Mamanda Z Rky Mulie...
Agak talaik ambo saketek manjawek email mamak, walaupun tadi malam sasudah
mambaco email mamak lansuang ka ambo baleh, tapi dek karano asyik mandanga ota
rang di lapau, mangko baru kini ambo cubo mambaleh email mamak ko dan
mudah-mudahan lai bisa ambo manjaweknyo sejauah pengetahuan ambo nan memang
terbatas.
Pertamo sakali ambo koreksi saketek mangenai namo ambo nan mamak sabuik
RAVALENO, Namo Ambo ketek ambo Yulhendry, dan katiko barumah tanggo diagiah
gala dek mamak St.Makmur, karano awak di rantau indak pernah galatu basabuik
doh. Sedangkan Ravelino 'bukan RAVALENO" adolah namo almarhum putra ambo yang
berpulang kerahmatullah 2 tahun nan lampau dan kebetulan katiko ambo mancobo
marintis usaho jasa pariwisata di tahun 1998 ambo pakai namo putra amboko
sebagai namo usaho ambo. Baitu caritonyo mak.
Salanjuiknyo tanggapan ambo sarupo iko mak "
Itulah nan sabananyo nan ambo jawek tu mah, ambo bari tahu ka kamanakanda
bahwasonya satiok anggaran pambiayaan baik rutin maupun proyek untuk tahun 2008
ko alah diajukan dan dibahas basamo-samo dengan instansi takaik jo piti mamitih
ko, kini ko anggaran untuak tahun 2008 sadang dibahas dan hampia final. " Ambo
lai ado mandanga carito tentang satiok anggaran pemerintah baik rutin maupun
proyek dibahas basamo samo, tapi laikolah sabana tapek pembahasantu ? Dibanyak
tampaik ambo liek banyak nan mestinyo dianggarkan tapi indak dianggarkan dan
banyak pulo nan indak paralu dianggarkan tapi dianggarkan..."
Kamanakanda Revalino nan ambo hormati, mangaluarkan pitih rakyat indak samo jo
mambalanjoan pitih sarupo di perusahaan Revalino Tour & Travel tu doh. " Mak
mangaluakan pitih di perusahaan swasta indak samudah nan mamak sangko doh mak,
kalau perusahaan swasta tu punyo management nan bagus, dimano setiap tahun awak
juo harus membuek anggaran, baiak untuk biaya operasional, biaya produksi,
biaya promosi dan lain sebagainyo, kok indak baitu karam perusahaan awak mak,
indak jaleh untuang ruginyo dan indak jaleh pulo kemajuan perusahaan, jadi
banyak nan paralu dipikiakan mak...baa caronyo usaho berjalan lancar, baa
caronyo supayo karyawan indak talaik manarimo gaji, baa caronyo mengembangkan
bisnis tantu harus tau apo nan paralu di investasikan dan dima nan paralu di
investasikan." Kok awak praktekkan mangaluakan pitih samurah nan mamak kiro,
akhirnyo sarupo jo banyak BUMN kito, katiko di kelola pemerintah Rugi dan
setelah diserahkan ka swasta baruntuang"
Pitih untuk mampaeloki sakolah indak buliah dialihkan untuk mambali buku doh
kamanakan !. Kanai tu mah kecek tukang pareso sarupo Bawasda BPKP, BPK,
Inspektorat, nan baganti-ganti mamaresonyo, iko tamasuak perbuatan kolusi
keceknyo !, manga dialihkan dananyo tantu ado makasuik ?, apopun alasan batua
apolai indak batua itu adalah salah prosedur bisa kanai pidana korupsi. " Lai
pulo ambo mandanga dan mancaliak mak, salah satu instansi alah menganggarkan
untuak maadokan pelatihan, seminar dan sejenisnyo di hotel berbintang 3, ketika
pelaksanaan di lapangan mereka laksanakan disebuah restaurant nan punyo aula /
ruang rapek yang biayanyo indak sagadang di hotel bintang 3 dan setelah acara
selesai Panitia ( Atau mungkin Pimpro) menghubungi hotel bintang 3, minta
bantuan untuak dibuekkan kwitansi yang seolah-oleh acara tu dilaksanakan di
hotel bintang 3" Nan sarupo iko apo namonyo tu mak ? Batanyo pulo awak saketek
mak.....
