Assalamu'alaikum,wr,wb. Nan partamo sakali ambo maucapkan salamaik lebaran kapado dunsanak nan ado di Rantaunet maupun RGM GM. Minal aidin wafaidzin mohon maaf lahie jo bathin.
Ambo alah saminggu maninggakan kota palembang dalam rangka pulang basamo mahadiri Mubes SAS nan ka XIX di kampuang halaman kami Sulik Ayie. Dek karano kesibukan dan indak adonyo sarana internet dikampuang kami mako pado kesempatan barado di kota padang malakik sabtu bisuak ko ambo cubo kao kan ka warnet nan ado di kota padang untuak mambukak mail box ambo. Kalihatannyo lai indak banjir bana email nan masuak mungkin dek urang ba hari rayo jadi indak banyak bana nan bainternet atau mungkin nan ba profesi saudagar inyo sibuak bakumpua di hotel Pangeran Padang dalam rangka persiapan acara SSM2007. Pagi tadi tanpa di duga ambo sempat copy darek jo Ima nan alah ambo kenal labiah tigo tahun nan lalu di internet, baru tadi pagi itulah di lobby hotel Ambacang Padang kami basobok untuak nan partamo sakali. Sabananyo siang kapatang ambo jo rombongan warga SAS lainnyo sempat malinteh di kota bukik tinggi dari perjalanan kami bakuliliang dari Sulik Ayie manuju Bukiktinggi dan Padang via Batusangka dan Baso. Tapi kondisi indak maijinkan, tapi lai sempat dikontak Ima di hapenyo kami indak bisa singgah di dangau beliau. Tadi pagi ruponyo beliau jo anak2nyo pai ka Padang kebetulan tampek dunsanaknyo tu dakek pulo dari hotel Ambacang tampek rombongan kami bakumpua. Jadilah kami basobok jo Ima di lobby hotel tersebut. Ambo sangaik terkesan dengan penampilan Ima nan Islami tapi cukuik gaul itu. Dengan baju kuruang dan berjilbab, dilengkapi dengan tas sandang di pungguang beliau, taliek jo ambo beliau nan energik, apo lai beliau surang diri maasuah anak mereka nan ampek urang di Bukiktinggi. Suami beliau, Rahim masih bertugas aktif di Kedubes Cayro. Dalam bincang2 ambo jo beliau bahaso beliau indak lamo lai akan baliak ka Cayro dalam malanjuikkan study S3 beliau. Mari kito doakan semoga apo nan di cito-citokan dalam bidang study tu dan bakumpua baliak jo suami tercinta di Cayro dapek terwujud dalam wakatu dakek ko. Sakian info dari ambo di kota bingkuang padang dalam rangka mahadiri SSM2007, semoga acara ko bajalan dengan sukses. Tadi ambo alah basuo jo Ketua Panitia SSM2007 dunsanak Ir.Firdaus HB dan Angkua Datuak Bandaro (Apak Chaidir jo Ibuk) di hotel Pangeran. Wassalam, HM Dt.Marah Bangso (50+) --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email kosong ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount =============================================================== -~----------~----~----~----~------~----~------~--~---
