Assalamulaikum WW.
Jikok buliah ambo sumbang saran saketek, sudah tantu dari suduik pandang ambo urang dilua kaduo acaro nantun. Ambo sangat kagum dan sangat manyokong pelaksanaan kaduo acarako, sabok iko akan menghasil sesuatu nan dapek mangangkek keberadaan urang awak dipentas nasional. Ado ciek nan alah malakek diurang awak, paliang indak alah banyak nampak sacaro jaleh dimato awak. A nan ciek nantun, iyo nan pernah jadi footer di milist ko: urang awak bisa samo bakarajo, tapi indak bisa bakarajo samo. SSM 2007 alah manampakan bahaso hal itu indak bana, dan dapek dibatah oleh panitia pelaksana, tamasuak penggagas tantu, jo alah talaksanano acara SSM 2007 dengan sukses. Kini tantu nan paralu adolah mampatahankan apo nan alah dicapai tu. Mampatahankan tantu jo malakukan tindak lanjut dari hasil pertemuan nantun. Kudian tantu juo mampacaliakan ka urang rami bahaso SSM itu sangat banyak gunono. Jadi kini guno atau manfaat iko nan harus dikatangahkan atau dipacaliakan ka masyarakat luas. Manuruik pandapek mbo, rancaklah apo nan kadiadokan di Palembangko, supayo dimanfaatkan dek penggiat dan penggasa SSM2007. Misano diangkat bahaso nan di Palembangko adolah salah satu dari manfaat SSM2007. Nan di Palembangko adolah langkah berikut dari SSM 2007. Jadi sarancakno acarako iyo didukuang dek SSM2007. Sadapekno indak didukuang sajo doh, tapi disinergikan jo SSM2007. Jadi janlah dianggap nan di Palembangko sebagai saingan ataupun sebagai ikut-ikutan atau latah. Jadi kini iyo paralu bana dipagunokan kesempatanko mampacaliakan bahaso nan sabanano urang awak itu busa bakarajo samo. Urang awaktu bisa saliang mendukuang. Jikok iyo kemampuan urang awak dapek disinergikan, tantu akan dapek sesuatu nan dapek manjujuik tinggi kekuatan tru, malah bisa mahoyak dunia perbisnisan nantino. Dek baitu, ambo iyo kurang satuju, kalau nan di Palembangko badiri sandiri, apo lai diagiah namo lain sebagai Pernas (Pertemuan Nasional) Saudagar Minang. Paliang indak nan di Palembangko dinyatokan adolah adiak dari SSM 2007. Misano jo namo nan manunjuakan saliang mandukuang ciek jo nan lainno. Mampacaliakan bahaso nan di Palembangko adolah langkah barikuik dari SSM2007. Baa jikok dinamokan sajo nan di Palembangko jadi Temulanjut Saudagar Minang Nasional. Atau dijadikan sebagai persiapan untuak SSM2008 di Padang nantik. Sagitu dulu nan takana diambo dipagiko, mudahan ado manfaatno untuak kito basamo. Bari maaf ambo jikok ado kato nan indak talatak ditompaikno. Wassalam WW Darul M St. Parapatiah P Save the earth, please consider the environment before printing this e-mail _____ From: [EMAIL PROTECTED] Sent: Wednesday, November 14, 2007 5:46 PM Assalamu'alaikum,wr,wb. Manyalo saketek untuak team penggagas. Dari 3 kali rapek itu, apo ado dibahas rencana nan alah jadi wacana nan dilontarkan dek mamak kami urang Minang di Sumsel tentang event di tahun 2008 tapeknyo pado bulan Mei seperti apo nan tercantum di leaflet kami nan kami bagikan diakhir SSM2007. Terkesan usulan dari mamak kami itu tidak ado kelanjutannyo, sementaro beliau sudah berkorban wakatu untuak hadir baiak moril maupun materil pado SSM2007 nan lalu. Mohon dapek disampaikan kongklusinyo, apo wacana tersebut dapek ditarimo team penggagas atau ado solusi lain sehubungan dengan alah dimentahkannyo pidato mamak kami tersebut pado acara pembukaan oleh JK nan mengharokkan SSM tetap barado di kampuang halaman. Apokah solusinyo pado event Mei 2008 tu kito bukan manamokan SSM2008 tapi Pertemuan Nasional Saudagar Minang (Penas Saminang) atau namo dan istilah lain ? Tolong team penggagas memberikan solusinyo. Samantaro team penggagas barundiang, kami mengharokkan dunsanak2 saudagar ko dapek hadir pado acara Halal Bi Halal dan Silaturrahmi Masyarakat Minang Sumatera Selatan di bawah koordinasi BMKM pado hari Minggu tgl 18 Novemebr 2007 jam 09.30 s/d 13.00 WIB bertempat di Griya Agung (Istana/kediaman Gubernur Sumsel) dengan Gubernur Sumbar dan akan diisi tausiah oleh Pak Ir.Azwar Anas serta hiburan artis dari Padang + Sutan Bandaro Labiah dari Bogor. Wassalam, HM Dt.Marah Bangso (50+) Ketua Bid.Humas dan Promosi Penas Saminang 2008 di Palembang --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