Kamanakanda, kuwitansi fiktif nan dibuek tu nan diakibaikkan adonyo pegaluaran
nan indak ado dalam mato anggaran dan sangat tapaso untuk mangaluakannyo
kamanakan !, contoh sajo Bawasda, BPKP, BPK, Inpektorat datang mamareso, sacaro
baso basi di agiah aia minum, makan karena mereka indak mambao nasi dan minuman
dari Jakarta dan ongkos panginapan dan bahkan minta pulo di baok bajalan-jalan
ka Bukiktinggi mambali oleh-oleh, padohal anggaran untuk iko jaleh-jaleh indak
ado dan bahkan diusulkan dalam pembahasan indak buliah pulo doh, karano si
pamaresoko kan alah bagaji dan di bari pulo uang jalan atau uang saku kecek
pajabaik dan dan anggota komisi DPRD di dalam pembahasan !. " Kalau memang alah
jaleh BAWASDA, BPKP,BPK dan Inspektorat nan datang mamareso, apo pulo nan
kaditakuik kan kok lai jaleh laporan awak 100% indak ado nan salah mak...manga
pulo mereka kadisadiokan penginapan, makan dsb karano, dek karano mereka kan
alah bagaji dan ado pulo uang jalannyo" Kok mereka itu mancari-cari kesalahan
pasti mereka indak ka mandapek kesalahan doh, karano nan awak karajokan dan
laporkan itulah nan sabana-bananyo, lai indak manyimpang saketek juo doh"
Hee.., susah ambo manaruihannyo kamanakan. " Jan susah-susah manaruihannyo mak,
kok mamak taruihkan mungkin tambah tabukak kasadonyo dan mudah-mudahan ado
manfaatnyo untuak perubahan nan akan datang"
Itulah sababnyo kalau ado bencana sarupo kiniko susssah pajabaik mancarian dana
untuk mananggulanginyo, sakolah nan rusak-rusak akibaik gampo ko baru akan di
data dan akan dimasukkan ka anggaran nan sadang di bahas kiniko, Nah, tantu lah
pasti danako bisa di cairkan tahun 2008, paling capek di bulan April lai
tabayang di kamanakan baa anak sikolah baraja nan sikolahnyo nan alah runtuah
kiniko ? "Sabananyo kok katiko mambahas anggaran tahunan lai pulo dianggarkan
dana penanggulangan bencana alam dengan seksama tantu indak bantuak iko jadinyo
doh mak" Jan kan untuak mameloki sikola nan rusak bahkan setiap ado bencana
alam untuak bantuan makanan, obat-obatan ( kebututuhan pokok) sajo acok
terkendala" walaupun setiap ado bencana alam banyak pulo bantuan dari instansi
swasta dan masyarakat nan masuak tapi kadang-kadang cuma sampai di Posko sajo,
indak sampai ka masyarakat"
Cieklai lai tabayang di kamananda untuk mampaeloki jalan nan balubang sajo
harus diusulkan dan dibahas dulu baru lubang jalan tu bisa di tumbok, Wakatu
pitih dapek di cairkan lubang nan akan ditumbok alah batambah lawehnyo,
haaa..., tapaso pulo taba aspal nyo dikurangi, kalau indak baitu tantu indak
tatumbok laweh lubangtu do, Nah, wakatu Inspektorat atau Bawasda mamareso nan
diukuanyo taba aspal inyo indak tahu manahu jo laweh lubang nan lah batambah
laweh sabalun anggaran diusulkan !, mako iko kanai juo oleh sipemeriksa, aa..
keceknyo tabal aspal indak sasuai jo bestek ! " Baa mangko indak dibahas dalam
anggaran tahunan, untuak "maintenance jalan" mak ? Kok lai dianggarkan dana
untuak maintenance jalan, bukan cuma pembangunan jalan tantu indak sarupo iko
jadinyo" tantu indak banyak jalan nan balubang sarupo didaerah ambo tingga doh.
