Wa alaikum salam wr wb. Mak Sati yth.
Sanang lah batamu muko di rumah gadang di Sitawa. Nan paralu ambo angkek topi jo mak Sati ko, biar pun umua lah labiah 70 tahun masih tatap basumangek manyampaikan pandapek nan boneh-boneh di palanta ko. Ambo satuju jo imbauan liau untuak rang rantau, caliak lah potensi nan ado di ranah ko. Yo bana banyak nan dapek dikarajoan, potensial untuk usah ketek / manangah, apolai untuk kelas usaho gadang. Kalau yo tertarik, jan sagan-sagan imbaulah kami. Mungkin ada informasi nan ambo dapek sampaikan. Wassalam, Ridwan Sampono Sutan (58+ thn) ----- Original Message ----- From: Sjamsir Alam To: [email protected] Sent: Sunday, September 09, 2007 6:38 AM Subject: [EMAIL PROTECTED] HADI SAPUTRA DI PADANG Ma sagalo adidunsanak jo anak kamanakan di salapan pinjuru angin, Assalamu'alaikum wr. wb. Hari Jumaik kapatang ko, Hadi maluangkan ukatunyo manjalang mak Sati ka dangau di Sitawa 25 basamo jo senior baliau Pak Ridwan dan juniornyo Melani. Marandang kacanglah kami sakitar tigo jam ilia mudiak. Namun nan patuik ambo katangahanan ka rang lapau ko di antaro ota kami tu adolah apo nan sadang dikarajoan baliau-baliau tu untuak masarakaik di kampuang nan aktual, nyato dan workable. Mottonyo adolah, awak dapek pitih, rang kampuang bisa hiduik labiah layak. Iko nan santiang. Baliau mambukak usao, rang kampuang dapek lapangan mancari iduik dan, nan serius bisa iduik labiah dari bakucukupan. Usao baliau ko maiduiki nelayan nan serius dan agen-agen nan energik. Baliau manampuang sagalo hasia tangkapan nelayan dari lauik, tamasuak nan indak laku dek pasa lokal, dek indak dibiasoan urang mamakannyo, co gurita, dan samacam kapitiang nan salamoko dicampakan urang se. Dan nan labiah mangagumkan ambo, harago ka nelayan adolah harago nan sangaik wajar. Untuk manangkok kapitiang ko misanyo, baliau ko malatiah nelayan nan baminaik, dan manyadiokan peralatan penangkapan nan dibutuhkan. Baliau juo marekrut agen pangumpua dari nelayan, batingkek-tingkek, nan mambukak lo lapangan karajo untuak rayaik nan babakaik enterpreneur. Sampai kini usao ko taruih mampabanyak nelayan dan agen pangumpua sapanjang pasisia barat Sumbar. Terakhir pak Darul mulai bagabuang jo usao ko. Manuruik ambo, caro nan saroman iko nan paralu ditiru dek rang rantau, kalau nak manolongi rang kampuang. Indak cuma bateori satinggi langik, badebaik indak bakasudahan, tapi indak ciek juo nan bisa dimampaaikan dek rang kampuang sacaro nyato lansuang dan riel. Kok bacarito pariwisata, cubo, sia nan amuah tajun lansuang bausao di bidang ko. Kok kuretapi, sia lo nan amuah pulang mameloki nan patuik dipeloki. Kok iyo laluan, kok ukan tukai. Salam, mak Sati (70+6+7) Tabiang --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email kosong ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount =============================================================== -~----------~----~----~----~------~----~------~--~---
