Darima bakutip ko mak syahril? Kok ditilik tilik, Otak aciak si sabai ko iyo dunia sen. Si aciak nan ka pai jo rombongan ibuk ibuk nan mausuang ABS SBK ka gentinghailen untuak bajudi. manggadaikan harato pusako pulo lai. Edan..
On 7/28/07, [EMAIL PROTECTED] <[EMAIL PROTECTED]> wrote: > > Edisi Sabtu, 28 Juli 2007 > > *Cari Berita :* > > > > Bottom of Form > > > > > > > > > > > > *Data <http://www.padangekspres.co.id/mod.php?mod=publisher> / > <http://www.padangekspres.co.id/mod.php?mod=publisher&op=viewcat&cid=27> > Stres<http://www.padangekspres.co.id/mod.php?mod=publisher&op=viewcat&cid=27> > * > > > > *SABAI PAI KA GENTINGHAILEN* > > Minggu, 22-Juli-2007, 08:06:14 > Telah dibaca sebanyak *30* kali > > Sabai lah tagak dibarando rumah gadangyo manunggu oto nan ka > manjapuik. Mangapik map plastik jo manjinjiang tas tangan. Babaju kuruang > basiba, basalendang, saroman amai-amai saisuak nak pai baralek. > Sakali-sakali nyo caliak juo kacomato itam nan dalam ganggaman. Kok ka > dipakai kini, awak malu, maklumlah, awak di kampuang baa pulo ka bakacamoto > itam. > > Jaan-jaan beko awak dikecek an urang tukang dendang nan kailangan > saluang.Kutiko hari lah mulai rintiak-rintiak, Mangkutak maungkok-ungkok > datang. Tacangang, mancaliak aciaknyo tagak di barando. Nak kamano pulo > garan aciak nyo nan terkenal tu."Ciak. Segeh bana aciak pagi pugeh ko tampak > diden mah. Nak kamano?" tanyo Mangkutak."Manunggu oto. Ai jo rombongan > ibuk-ibuk peduli abees-esbeka nak bajalan-jalan ka Kualalumpur ampek hari. > Caliak-caliak rumah stek Mang. Kini banyak urang maliang. Jaan sampai nyo > maliang pulo gonjong rumah gadang awak ko beko. Malu awak kalau rumah gadang > indak cukuik gonjongnyo lai," kato Sabai."Den sangko aciak pai seminar. Lah > mangapik map plastik pulo tampak diden. Itu kan seminar kit tu ndak?" tanyo > Mangkutak. > > "Seminar ka seminar juo nan waang baco! Itu kan karajo maabih-abihan > karateh sajo nyo tu. Ai nak ka gentinghailen," jawek Sabai."Gentinghailen? > Manga aciak kian?" tanyo Mangkutak. "Urang kalau pai ka gentinghailen tu pai > bajudi mah ciak oi. Nak ka baampok pulo aciak? Padusi Minang lah suko pulo > baampok kini? Ampun den ciak, oi, " rarau Mangkutak."Ai nak ka madu nasib. > Ai musti kayo capek. Sajak dulu sampai kini, dek urang Minang ko, hanyo tigo > urang nan dietong di ateh dunia ko nyo. Partamo, urang kayo. Kaduo, urang > babangso. Katigo urang bakuaso. Salabiahnyo, mantimun bungkuak. Masuak > karanjang lai, dietong indak," jawek Sabai."Ilmuwan, budayawan, olahragawan, > wartawan, masuak kama inyo tu?" tanyo Mangkutak. > > "Mantimun bungkuak. Nan sato-sato seminar tu baitu pulo," jawek Sabai > tegas. "Kini Mang, labiah rancak waang jadi walinagari daripado jadi dosen. > Jadi bupati daripado jadi propesor. Urang kini sadang balumbo nak jadi urang > bakuaso," jawek Sabai."Jadi, baa mangko aciak nak capek-capek bana jadi > urang kayo?" tanyo Mangkutak."Kok jadi urang babangso awak alah. Rajo bapak > awak. Kok jadi urang bakuaso awak pun alah. Dulu, bapak awak jadi rajo di > nagari ko. Itu sababnyo bapak awak banamo Rajo Babandiang. Jadi, tingga ciek > lai. Jadi urang kayo. Itu target Ai kini. Itu sababnyo Ai mausulkan ka > ibuk-ibuk esbeka-esbeka tu, kutiko di Kualalumpur nantik langsuang pai ka > gentinghailen," jawek Sabai."Jadi dalam kopor aciak ko pitih sadonyo ko?" > tanyo Mangkutak cameh. > > "Waang iyolah kuno bana. Pai baampok tu kini urang indak bao pitih doh > sayang," kato Sabai."Apo tu nan aciak bao?" tanyo Mangkutak."Ko ha!" kato > Sabai sambia mengaluan isi map plastik mampacaliak an ka > Mangkutak.Mangkutak takangkang sasudah mamareso sagalo isi map plastik tu. > Sudah tu inyo bagolek-golek sapanjang barado. Bagulu-gulu saroman kaleren > kanai ampok. Mangkutak marauang sajadi-jadinyo."Ondeh ciak oi, kok ka > bajudi, bajudilah. Iyo indak tatagah di den doh. Aciak urang HAM, urang > kesetaraan jender. Aciak mampajuangkan hak asasi. Waden takuik dilapua ayam > batino. Tapi manga kok itu bana nan aciak bao. Abih sadonyo beko ciak oi. Di > ma awak ka tingga lai," garuang Mangkutak. > > "E, Mang. Danga kecek Ai. Sangajo Ai bao sertifikat tanah pusako awak ko > ka gentinghailen supayo murah dilego dan haragonyo tenggi pulo. Kalau dijua > disiko, banyak bana cikmiak nyo. Alun tanah tajua lai doh, urang lah > bahondoh-pondoh mintak komisi. Tanah sarago anam milyar, beko elok se tibo > ka awak anam ratuih ribu," kato Sabai. "Ondeh ciak oi. Sertifikat tanah > pusako awak tu jaan dibao lai ciak. Mambana den. Mambana," garuang > Mangkutak."Mang. Kalau nak dapek lauak gadang, umpannyo musti lauak pulo. > Baitu adat urang mamanciang. Ai sangajo mambao sertifikat tanah pusako awak > ko, supayo Ai dapek pitih nan jauah labiah banyak pulo lai daripado harago > tanah ko. Awak musti bapikie positif Mang," kato Sabai."Mamanciang jo > baampok indak samo doh ciak oi. Baampok bisa tandeh awak dek inyo tapi > mamanciang indak do," kato Mangkutak sambia manggugu. > > "Waang lai Mang. Cengeng. Itulah kalau laki-laki Minang acok manonton > sinetron. Sato-sato lo jadi cengeng. Stek-stek manangih. Stek-stek > manangih. Kok manang Ai bajudi di gentinghailen tu baa? Bisa Ai bali sado > nan ado di nagari ko. Kabun sawit, kabun cokolat, kabun bungo, rumah roman > istano tapak siring, urang bangga mambali oto baroda ampek, Ai mambali oto > baroda sapuluah sakali! Pegawai, pembantu bahkan jo laki bisa Ai bali!" > hariak Sabai."Ka sato pilkada pulo aciak ndak?" tanyo Mangkutak."Manga > pilkada, pilanti hamil bisa den bali," jawek Sabai sambia mamasuak an > sertifikat tanah nan baserak di lantai. (WH) > > > > > > > --~--~---------~--~----~------------~-------~--~----~ =============================================================== Sukseskan Pulang Basamo se Dunia, bulan Juni 2008. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Website: http://www.rantaunet.org =============================================================== UNTUK SELALU DIPERHATIKAN: - Harap memperhatikan urgensi posting email, yang besar dari >300KB. - Hapus footer dan bagian yang tidak perlu, jika melakukan reply. - Email attachment, tidak dianjurkan! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. ========================================================== -~----------~----~----~----~------~----~------~--~---
<<inline: image008.gif>>
<<inline: image001.gif>>
<<inline: image007.gif>>
<<inline: image009.gif>>