Ambo sambuang manjawek email mamak barikuiknyo :
Ambo tambah ulasan ambo mangenai kato-kato nan di bawahko
"Kok bantuan nan gratis seratus persen dima pulo nan ado kini mak.... "mohon
maaf dan cuma bagurau"....nan gratis kini iyo galak jo senyum se noh"
Jadi pembicaraan tentang mamajukan kepariwistaan di Sumatera Barat oleh
kamanakan bisa ambo identikan dengan macari untung di dalam imiang-imiang
mambantu kami dikampuang ko yo !, maaf pulo ambo bagurau pulo ! " Ado batuanyo
jo gurauan mamak ko, dek karano ambo bausaho di jasa pariwisata mungkin ado
dampak positifnyo jo usaho ambo apobilo kepariwisataan Sumbar maju, namun
mungkin itu cuma sebagian ketek dari dampaknyo dan kemungkinan sajo indak ado
untuangnyo ka ambo doh, sabab dengan Pariwisata nan batuak kini sajo
Alhamdulillah ambo lai tetap exist. Ambo mambangun usaho dari nol mak, dan ambo
muloi tahu 1998, tantu mamak masih takana kajadian apo sangkek itu...." di
Jaman katiko banyak travel agent nan batutuik, di jaman katiko banyak
perusahaan mem PHK karyawan, namun ambo mancubo untuak mamuloi usaho, mohon
maaf mak....dari mulo bausaho ambo alun ado mandapek fasilitas lai dari
pemerintah doh, untuak promosi kalua nagari ambo pai surang jo biaya surang
mak, satiok tahun ambo maikuti travel fair di Belanda, Belgia, Spanyol dan
Slovakia. Ambo mulo bajojo kanagari urang tu sajak tahun 2001 mak, satiok ambo
maikuti acara travel fair di Eropa tu, lai indak ado stand dari Dinas
Pariwisata doh Mak...cuma kami dari swasta dan kawan-kawan sesama agent di
Eropa nan promosi disitu, sedangkan dari negara lain, sarupo Malaysia,
Singapore, Thailand, Kamboja, Vietnam, India dll setiap tahun mereka mengikuti
acara tu dengan stand pameran yang gadang, rancak, menarik disertai dengan
pertunjukan kebudayaan mereka.... indak saketek biaya nan dikaluakan mereka doh
mak, namun tantu sajo hasilnyo mereka nikmati.
" Sakali lai, mohon maaf ambo ka mamak sabaleh jo kapalo kok ado kato-kato ambo
nan indak pado tampaiknyo beko, tapi ambo ka mancubo untuak mengungkapkan
saketek realita"
Beberapa kali ambo mandanga ota-ota ketek di kadai kopi katiko Pegawai Negeri
di Dinas Budpar bacarito sasamo inyo dek mandanga keluhan dari pengusaha Jasa
pariwisata sarupo hotel, travel agent dan lainnyo baa kecek mereka tu " Manga
pulo awak ka susah-susah mamikiakan kemajuan pariwisata tu keuntungannyo kan
indak awak nan manikmatidoh tetapi travel agent, hotel dan restaurant" dek
mandanga sarupo itu tarucap diambo " Astagfirullah" baa mangko sasampik ko
banalah pemikiran mereka ko, baa kok bisa inyo batarimo jadi pegawai negeri
dulu ko dan baa pulo mangko di tampaikkan di Dinas Budpar.
Memang batua mak, Devisa nan dihasilkan Pariwisata tu indak 100% masuak ka kas
Pemerintah doh, sangaik jauh bedanyo jo devisa nan dihasilkan oleh Minyak dan
Gas...kalau Minyak dan Gas, dijua kalua nagari dan pitihnyo masuak ka kas
negara. Tapi devisa nan dihasilkan dek pariwisata lansuang dinikmati masyrakat
mak...:
- Wisatawan makan di hotel atau restaurant, kok inyo makan ayam, ayam dari
peternak kito, kok inyo makan sayua sayua dari petani kito.
- Wisatawan mambali souvenir...hasil kerajinan dari pengrajin awak mak.... cubo
lah mamak caliak di Pandai Sikek... hasia kerajinan mereka kebanyakan dibali
dek wisatawan.
