Assalaamu'alaikum wa rahmatullaahi wa barakaatuhu Mandalam dan sangaik batua kaji nan disampaian dek Sutan Sinaro ko. Ikolah nan sabana kaji nan dilupoan masyarakaik tamasuak masyarakaik di nagari awak. Mareka lupo jo kakuasoan Allah, mareka manyangko mareka merdeka dan buliah babuek apo sajo. Sawah mareka indak bapamatang lai, karajo mareka indak ado nan kamalarang saketek juo do. Aa sajo nan takana buliah dikarajoan indak ado urang nan kamalarang-larang doh. Indak talok bagai kini lai dek mamak malarang kamanakan doh, atau dek ayah malarang anak. Bahkan acok kali tampak mamak jo ayah sato pulo bakatencak jo an mudo-mudo.
Ambo taparangah mambaco pamikiran kamamindahan ibukota Sumatera Baraik ka tampek nan jauah dari kajaran tsunami, kok nyampang datang tsunami tu biko. Ka dipindahan ka tampek nan katinggian, dek disinan buliah salamaik. Sarupo bana jo angan-angan si Kan'an putera nabi Nuh nak lari dari bahayo ayia bah. Indak mangarati mareka nan bahaso ditampek nan tinggipun murah sangaik di Tuhan Allah mandatangan bala. Gunuang Marapi jo Gunuang Talang mudah di Tuhan Allah mambuek malatuih mangaluan 'bala'. Tolonglah sampaian kaji sarupo iko taruih Sutan Sinaro. Kana-kanaan juolah urang awak ka nan bana. Ingekan juolah urang awak ko jo murka Allah nan kamanimpo. Wassalamu'alaikum, St. Lembang Alam http://lembangalam.multiply.com http://360.yahoo.com/stlembang_alam ----- Original Message ---- From: Sutan Sinaro <[EMAIL PROTECTED]> To: [email protected] Sent: Tuesday, October 2, 2007 5:36:32 PM Subject: [EMAIL PROTECTED] Di surau Ulu Gadut (2) Sambungan... Aaa.. ciek lai apak-apak jo ibuk-ibuk. Kaba nan ambo danga dari babarapo urang ustad pulo ko. Katiko sahari sabalun puaso tu ramilah urang pai balimau. Tapi baitu banyaknyo nan mudo-mudo, ndak pai balimau nyo doh..... apak-apak jo ibuk-ibuk, ... tapi nyo pai balunau. Kok urang dulu ka masuak puaso ko balimau mambarasiahkan diri dari sagalo karajo buruak nan ado, eeh nan mereka ko, baik di lubuak minturun, lubuak bonta, ataupun Lubuak paraku... pokoknyo sagalo lubuak rami dek nan mudo-mudo...manga nyo dek ibuk-ibuk,...? Aaa... bacampua kilaki jo padusi.. mandi basamo. Aaa... kan pai balunau jo doso nyo tu. Indak ado pulo sia nan managah do, aparat pemerintah ndak peduli jo mereka ko doh dan tampek pemandian tu tabukak untuak mereka ko. Lah sanjo hari alun juo kalua dari bapulun-pulun di dalam aia tu....aaaaii .... Tibo gampo. Aaa... dima Da Gamawan jo Da Fauzi di urusan ko ?, nan pemandian-pemandian ko ndak ado tata aturannyo lai ?, lah lapeh bebas sajo takah urang di Bali ?... Kan iyo sadiah awak tu,... kan iyo prihatin awak jo keadaan kampuang awak ko kini. Aaa... ado pulo ciek lai ibuk-ibuk jo apak-apak,... iko mungkin takaik jo urusan politik Ko mungkin indak politik dalam negeri sajo do, bisa juo lua nagari, tapi nan kito kaji bukan urusan politiknyo tapi agamo dan kemungkinan murka Allah nan ka tibo. Pado tibo pulo murka Allah ka awak, rancak ambo sabuik. (Dikarek) ____________________________________________________________________________________ Need a vacation? Get great deals to amazing places on Yahoo! Travel. http://travel.yahoo.com/ --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email kosong ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount =============================================================== -~----------~----~----~----~------~----~------~--~---
