Suatu kritik yg menggelitik semoga semua kita dapat membaca dan merefleksikannya salam K Suheimi
[EMAIL PROTECTED] wrote: Dari Padang Ekspres, Bahan ranungan disalo salo SSM07 Is St. Marajo, 38+ www.cimbuak.net Kampuang nan jauah dimato dakek dijari JAN MAOTA PULO LAI, MANG! Minggu, 07-Oktober-2007, 07:51:52 Telah dibaca sebanyak 50 kali Sabananyo apo nan dikecekan Mangkutak, cuma persoalan-persoalan nan lah lamo tajadi di kampuangnyo tu. Sabalun Mangkutak pai marantau, persoalan-persoalan tu alah tajadi juo. Urang main domino, baampok salamo bulan puaso, makan tangah hari di lapau-lapau ketek nan balampok jo kain spanduk, anak-anak mudo nan ka ilia ka mudiak manggaduah anak-anak gadih pulang sumbayang tarawiah, induak-induak bagunjiang sambie manunggu tabuah babunyi, itu lah lamo tajadi. Bahkan satiok bulan puaso persoalan saroman tu ado taruih. Samakin kareh wirid pangajian agamo di surau-surau jo musajik, samakin bajadi pulo urang mambuek apo nan katuju dek inyo. Tapi baalah, sahari kapatang tu antah dima salah sameknyo, Sabai tarabo bana ka Mangkutak. Alun cukuik satahun waang marantau, lah pandai pulo mancacek-cacek kampuang ko. Waang kecek an urang dari rantau tu baradaik sadonyo, barasiah sadonyo? Urang kampuang ko bujaha sadonyo? Baitu? Jan sok balagak saroman malaikat pulo waang lai, hariak Sabai ka Mangkutak sambia mamacik puntuang barapi nan ka nyo masuakan ka panjarangan lamang nan sadang manggalagak. Ciak. Waden indak mangaritik bagai doh. Tapi cuma mangecek an kenyataan nan ado kini. Dibandiang jo nagari lain, nagari awak ko memang hebat tadanganyo. Tadanga ka lua. Tapi di dalam batambiluak. Itu nan marusuah hati den, kato Mangkutak. Batambiluak baa? tanyo Sabai. Kini awak misalkanlah Minangkabau awak ko sabagai sabuah rumah gadang. Daulu memang rumah gadang awak ko rancak. Megah dan hebat. Itu daulu. Zaman saisuak. Kini rumah gadang tu lah ado nan tirih atoknyo, lah ado nan lapuak lantainyo, lah ado nan dek mumuak dindiangnyo. Aden maagiah tahu aciak bahaso rumah gadang kito tu lah hampie runtuah. Rumah gadang awak tu kini indak hebat bagai doh. Awak indak paralu bangga bana lai ka Minangkabau ko doh, kato Mangkutak. Iyo santiang waang kini yo. Waang bandiang- andiangkan Minangkabau ko jo nagari lain, yo! Urang Minangkabu baradaik, indak lakang dek paneh indak lapuak dek ujan, jawek Sabai. Jadi, urang lain indak baradaik? tanyo Mangkutak pulo. Justru urang lain kini nan labiah baradaik pado awak, kato Mangkutak. Jadilah. Kini awak anggap awak indak baradaik lai. Tolong kecek an ka kawan-kawan waang nan pulang basamo tu, supayo inyo tingga di kampuang ko agak satahun sajo. Tolong pelok i adat awak ko. Jaan cuma mancacek-cacek se. Kok iyo ka runtuah rumah gadang awak sarupo kecek waang tu, tolong balian atok panggantinyo, papan baru pangganti papan lamo nan lah lapuak. Lai bisa tu? tanyo Sabai. Itu kaji manurun tumah ciak. Nantik bilo lah sampai den di rantau, den kirim wesel ka aciak, kato Mangkutak malagak. Kantuik abuih! Ota waang lai Mang! Satiok urang nan pulang dari rantau taruih se mangecek saroman tu. Nantik den kirim. Nantik den kirim. Apo nan kalian kiriman? Sarawa kotok? jawek Sabai tarabo. Kini indak maso nyo lai malagak. Mantang mantang awak urang dari rantau, lalu maraso hebat tibo di kampuang. Itu caro bapikie sasiuak tumah Mang. Kalau iyo hebat waang jo kawan-kawan waang nan dari rantau tu, indak urang kampuang nan dilagak doh. Kok ka malagak, lagaklah urang lain. Urang kampuang ko bansaik sadonyo. Indak paralu dilagak doh! kato Sabai. Baru kayo saketek, tanamo saketek, lah malagak. Urang Minang caro kama pulo tu nan hanyo barani malagak dunsanak? sambuang Sabai pulo. Kami iduik di rantau, ciak. Mancari pitih. Untuak kampuang halaman juo isuak, kato Mangkutak. Uihh! pakiak si Sabai tambah marabo. Mancari pitih untuak kampuang halaman? Lamak bunyinyo lai Mang! Ko contoh ciek. Kalian buek Gebu Minang. Kalian kumpuakan pitih urang Minang di rantau. Sudah tu kalian dirian bank di nagari-nagari. Lai tahu waang ndak Mang! Urang kampuang jadi miskin dek karano barutang! Pitih nan takumpua tu dijadikan pulo modal galehnyo dek urang nan di rantau tu! Alah Mang. Ai tahu sadonyo tumah! Tahu Ai. Jaan maota pulo waang lai, kato Sabai.(WH) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