- Wisatawan lalok di hotel, 10% mereka mambai pajaknyo, mereka makan di
restaurant 10% membayia pajaknyo... senadainyo mamak etong, bara buah hotel nan
ado di Sumatera barat dan bara jumlah kamarnyo.. awak contohkan sajo seluruh
sumatera barat setiap malam terisi 1.000.000,- kamar di seluruh SUMBAR dan
harago per kamar awak contohkan sajo Rp.200.000,- berarti 10% X Rp.200.00,- X
1.000 kamar = Rp.20.000.000 samalam X 365 hari = bara tu mak ( Satahun)...?
iko awak kiro-kiro jo kiro-kiroan ketek sajo dulu mak, detailnyo mungkin bisa
di caliak datanyo di dinas Budpar Sumbar, bara jumlah kamar hotel di Sumbar dan
bara kamar rato-rato tarisi dan bara harago kamarnyo. Untuak makan mereka
seandainyo sehari per urang menghabiskan Rp.100.000,- berati pajaknyo Rp.10.000
per urang dikalikan bara urang sahari.... alun lai kalau awak hetong wisatawan
tu menggunakan jasa tranportasi, bara banyak usaho transportasi nan bisa hiduik
dan etong se lah bara kini Pajak kendaraan bermotor satahun.
- Dek wisatawan memerlukan penginapan, transportasi, restaurant dan lainnyo..
bara banyak tenaga kerja nan bisa diserap dek Pariwisata tu mak.... sambuah
mak, indak saketek doh...
- Wisatawan datang ke Indonesia mambayia visa ( Kecuali negara yang bebas visa
seperti negara yang tergabung dalam ASEAN)...untuak 30 hari tingga di Indonesia
kiniko USD.25. per urang cubolah dikalikan bara jumlah wisatawan nan datang
sahari.
- Disetiap pelabuhan udara kalau mereka yang menggunakan pesawat udara mereka
mambayia Airport tax (PSC), rato-rato untuak domestic kini Rp.30.000 / orang
dan International Rp.75.000 - Rp.100.000,- / urang ( Tergantung airport). Kok
dihetong bara banyak wisatawan nan menumpang pesawat udara setiap airport di
Indonesia, bara hasilnyo dan bara banyak tenaga kerja yang terserap di setiap
airport.
- Kalau ado pesawat dari negara lain nan landing di airport awak, mereka
mambayia landing fee, parkir fee dan lainnyo...biayatu cukup gadang mak...
caliak selah kini di Changi airport dan KLIA Kuala Lumpur, bara banyak pesawat
asing nan transit disitu....panen gadang mereka mak.
Kok buliah ambo bataruih tarang ka mamak mengenai keuntungan nan didapekkan dek
Travel Agent atau Biro Perjalanan wisata indak gadang doh mak...karano
sabananyo kami ko ampia samo jo tukang kantau noh mak, tapi tukang kantau nan
legal, terorganisir dan ter manage dengan baik dan mohon maaf "berusaha
mempromosikan pariwisata dan mendatangkan devisa"
Takana dek ambo samaso era orde baru, Pak Harto kalau dapek pitih yang
diutangkan oleh lua nagari kanagari awak disebut kita dapat bantuan, heee..
kecek awak batuan tu indak babai lai doh, heee... alah takicuah awak kirinyo
mandapek utang !. Kok mamak mangecek mengenai Pak Harto ambo iyo indak tau
tantang itu doh mak, sabab ambo indak pernah namuah ikut campur dalam urusan
itu'" takuaik ambo kok sampai pulo beko ka masalah politik sadang ambo indak
politikus doh.
Satantangan ambo sendiri, sabanyo ambo bukanlah bisnisman sejati mak...kok
bisnisman sejati indak paralu bana doh sato pulo mamikiakan kemajuan Parisiwata
dikampuang awak, sabab kok seandainyo Pariwisata dikampuang awak indak maju dan
indak bisa diharapkan tantu product ambo, ambo aliahkan sajo ka daerah nan maju
Pariwisatanyo nan jaleh-jaleh labiah gampang untuak mempromosikannyo dan capek
mandatangkan keuntungan, tapi dek karano ado keingingan untuak mancaliak
kemajuan nagari awak, makonyo ambo mancubo sato mamikiakannyo mak.
