Walaikumsalam wr.wb
Da Dave.
Manuruik ambo, bisa sajo dibuek pembatasan, tapi harus diberitahukan ke calon
tamu dan aturannya diterapkan secara konsisten.
Harus diberitahukan sabalunnyo, karano, ndak biaso urang mambaok2 surek
nikah. Alamat KTP samo pun alun menjamin mereka menikah, sebaliknya banyak
pasangan yang beda alamat KTP.
Konsistensi. Nan ambo liek, banyak nan ndak konsisten. Kalau ndak konsten
jadinyo "Muna" atau menyusahkan.
Akhir 84-pertengahan 87 ambo karajo di Padang. Mungkin labiah dari 25% dari
periode itu ambo tugas di luar kota, nginap di berbagai hotel dan tempat
penginapan nan ado di tiok kotamadya atau ibukota kabupaten. Hampia di tiok
hotel (apolagi hotel ketek dan penginapan) ado list aturan nan dipasang di muko
dan tiok ruangan, tamasuak aturan mengenai muhrim ko.
Nah, salamo tu, baru sakali ambo manampak calon tamu nan ribuik jo petugas
penginapan karano masalah surek nikah. Apakah itu berarti pasangan2 lain
mambaok surek nikah? He he, ndak. Sia lo nan bajalan mambaok2 surek nikah.
Begitu jg, setelah ndak karajo di Padangpun kalau ambo pulang, nginap di
hotel ataupun guesthouse, ndak pernah ado nan batanyo tentang status, walaupun
list aturan tu masih banyak nan memajangnyo.
Tapi, kawan ambo pernah mengalami kejadian nan menyusahkan waktu menginap di
hotel ketek di Padang. Duo malam baturuik2 pintu kamar "diguguah" tangah malam.
Waktu pintu dibukak, petugas cuma mencek, apakah dikamar tu ado pasangan
berlainan jenis... Iko menyusahkan namonyo, waktu tamu masuak ndak pernah ado
pertanyaan tentang iko, tapi tangah malam tiok kamar diguguah ...
Riri (45)
Muhammad Dafiq Saib <[EMAIL PROTECTED]> wrote:
Assalaamu'alaikum wa rahmatullaahi wabarakaatuhu
Dunsanak Hanifah sarato dunsanak sapalanta nan adang adok,
Ambo sabana sadang tabik gigia. Tatagak disimpang jalan. Jalan basimpang ka
suok jo ka kida. Ambo adolah surang dari panitia nan baranam nan mambidani
kalahiran MAPPAS.
Ambo mambela baraso wisata ka nagari awak paralu diagiah rambu-rambu. Itu
misi ambo mulo-mulo sato barundiang katiko kamanagakan MAPPAS. Ambo daulu
mandukuang pamikiran manjadian rumah tingga kami di kampuang untuak dijadian
'resort'. Untuak dijadian 'home stay'. Kami punyo tigo buah rumah 'baru'
pangganti rumah lamo. Rumah baru nan baru dibangun labiah kurang sapuluah tahun
nan lapeh (2 buah) dan ampek tahun nan lapeh. Rumah caro di kota. Ba kamar madi
di dalam. Ba ayia angek ayia dingin. Jo pamandangan nan elok ka gunuang Marapi.
Jo pamandangan ka sawah. Manuruik pamikiran ambo nan singkek, sangaik bana
manyanangan kok di jadian ka tampek manarimo urang lalu. Urang nan sadang
batualang manikmati pamandangan nagari awak.
Tapi dalam musyawarah kami sakaum. Timbua suatu kabanaran nan tacakiak ambo
kamalulua. Salah surang dari anak kamanakan kami batanyo ka ambo. 'Kok nyampang
datang urang ka manumpang lalok ka 'resort' awak tu, lai mamanda bana nan ka
mamareso du biko, lai sah atau indak sah no sistim 'muhrim' urang nan tibo? Baa
kok di antaro urang nan datang tu tanyato adolah pasangan caro urang kini? Nan
mungkin urang putiah dari subarang, nan indak jaleh antah ano lai balaki binyi?
Urang sarupo itu lai ka talok di mamanda mananyoan surek kawin no sabalum
manarimono masuak ka rumah gadang awak? Atau kok bukan mamanda nan sadang tagak
manarimo tamu, mamanda sadang digantian dek pagawai mamanda nan anak kamanakan
awak juo. Indak jauah salidiakno, ditarimo no pasangan kumpua kabau sato lalok
ka rumah awak. Lai ka batangguang jawab mamanda kiro-kiro dunia akhiraik?'
Tapacak paluah ambo. Taparangah ambo. Masih dibadaino juo ambo baru. Jo
musibah nan tibo siliah baganti ka nagari awak. Jo paringatan sistimatis nan
didatangan Allah ka nagari awak. Rumah gadang di Paga Ruyuang tabaka. Gampo nan
marusak musajik sabalik nagari. 'Lai takana di mamanda nagari awak ko ampia di
londong galodo taun 1978. Ampia, sabab tasubarang saketek galodo arah ka ujuang
( timur) nagari awak. Di paserak-an Tuhan Allah batu sagadang-sagadang meja
rato ka ateh bumi katiko itu. Baa kok itu ditiboan Allah ka kampuang awak?'
Tatanang ambo. Itulah sababno manggaretek tulang ambo. Indak pandai ambo
babicaro banyak dalam urusan kapariwisataanko lai nan samantaro iko kini.
Padohal dulu, sabalun di banai dek anak kamanakan amboko sabana basumangaik
gadang ambo.
Itulah. Ambo sabana sadang di pasimpangan jalan nan sabanta iko kini.
Mudah-mudahan Allah maagiah pitunjuak kabadan diri ambo nan labiah elok.
Wassalamu'alaikum
St. Lembang Alam
----- Original Message ----
From: hanifah daman <[EMAIL PROTECTED]>
To: [email protected]; MAPPAS MAPPAS <[EMAIL PROTECTED]>
Sent: Friday, October 26, 2007 3:05:15 PM
Subject: [EMAIL PROTECTED] Andai Rumahku Jadi Home Stay
Andai Rumahku jadi Homestay
Setiap saudara yang pulang
Setiap tamu yang datang
Ingin datang dan datang lagi
Ingin nginap dan nginap lagi
Di rumahku Sungai Tanang
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Jika anda, kirim email kosong ke >>:
berhenti >> [EMAIL PROTECTED]
Cuti: >> [EMAIL PROTECTED]
digest: >> [EMAIL PROTECTED]
terima email individu lagi: >> [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
-~----------~----~----~----~------~----~------~--~---
