Waalaikumsalam wr wb.
Sanak Wita, tadinyo ambo menyarankan untuak mangadu ka polisi, dengan
pertimbangan polisi labiah netral (karano aparat pusat) dibandiangkan kapalo
desa nan urang situ jg.
Tapi kalau memang ado asumsi polisi takuik manyalasaiakan masalahko ...,
antah kama lai awak ka lari.
Memang iko suliknyo kalau lah berhadapan jo massa.
Riri 45++
Wita Abdin <[EMAIL PROTECTED]> wrote:
Assalaamu'alaikum wa Rahmatullaahi wa Barakaatuhu,
Tarimo kasih banyak ateh ulasan sanak Z. Chaniago nan panjang leba tantang
masalah buru babi ko. Nampaknyo dari ulesan tu, tanyato PBB ko ado manganut
adab baburu sagalonyo. Tapi di salah satu kampuang swhluntosjj, adab tu ndak
dipakai doh, masuak kapakarangan urang sagalo, malahan marusak rumah penduduk
setempat, karano indak setuju diadokan dibalakang rumahnyo. Bayangkan sajo ado
kiro2 150 urang jo anjiang2nyo saratonyo oto2 pick-up, honda, sapeda, sadonyo
parkir dipakarangan rumah urang tu. Sabagian anjiangnyo dikabeknyo di teras
rumah urang tu. Rumah tu kabatulan kosong karano nan nan punyo rumah jo
keluarganyo sanang bakunjuang katampek dunsanak lain nan indak jauh dari rumah
tu. waktu pulang, nampak banyak urang dirumah tu. Iyo agak berang juo salah
surang anak punyo rumah tu ka urang2 nan sadang baburu tu, samantaro anggota
keluarga nan lain alah takuik kalau massa nan sadang baburu tu babaliak
mangaroyok urang tu sakaluarga. tanyato batua, bacaruik2lah sabagian
anggota buru tu, samantaro saluruah anggota kelurga tu bagageh manutuik pintu
jo jendela. Mulailah massa maampok rumah jo batu, ka atok, kaco nako pacah
ciek. Ndak lamo sudah tu barulah sekretaris dari PBB setempat, malarai massa
nan sadang berang tu, dan akhirnyo sekretaris tu berhasil membubarkan
anggotanyo. Iyo sabana cameh saisi rumah keluarga tu, baa ka indak, dikaroyok
massa 150 urang?
Abis tu, sekretaris tu mangecek ka salah satu anggota keluarga tu bahwa untuak
nan kadatang biakan sajolah kan untuak kabaikan basamo, karano kalaupun
dikadukan ka polisi, preman2 tu akan malawan polisi, jadi polisi indak namuah
manangguang resiko doh.
Sarupo kato sanak Riri dilapor ka polisi sajo, kalau urusannnyo alun salasai.
Kalau dikampuang ko, kecek kabanyakan urang disitu, awak indak bisa manggunokan
"utak" doh, inyo pakai "ladiang" sajo. Baa kabaa mandanga "ladiang" tu, tantu
takuik juo keluarga tu jadinyo kalau ka dilaporkan kapolisi, wakatu itu iyo
banyak anggota2 buru tu nan mambaok pisau. Nampaknyo yo kampuang tu sarupo di
"rimbo" sajo lai, sia nan bagak itulah nan manang, nan panakuik jo "ladiang"
tapaso manuruik sajo lai. Kalau baurusan dikota iyo awak bisa pakai "utak"
indak pakai "ladiang" doh, seloroh urang kampuang disitu pulo.
Kato sanak Z.Chaniago, patangguangjawabnyo ka Tuo Buru atau ka Panitia Buru.
Keluarga tu alah mangecek jo sekretaris buru, malahan sekeretaris tu mambela
kalau banyak urang2 pantiang nan ikuik sato buru babi ko. Tapi apokah urang2
pantiang tu mambuliahkan baburu karumah2 panduduak tanpa saizin urang rumah dan
semena2 sajo dipekarangan balakang rumah urang tu. Itu nan indak abis pikia dek
keluarga tu. Apokah back-up dari "urang2 pantiang" tu bisa man-justifikasi
kagiatan tu nan sabananyo alah malanggar "adab" , spt maikek anjiangnyo
digarende pintu jendela teras muko rumah urang tu, parkir oto, sapeda, honda
diateh rumpuik jo tanaman2 urang rumah tu, dst...kalau ditaruihkan bisa panjang
list-nyo.
Mudah2an sajo urang2 kampuang disitu barubah handaknyo, supayo iyo
tawujuik"Baldatun Thayyibatun, wa Rabbun Ghafuur" dikampuang tu, nan bana2
mamatuhi peraturan, baiak paraturan manusia (pemerintah), maupun paraturan
Allah SWT dan RasulNya. Amiin Ya Rabil 'Aaalamiin.
Wassalam
Aswita
On Nov 26, 2007 10:38 PM, Riri Chaidir <[EMAIL PROTECTED]> wrote:
Waalaikumsalam wr wb.
Manuruik ambo, inti masalahnyo bukan soal perda atau ijin pemerintah ttg buru
babi.
Inti masalahko adolah: Ado urang masuak ka suatu pekarangan, tapi nan punyo
ndak manarimo. Lah diprotes, malah jadi ribuik.
Jadi kalau rasonyo masih alun salasai, tingga lapor. Kalau rasonyo unsur
pidananyo nan ka ditonjolkan, yo ka polisi.
riri (45+)
Wita Abdin wrote:
> Assalaamu'alaikum wa rahmatullahi wa barakaatuhu, Dunsanak Yth, Ambo mohon
> info tantang kegiatan buru babi di kebanyakan kampuang2 kito, sarupo di
> Sawahlunto Sijunjuang, dlsbg. Sajauh ma kegiatan ko diizinkan oleh pemerintah
> untuak beroperasi, apokah ado PERDAnyo atau badan hukum sagalanyo nan
> mandukuangnyo. Apokah kelompok nan ikuik buru babi itu dibuliahkan mamasuki
> pekarangan rumah urang nan bapaga, tanpa maminta izin dulu ka nan punyo
> rumah. Dima2 sajo kelompok iko dizinkan baoperasi, apokah dilingkungan rumah
> penduduk atau ditampek2 nan masih agak barimbo nan dipakirokan banyak
> kandiaknyo disitu.
> Terakhir patanyaan ambo, kalau tajadi persengketaan antaro urang punyo rumah
> jo babarapo urang tertentu nan ikuik buru babi tu, kama sabaiaknyo malapor,
> apo ka Kades, ka Polisi,? Persengketaan disiko maksudnyo, salah satu anggota
> rumah ndak setuju dengan adonyo buru babi dirumahnyo tanpo minta izin dulu.
> Lalu kelompok urang2 nan sato buru babi tu, berang sajadi2nyo, sampai malempa
> rumah jo batu gadang, tapi alhamdulillah lai ndak ado korban doh. Apo
> sabananyo tangguang jawab kades thd PBB iko
> Tarimo kasih sabalunnyo. Wassalam Aswita
>
>
____________________________________________________________________________________
Never miss a thing. Make Yahoo your home page.
http://www.yahoo.com/r/hs
---------------------------------
Be a better pen pal. Text or chat with friends inside Yahoo! Mail. See how.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