Saketek lai mengenai Pariwisata mak, walaupun ambo bukanlah ahli dibidang
Pariwisata dan indak pernah sikola jurusan Pariwisata, cuma ambo baraja dari
pengalaman sajo mak, bak kecek pepatah " Alam takambang jadi guru"
Sabananyo Pariwisata tu indak sasampik nan mamak sampaikan tu doh mak,
Pariwisata itu cukup luas cakupannyo...sangat erat kaitannyo jo budaya, alam
dan masyarakat... Budaya awak merupakan salah satu potensi nan bisa di jua ka
wisatawan, alam awak merupakan potensi yang bisa di jua ka wisatawan dan
potensi masyarakat" skill seorang pemandu wisata, skill petugas hotel dan
lainnyo merupakan potensi yang bisa di jua ke wisatawan"
Ambo kurang setuju jo pandapek mamak mengenai Pariwisata yang erat kaitannya
dengan kebebasan, apo lai dengan contoh pondok-pondok ketek di lembah anai.....
salamoko ambo alun pernah mancaliak wisatawan asing nan memanfaatkan fasilitas
pondok ketek di lembah anai untuak mengumbar nafsu lai mak...mungkin nan
memanfaatkan wisatawan local...alias urang awak sendiri...
Kok wisatawan asing tu...manuruik ambo indak seluruhnyo mempunyoi perangai
buruak doh mak... apo lai wisatawan nan berwisata menggunakan jasa travel
agent.... mereka ber kelas mak dan pada umumnyo sabalun inyo datang ka nagari
awak inyo alah mancari informasi mengenai masyarakat awak sahinggo inyo tau apa
nan indak buliah dilakukan dan apo nan buliah. Memang batua ado juo beberapa
mereka nan kurang mengindahkan etika, tetapi ambo caliak persentasenyo indak
gadangdoh dan malahan banyak urang awak sendiri nan labiah pulo dari pado
bule-bule tu mak...suatu katiko beberapa tahun nan lalu di Benteng Bukittinggi
dibawah batang kayu ado beberao urang anak gadih awak ba jilbab jo laki-laki
pasangannyo nan kelakuannyo ...antahlah mak indak dapek ambo sabuik doh...
Mengenai budaya barat tu, indak sadonyo budaya barat tu nan buruak doh mak, kok
iko nan ditakuikkan dan banyak pulo dari budaya barat tu nan patuik awak tiru,
salah satunyo disiplin, konsekwen dll. Sakali lai ambo picayo baraso indak
selalu Pariwisata mambao dampak negatif doh...banyak pulo dampak positifnyo...
Kok awak bacarito mengenai budaya awak...budaya awak bisa mendatangkan devisa
mak...jan lai tajadi sarupo tari piriang nan di patent kan Malaysia sebagai
salah satu budaya mereka dan Randang sebagai salah satu makanan khas
mereka....jaleh-jaleh itu asli dari kampuang awak mak.
Rabab jo saluang juo bisa mandatangkan devisa mak, tukang saluang, tukang
dendang jo tukang rabab juo bisa kecipratan dolar
Untuak product Pariwisata ado banyak mak : Bukan cuma bajamua dipantai, sex dan
lainnyo. Ado wisata alam, ado budaya, ado agro wisata, ado pulo wisata rohani
dan lainnyo mak. Untuak wisata rohani labiah dikenal dengan istilah pilgrim
tour...jadi kok urang pai Umrah sabannyo itu merupakan salah satu product
wisata juo mak, namun tujuannyo ibadah...
Kampuang ambo sendiri di Parabek- Bukittinggi mak, mungkin lai banyak urang tau
jo sikola agamo di Parabek dan lai banyak pulo ulama nan pernah sikola disitu
dan ambo sendiri lai sampai tamaik SD dikampuang....kadang-kadang ambo
baangan-angan lai bisa ko kampuang ambo dijadikan salah satu tujuan
wisata....mungkin wisata rohani atau nostalgia dek karano dulu lai banyak pulo
urang Malaysia nan sikola disitu....
