Assalamualaikum ww Dinda,
Selingan dulu saketek. Takana dek ambo wakatu ketek, etek ambo Naimah maimbau
'tuan' ko ka Ayah ambo, H. Baharoedin Thaib Soetan Saidi. Wakatu tu tantu sajo
ambo heran, karano di Padang Panjang 'kakak' biasonyo diimbau jo 'uwan', Ambo
kiro wakatu tu 'tuan' mungkin asa dari 'uwan' atau 'uwan' singkatan dari
'tuan'. Tapi nagari asa inyiak ambo Saora memang dari Galuang., Agam. Ambo
indak panah ka Galuang tu doh, ambo labiah banyak ka Kajai, Kampuang Dalam,
Pariaman.
Jadi kalau soal katurunan, dalam badan ambo ko ado tigo asa darah: Tanah
Data (gaek ambo, Hamzah, suami dari Anduang Siti Fathimah), Agam (bako ambo,
dari fihak Ayah), dan Pariaman ( Anduang Siti Fathimah). Dijamin 100% Minang.
Mungkin iko juo sababnyo manga ambo labiah tatarik kapado Minangkabau
sacaro manyaluruah [= supra nagari] daripado ciek-ciek daerah. Itu pulo nan
ambo tekuni sajak tahun 1966 sampai kini. Itu juo nan manyababkan ambo mancari
perangkat lunak komputer nan bisa mancari jajak saluruah niniak muyang ambo,
baiak dari fihak Ayah maupun dari fihak Mak. Alhamdulillah, alah basuo, yaitu
'Family Tree Maker', nan alah ambo lewakan di RN ko. Kalau diizinkan Allah swt,
tahun muko -- sasudah ambo indak sasibuk kini bana lai -- taniaik dek ambo
untuak mulai manyalasaikan ranji/silsilah ambo ko, sambia ba-'wisata' ka
nagari-nagari asa niniak muyang ambo tu. Btw, kok ado nan tahu jo silsilah
Inyiak Ambo Saora di Galuang, tolong agiah tahu ambo.
Sakadar catatan nan paralu ambo sampaikan maingek pangalaman
'baminang-minang' salamo 41 tahun, dalam kunjungan 'wisata pribadi' ko nanti,
ambo indak paduli soal sako jo pusako tipak Ayah jo Mak ambo, karano sajak
jolong Anduang, Mak ambo jo ambo labiah ingin ma-'naruko' sandiri,
baketek-ketek, daripado mamparabuikkan harato pusako. Kini ambo sabana sadiah,
mancaliak saluruah harato pusako Inyiak dan Ayah ambo di Silaing Ateh alah
'dikaroyok' dan dijua habih dek datuak suku Koto, suku baliau. Tiok pulang,
nampak juo rumah Inyiak ambo di tapi jalan, nan alah dijua ka Pemda Padang
Panjang. Nan dapek ambo lakukan kini hanyolah sakadar maminta ka Pemda Padang
Panjang, supayo SD nan ka dibuek di ateh tanah Inyiak ambo tu diagiah namo "SD
Saora", sabagai kenang-kenangan ka baliau.
Baiaklah, 'kembali ke lap top'. Kini babahaso Indonesia baselang seling jo
bahaso Minang . Secara pribadi saya memang mengharagai peran RN ini. Melalui
wacana yang kita lakukan secara santun dan patut, kita sudah bahas dan
nampaknya secara informal kita sudah bersepakat -- walau tentu tetap ada yang
belum sepenuhnya sepakat -- mengenai bermacam-macam hal, dari masalah nan
mendasar saparati soal ranji dan silsilah dan soal ABS SBK sampai nan basifat
praktis saparati mambantuak MPKAS dan MAPPAS. Potensi konstruktif tu bukan sajo
paralu kito paliharo, tapi juo paralu kito kambangkan.
Saya sangat setuju dengan pendapat Dinda, bahwa dalam berwacana di RN kita
perhatikan benar-benar tata krama menurut adat dan budaya kita, sehingga kita
nyaman dalam mengemukakan pendapat. Jika tidak demikian, apalagi kalau
kata-kata yang digunakan adalah kata-kata yang menghujat atau menyindir sinis
secara pribadi, saya khawatir RantauNet yang diikuti oleh demikian banyak
perantau di seluruh dunia ini secara pelan-pelan bisa merosot menjadi
'ParemanNet' atau 'ParewaNet'. Dalam hubungan ini, kita kan mempunyai banyak
pedoman untuk berkomunikasi, antara lain tentang 'kato nan ampek'. Walau ada
sisi-sisi adat Minangkabau yang saya kritisi dari perspektif Islami, saya masih
seorang Minangkabau dan mencintainya dengan sepenuh hati.
