Assalamu'alaikum Ww. Dengan iko izinkan ambo mambarikan "resensi" kok kato urang koran, sabagai apresiasi ka masuaknyo Mamanda Zulhendrif A Bandaro Labiah ka dalam kancah musik pop Minangkabau dengan dibuek-nyo Album dengan Title BANIAH nan mamuek 10 lagu dengan didukuang oleh babarapo namo nan indak bisa diliek jo sabalah mato di blantika musik pop Minangkabau.
Dengan saluruah karandahan hati dan kekurangan ambo hanyo sabagai urang Minang satangah rantau satangah ranah ( 18 tahun di ranah dan 15 tahun di rantau ) nan indak punyo pendidikan musik formal , cuma pernah masuak Program Studi Instrumentasi nan indak punyo hubungan jo musik. Tetapi mungkin babarapo pengalaman dan pergaulan jo urang nan bermusik idealis akan saketek mambari nuansa di 'resensi' iko dan resensi iko marupokan pandapek pribadi subjektif namun sebisa mungkin akan ambo buek ka arah objektif. Dimulai dari profil Mamanda Z Bandaro Labiah nan ambo tau, sebagai saurang nan mangaku gadang di rantau dan berprofesi sabagai urang babelok, baliau mampunyoi kemampuan batutua petatah petitih nan cukuik "mumpuni" dan diaktualisasikan sabagai pangasuah acara "Bagurau di Udaro" di salah satu stasiun radio plat merah di Ranah Pasundan. Dan dari acara tasabuik baliau di sanjuang dan diminta dek penggemar-baliau untuak rekaman, dan album Baniah iko marupokan bukti keseriusan baliau untuak mamanuhi keinginan para fans. Dari sapuluah lagu nan ado sadonyo marupokan lagu karangan baru nan jikok diliek dari tema cukuik variarif, dari lagu bertema sentimental, tema lelucon-kritik sosial (Pegawai Kuli), tema nasehat anak dagang (Pasan Rumah Gadang), dan babarapo mendeskripsikan ranah minang ( Ranah Galanggang di lagu Baniah) namun sebagian besar masih alun berpindah dari pakem Lagu Pop Minangkabau Standar yang cenderung sentimental. Sebagai satu produk pop hal iko marupokan nilai kuat untuak mamanuhi pasar lagu pop minang nan punyo 'ceruk' terbatas dalam perkembangan permusikan Indonesia, dalam arati kemungkinan lagu-lagu iko ditarimo oleh urang awak tetapi alun tantu ditarimo dek urang Indonesia sacaro umum sabagaimana Cik Uniang Elly Kasim di maso tahun 70-an. Namun ado salah satu ciri khas Bandaro Labiah salamo iko nan indak taliek dari tema-tema dalam album iko nan mungkin labiah manjua yaitu mambarikan lirik dengan petatah-petitih atau pantun-pantun yang rancak dan orisinil sarupo nan baliau baokkan di ranah on air, babarapo nan ado sarupo... kok nyampang ijuak manjadi tali.. usah lupokan anau di ladang kok nyampang isuak lai rasaki tajajak juo tanah galanggang.. ondeh kanduang oi.. itu labiah manggigik dibandiang lirik-lirik lagu lain nan "biaso" dan banyak di dapek di lagu-lagu Minang Pop lain, dan keterbatasan tema dan pakem harusnyo bisa mambuek banyak vasiasi-variasi lirik yang menarik. Mungkin keterbatasan lirik tersebut labiah rancak dibuek sandiri dek Bandaro Labiah dengan mambuek dulu lirik-nyo dan mambarikan musik kapado nan biaso sarupo krajo samo Taufik Abdullah dengan Ian Antono dalam babarapo lagu. Dari sisi musikalitas, Bandaro Labiah mancubo ma-akomodasi ampia sadonyo sisi instrumen klasik dan semi klasik Minang baiak itu Bansi, Saluang, Talempong, Sarunai, Tambua dan juo mamakai instrument modern sarupo Keyboard,saxophone,akordeon dan ado nan mamakai nuansa vibraphone ala lagu Kawanua di lagu Ayam Sikua. Dan juo mamakai variasi jenis lagu ado nan lagu mendayu-dayu ala saluang (kasiah bak duri dalam dagiang), lagu ala dendang pauah, ala gamad (Maetong Parasaian), dan bahkan mamakai nuansan bosas (Ganggam Pituah) dengan variasi saxophone. Namun lagi-lagi garitiak instrumentasi klasik-nyo tadanga tangguang antaro klasik jo pop ..misalnyo di lagu Baniah instrument bansi pado intro dan coda sacaro umum maambiak irama musik pangiriang salah satu tari, baitu pulo sarunai pado lagu Ganggam Pituah nan saliek sarupo musik pangiriang tari Pasambahan sabalun masuak ka musik ala Bosas..seakan taputuih antaro duo musik babeda pakem, akan labiah elok mamakai caro salah satu lagu nan dibaokkan Gamawan Fauzi di ma awalnyo guritiak saluangnyo pakek taruih pas masuak vokal baransua pupuih dek bunyi keyboard, atau mamakai caro lagu Sayangi Denai - Elsa nan mamakai biola sabagai pangganti saluang jo instrument klasik. Sacaro umum pakem minang standar nan dianut dek penata musik dan aranjer mungkin masih mambuek album iko standar dari sisi musikalitas di maso nan akan datang paralu dibuek variasi-variasi baru dan mambaok pemain-pemain baru nan mungkin akan mambarikan nuansa baru nan ditarimo pasa. Khasanah penyanyi Minang pop memang memberikan kesempatan kepada vokalis-vokalis baru yang mempunyai ciri khas masing-masing, dan guritiak lagu Minang memang mambarikan bateh imajiner untuak mambarikan identitas Keminangan lagu tersebut, namun asimiliasi dan pengaruh dari lua daerah tatap juo dapek dipakai untuak maisi dan manambah perbendarahaan khasanah musik Minangkabau, antah singajo atau tidak guritiak dan cengkok Minang itu saling bapangaruah dengan cengkok Melayu sacaro umum tamasuak cengkok lagu Batak, Melayu Sumatera Timur, Melayu Sumsel dan lain-lain... misalnyo cengkok nan dibaokkan dalam lagu Pasan Rumah Gadang, kalau diinok-inok-kan ba mirip-mirip ko cengkok lagu Batak misalnyo di cuplikan Lirik "RUmah nan gadang usah di liek lengahkan sajo..." -----/----/\ walau sacaro umum masih dalam koridor guritiak lagu Minang dek dibaok dek musik melodi bansi dan talempong. Sabalun kasimpulan , kito mungkin maliek fenomena Kangen Band nan meroket di dalam musik pop Indonesia walau dinilai oleh pengamat musik tidak memiliki musikalitas yang mumpuni, tetapi baitulah industri musik nan diliek memang bukan cuma musikalitas tetapi juo popularitas dan pasar. Nah banyak kelebihan dalam album iko nan bisa dinikmati dek pencinta musik pop Minangkabau untuak mamanuhi hasrat untuak mandapekkan hiburan yang menghibur karena kaset ini mambarikan sentuhan nan lengkap bak Gado-gado Padang. Dan akhirnyo "Welcome to Minangkabau Popular MusiC Mr Bandaro Labiah" . Wassalam Z Chaniago - Palai Rinuak -- Z Chaniago - Palai Rinuak Ka ganti sawah jo ladang : --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