Mengenai Ravelino Tours and Travel sendiri... kami bukan cuma berorientasi ke
profit mak ( Profit oriented) tapi kami juo punyo misi sosial, katiko terjadi
Banjir Bandang di Bukit Lawang ( Bukit lawang tu tampaik pelestarian Orang Utan
Sumatera nan merupokan salah satu object wisata di SUMUT nan sangat diminati
wisatawan asing), katiko banjir bandang terjadi November, tahun 2003 di Bukit
Lawang, sampai seluruh rumah dipinggir sungai hanyuik baitu juo jo hotel,
penginapan dan sekolah. Banyak anank-anak kehilangan urang tuonyo... Akhir
Desember 2004 ambo barangkek ke Balando untuk menghadiri Travel Fair nan
diadokan awal January disitu, katiko promosi disitu banyak urang batanyo
mengenai keadaan Bukit Lawang tu dan keadaan masyarakatnyo. Kebetulan sabalun
barangkek ambo lai mambao foto-foto tentang itu, ambo tunjuakkanlah ka mereka
dan sekaligus informasi mengenai korban dan sebagainyo... basamo jo relasi di
situ wakatu itu tapikialah dek kami baa caro mambantu dareah ko dan apo nan
paralu dibantu dan baa caronyo mangumpuakan dana.... ambo usulkanlah sangkek
itu untuak mambantu anak-anak nan kahilangan urang tuonyo, khususnyo untuak
sikola mereka dan juo membangun / memperbaiki gedung sekolah nan rusak...
Alhamdulillah mak... usul ambu tu ditarimo dek kawan-kawan disitu dan dapek
pulo jalannyo mangumpuakan dana yaitu bagi wisatawan nan membooking tour
melalui kami, mako sekian Euro akan disumbangkan untuak pembangunan kembali
sekolah dan untuk membantu biaya sekolah anak-anak nan kahilangan urang tuo...
hal itu alah terlaksana dan sekolah nan dibangun kembali itu adolah Sekolah
Madrasah Ibtidaiyah Bukit Lawang....
Dalam perkembangannyo dek karano pada umunyo wisatawan tu sangaik pulo sukonyo
mancaliak anak-anak baraja di sikola, mako kami masuakkan pulo kunjungan ka
sikola tu sebagai suatu program mereka yang tentu sajo kami sesuaikan wakatu
kunjungannyo pada wakatu anak-anak istirahat... dan setiap wisatawan nan
bakunjuang kasitu, iyo ado-ado sajo nan mereka tinggakan oleh-oleh untuak
anak-anak sikola tu sarupo : Buku, pensil, pulpen dan bahkan sering mereka
manyumbang untuak keperluan sekola seperti perbaikan WC, ruang kelas, meja dan
bangku belajar. Sambia pulo anak-anak tu mampraktekkan Bahaso inggirihnyo ka
bule-bule tu.
Mengenai dampak negatif dari Pariwisata itu sendiri, kalau semua lai
menyadari.... tantu nan harus awak pikiakan baa caronyo memimumkan dampak
negatif tu...jadi jan awak caliak dari kuliknyo sajo Pariwisata tu tapi
caliaklah sampai ka isinyo nan sabananyo...
Kok ado mamak mancaliak pemandu wisata yang parangainyo manyalahi adat jo
kebiasaan awak, jan awak menghakimi semua pemandu wisata sarupo itu, sebab nan
sabana-bana pemandu wisata itu punyo aturan dan kode Etic... dek mamak lai di
Dinas Pendidikan, mungkin bisa mamak baco buku mengenai Guiding Technic nan
diajakan ka anak sikolah SMK-Pariwisata.
Sabananyo banyak lai nan paralu ambo ulas mak....tapi mungkin labiah rancak kok
kito sambuang lai wakatu sajo dan sebaiknyo bisa ka Japri sajo....baik dari
siapo sajo nan pro atau kontra jo pandapek ambo diateh sabalunnyo ambo mohon
maaf, dan ambo terbuka untuak manarimo kritik dan saran melalui
Japri...silahkan Email ka ambo : [EMAIL PROTECTED] atau [EMAIL PROTECTED]
Wassalam
Yulhendry
Synergi
RAVELINO Tours & Travel
JALAN A.R HAKIM / BAKTI NO 175-A Medan
North Sumatra - Indonesia
Phone : +62-61-7352981 / 7323002
Fax : +62-61-7352973
Email : [EMAIL PROTECTED]
[EMAIL PROTECTED]
[EMAIL PROTECTED]
Mobile : +62-811651399 (24 Hours)
Your Link To The Best Traveling
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti (unsubscribe), kirim email kosong ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount
===============================================================
-~----------~----~----~----~------~----~------~--~---