Kalau Dinda berminat, saya undang Dinda untuk hadir di Jakarta dalam
diskusi panel tentang Perang Paderi, 1803-1837, yang akan diselenggarakan Arsip
Nasional sekitar medio Januari 2008. LKAAM Sumbar dan MUI Sumbar sudah setuju
untuk mengirim utusan. Seperti kita ketahui, banyak masalah Minangkabau yang
kita hadapi sekarang -- khususnya tentang ABS SBK -- berasal dari kurang
rincinya dan belum tuntasnya perjanjian perdamaian Piagam Bukik Marapalam tahun
1837, di akhir perang saudara tersebut.
Terlebih terkurang mohon maaf.
Wassalam,
Saafroedin Bahar
----- Original Message ----
From: mak Ban <[EMAIL PROTECTED]>
To: [email protected]
Sent: Saturday, November 3, 2007 8:30:39 PM
Subject: [EMAIL PROTECTED] Alhamdulillah (was Re: [EMAIL PROTECTED] Re:
Kesalahan berulang.)
Alhamdulillah
Tarimokasi tuan Saaf.
Tuan Saaf ( kami di agam ba "tuan" = uda) parnyataan tuan ko sabana tapek dan
padek.
Iko bana misi Rantaunet. Pandapek kito dikatangahgan, indak dipasokan,
disampaikan jo tutur
kato
nan baradaik, indak mamasokan, indak manyingguang pribadi diadok'an
rang rami. Jikok ado nan tagisia, dijalehkan, dipatanyokan apo mukasuk
sabanano. Kok jaleh ado nan salah, lansuang bama'afan.
"Kusuik-kusuik bulu ayam"
Indak capek baganyi, apolagi baranti dari RN. Mari kito jadikan Rantaunet
"rumah gadang" rang Minang di alam maya.
'mak Ban ( A Bandaro, 57thn)
bogor
~~~~~~~~~~
----- Original Message -----
From: Dr.Saafroedin BAHAR
Waalaikumsalam w.w. Bundo,
Tarimo kasih ateh komentar Bundo, nan marupokan sitawa jo sidingin tu.
Agak
taubek juo hati ambo saketek. Ambo sangat maharagoi peran RN ko, sabagai forum
basamo dima kito-kito
nan di Rantau ko, baiak tuo maupun mudo, bisa babagi info, karisauan, jo
gagasan. Manuruik panglihatan ambo kalau dipakai sacaro elok, banyak manfaatnyo
dalam manyalasaikan masalah-masalah kito basamo. Takana juo
dek ambo, sabagai misal, baa kito pelan-pelan sapakaik untuk manggunokan
software 'Family Tree Maker' untuak mambantu mambuek ranji untuak
mancatat garih katurunan matrilineal adat Minangkabau sakaligus untuak
mandukuang panyusunan sisilah manuruik nasab patrilineal Islami. Ambo raso iko
tarobosan historis nan kito bangun basamo-samo, sacaro santun. Bukan
main indahnyo.
Kalaupun kito alun bisa sapakaik tantang suatu hal, sarupo masalah 'ABS
SBK', paliang indak wawasan kito dipakayo dek pamahaman kito taradok pandangan
para dunsanak kiti nan lain. Dima kito indak atau alun
basapakai, kito pakai sajo ajaran 'fastabiqul khairaat', balomba-lomba kito
mancari kabaikan, sarupo nan diajakan dek agami kito, Islam.
Insya Allah ambo indak kabaganyi doh. Ambo akan tatap satia mengikuti
wacana di RN, dan sasakali akmbo akan turun juo ka 'galanggang' untuak
kamajuan Ranah nan kito cintoi. Kini ko ambo sadang sumangaik-sumangaiknyo
mandorong program 'homestay atau 'pondok wisata', nan ambo 'posting' sabalun
iko.
Silakan Bundo caliak.
Taradok apo nan tajadi alah lalu, alah ambo maafkan. Ambo bukan tipe
urang pandandam, bukan sajo karano mandandam tu dilarang dek agamo kito, tapi
juo dek karano mamandan dandam itu marusak diri kito surang. Sasudah ko
kito bukak halaman baru, sasuai jo inti hakikat Idul Fitrie.
Salamaik Hari Rayo untuak Bundo jo pak Rumzi. Maaf Lahia jo Batin.
Wassalam,
Saafroedin Bahar (70+2+4)
Hayatun Nismah Rumzy <[EMAIL PROTECTED]> wrote:
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Jika anda, kirim email kosong ke >>:
berhenti >> [EMAIL PROTECTED]
Cuti: >> [EMAIL PROTECTED]
digest: >> [EMAIL PROTECTED]
terima email individu lagi: >> [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
-~----------~----~----~----~------~----~------~--~---
