!" Sia nan tak kenal jo Medan
sebagai kota preman. Sebagai urang nan gadang didaerah
preman tuh, ambo iyo tahu bana dunia preman tu.
Preman tu sabananyo adolah lapangan karajo. Dek indak ado
lapangan karajo lain. Sudah tu ado pulo urang nan mamaliharonyo,
nan mandapek storan dari preman tu. Tantu nan labiah bagak
dari preman tu nan kabanyakan pulo urang babadia. Baa urang
babadia tu mamaliharo preman? Karano urang babadia tu gajino
mamacik badia ketek. Iyolah bauntai-untai jadinyo persoalan.
Tantu dunia pareman di ranah iyo indak babeda. Ado nan paralu
makan tapi indak punyo karajo dek memang karajo itu bana nan tak ado.
Kemudian ado urang bagak nan manawarkan karajo jadi pareman tu.
Lumayan dari pado suok kakida alias paruik indak makan.
Soal nama baik kampuang, soal wisata, soal adaik, soal ramahtamah,
iyo lupokan dulu: "emang gue pikirin" katonyo. Kalau paruik den litak
sia nan mamakiakan?
Jadi aka persoalan bukan jambatan aka, tetapi dek kamanakan awak
tu alah ilang aka, dek pamimpin nan dipiliah indak manggunokan aka,
baa manciptakan lapangan karajo supaya aka paguno.
Tanyo bana ka pareman tuh. Iyo sanang bana jadi preman tuh?
Cuma memang antah baa awak maaaja kamanakan awak.
Urang awak banyak mamiliah karajo. Tahun lalu dipagi hari langang
bajalan-jalan ambo di kota Piaman. Ambo liek ado beberapa petugas
kebersihan sadang manyapu kota Tabuik tu. Batanyo ambo
ka si ajo manjua katapek gulai paku nan sadang ambo lahok.
"Sia mereka tu, ko rajin pagihari alah batugeh?" "Itu si-mas dari Jawa
paK", kato ukang katupek. "Urang awak ma namuah jadi tukang sapu",
lanjuik si ajo tu manjalehan. Pailah apak ka kadai kopi tu (sambia
manunjuak), banyak pareman awak cuma manganggur, minum kopi
bautang taruih". Iyo pailah ambo ka kadai kopi tu. Pasan teh talua.
Mandakeklah surang "kamanakan" batanyo ramah: "Apak nan dari
Amerika tu". "Kok tahu?": tanyo ambo. "Ambo caliek di tv waktu diinterview
di acara Tabuik kapatang" ulehnyo. Sudah tuh, iyo basalamanlah urang
salapau ka ambo. Ujuangnyo iyolah kanai "pangua" ambo mambayia
urang salapau. Nan indak lucu tabayia duo kali. Nan partamo ambo
agiah pitih cepek ka surang "kamanakan baru", untuk minta tolong
mambayia ka urang lapau. Ruponyo dibao tabangnyo se pitih tu.
Tapaso kalua cepek lai. Uang kembalian dibao anok se jo si ajo lapau.
Ambo indak menyesal mentraktir tu dan indak menyesal pulo kanai
pulo cepek. Nan ambo sediah kok alah baitu bana kampuang ambo
tu. Labiah suko jadi preman, adu pulo mauruih parpol nan jaleh indak bagaji,
berbicara politik tinggi. Sementaro parak jo sawah banyak tingga indak
diuruih. Iyolah dunia kini dunia instan. Ingin hasil tapi indak namuah
mananam.
Masih banyak karajo awak sanak, masih barek urusan kampuang awak.
Apokah kabasipakak se awak dirantauko. Co basipakakno pamimpin awak
diranah. Nan pasti agamo awak maajakan: "Ku anfusakum, waahlikum naara".
Mari kito mulai dari diri dan keluarga awak untuk manjauh dari karajo nan
mambuek masuak narako.
Wasalam
ajoduta/60/USA
nan sadang rusuah
----------------------------------------------------------------------------
Shape Yahoo! in your own image. Join our Network Research Panel today!
----------------------------------------------------------------------------
Building a website is a piece of cake.
Yahoo! Small Business gives you all the tools to get online.
--~--~---------~--~----~------------~-------~--~----~
===============================================================
Sukseskan Pulang Basamo se Dunia, bulan Juni 2008.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Website: http://www.rantaunet.org
===============================================================
UNTUK SELALU DIPERHATIKAN:
- Harap memperhatikan urgensi posting email, yang besar dari >300KB.
- Hapus footer dan bagian yang tidak perlu, jika melakukan reply.
- Email attachment, tidak dianjurkan! Tawarkan kepada yang berminat dan kirim
melalui jalur pribadi.
===============================================================
Berhenti (unsubscribe), kirim email ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount?hl=id&cd=US&service=groups2.
==========================================================
-~----------~----~----~----~------~----~------~--~---
