Sanak,
Ambo alah diagiah tahu pulo dek Wako Padang dulu wakatu liau di Paris awal
2006.Ambo alun sempat kontak lai.
Salam
Heri
"Madahar (madahar)" <[EMAIL PROTECTED]> a écrit :
da Heri, awak sakiro manukuak sajo. di Wina ado dunsanak kito nan
mambukak sikola tari jo galanggang silek yaitu sanak Pandeka Mihar. mungkin
(awak lun paranah kasinan lai) kok dakek jo Paris mungkin bisa juo baliau
diajak karajo samo. baliau sakali sataun (sakurangnyo) maadoan pertujukan di
Theater Vienna tu. kalo ndak salah paranah wak inpoan ka uda dulu.
wassalam
---------------------------------
From: [email protected] [mailto:[EMAIL PROTECTED] On Behalf Of
Tanjuang Heri
Sent: Friday, September 21, 2007 4:14 AM
To: [email protected]
Subject: [EMAIL PROTECTED] RE : [EMAIL PROTECTED] Re: RE : [EMAIL PROTECTED]
SIAPKAH SUMBAR MENJADI TUAN RUMAH SITF 2008
Sanak Yulhendry,
Ambo di tahun 2006 iyo agak jarang posting, tapi ambo alah lamo juo di lapau
ko. Iyo tu kalau nak ka Paris sakali lai, agiah kaba lah sabalunnyo. Ambo
bakandang ndak jauh dari tiang basi nan tinggi tu. Kalau jalan kaki, yo paliang
25 menit, kalau naik metro, alias kereta bawah tanah, nan kadang di ateh jalan
raya, iyo 5 menit, jo kureta angin alias sepeda 10 minik. Ambo ka tampek
bakureh naik kureta angin se, kalau lai sehat 15 menit, kalau agak damam, 25
minik.
Apo namo travel agent nan sanak kunjungi tu? Aneh bin ajaib klo inyo ndak tau
dima Indonesia, apo lai kalau inyo pimpinannyo. Tapi bisa jadi juo dek karano
sanak ndak janjian dulu. Makonyo inyo kadang balagak ongok.
Bekolah ambo cubo caliak baliak jadwal pameran nan basangkutan jo pariwisata
di Perancis ko. Kok iyo namuah jo sabana namuah, ambo bantu lah beko mahubungan
jo nan terkait. Kebetulan ado konco di bagian perencanaan perjalanan/pembuatan
program di salah satu TA di Paris.
Sabananyo, di Paris, ado satu pekan raya, nan sangaik rami, nan bisa
dijadikan ajang pengenalan Ranah Minang. Itu di bulan April Mei, tiok tahun.
AKhir April awal Mei salamo 10 hari. Kuwait hadir tiok tahun, jo grup
kasidahannyo.Hanyo sekedar mengenalkan ka publik, tanpa menjual program apo
apo. Kalau bisa kito hadir di situ jo tari tarian kito, bisa rami tu stand.
Kalau iyo namuah, ambo cubo kontak EO nyo, nan alah acok marayu ambo untuk
mandatangkan labiah banyak stand dari Indonesia.
Sakitu se dulu, beko kito bacarito banyak.
Salamaik bapuaso
Heri,44, Paris
Ravelino <[EMAIL PROTECTED]> a écrit :
Assalamualaikum Wr Wb
Kakanda Heri...
Salam kenal dari Ambo.... dima Kanda tingga di Paris ? Ambo tahun nan lampau
lai sasek ka situ saminggu tapi indak tantu dima alamaik urang awak disitu doh.
Ambo kasitu bulan Januari tahun 2006. Sesudah mengikuti travel fair di Belanda,
Bratislava dan Madrid.
Dek ambo indak tau jadwal travel fair international di Prancis, ambo cubo lah
manjojoan galeh ka travel-travel nan basuo di sapanjang jalan. Onde mande
memang pengalaman sadiah " Katiko memperkenalkan diri ka Urang - urang dari
travel di situ, ambo kecekan baraso ambo dari Sumatera, mereka tacangang dan
batanyo ka ambo, " Where is Sumatra ?u. Ambo kecekan kalau Sumatra tu di
Indonesia dan inyo baliak batanyo " Where is Indonesia "?. Dek inyo batanyo
bantuak itu ambopun jadi tacangang...baa mangko inyo indak tau dima Indonesia
sadangkan di etalasenyo ambo caliak ado brosur jo poster-poster tentang Bali,
lalu ambo kecekan ka inyo. Den caliak angku manjua dan mempromosikan Bali tapi
baa mangko angku indak tau dimana Inodnesia ? (Tantu sajo sangkek itu ambo
mangecek jo inyo dalam Bahaso Inggris). Sudah tu inyo manjawek " Is it
Indonesia in Bali ? " Onde... Mande... sakali lai ambo tarangah dek
inyo.....tapasolah ambo kaluakan Peta Indonesia dari dalam tas dan ambo jalehkan
kainyo baraso Bali tu nan di Indonesia bukan Indonesia di Bali. Sudah itu
barulah inyo mangarati....
Dek karano inyoko lai agak elok hati, mangko inyo agiah ambo wakatu untuk
bacarito dan promosi saketek mengenai Sumatra dan Indonesia dan inyo manjadi
taheran-heran mandanga bagitu banyaknyo object wisata nan menarik di Sumatera
dan di pulau-pulau lain di Indonesia, sahinggo inyo bajanji akan mancubo
mempromosikan Sumatra dan Indonesia di Perancis, dan tahun kini alah mulo ado
wisatawan nan inyo kirim walaupun jumlahnyo alun banyak lai.
Baitulah pengalaman ambo di Paris kanda Heri disampiang pengalaman lain
katiko ambo minum teh di Paris, ternyata harago sagaleh tu berbeda-beda,
semakin dakek ke Menara Eifel semakin mahal ......saroman juo kironyo jo di
kampuang awak...kok di daerah wisata harago labiah maha dari pado di lapau di
kampuang ambo di Parabek-Bukittinggi.
Insyaallah ambo masih ado rencana untuk pai ka Perancis baliak, Insyaallah
tahun muko...kok lai bisa Kanda Heri mambantu, ambo minta tolong dicarikan "
Schedule Travel Fair International nan ado di Perancis, kalau lai sekalian jo
websitenyo"
Tarimo kasih banyak
Wassalam
Yulhendry
Synergi
RAVELINO Tours & Travel
JALAN A.R HAKIM / BAKTI NO 175-A Medan
North Sumatra - Indonesia
Phone : +62-61-7352981 / 7323002
Fax : +62-61-7352973
Email : [EMAIL PROTECTED]
[EMAIL PROTECTED]
[EMAIL PROTECTED]
Mobile : +62-811651399 (24 Hours)
Your Link To The Best Traveling
-----
---------------------------------
Ne gardez plus qu'une seule adresse mail ! Copiez vos mails vers Yahoo! Mail
---------------------------------
Ne gardez plus qu'une seule adresse mail ! Copiez vos mails vers Yahoo! Mail
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti (unsubscribe), kirim email kosong ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount
===============================================================
-~----------~----~----~----~------~----~------~--~---
