Assalamualaikum w.w. Sanak Lembang Alam jo Nanda Wita, Tarimo kasih ateh panjalasan Sanak tantang ajaran Al Quran soal administrasi hutang piutang ko. Dalam palaksanaannyo nampaknyo labiah mudah dalam bidang perdagangan daripado dalam hubungan bakawan atau badunsanak. Alah panah ambo cubo sakali malaksanakan praktek ko sekedar untuak catatan administratif, akibaiknyo hubungan pribadi indak baelok sasudah itu, karano ditafsirkan sabagai indak picayo. Jadi kamari susah.
Mungkin rancak kalau ajaran Al Quran tantang administrasi hutang piutang ko kito seba-lawehkan (sebar-;luaskan) selain untuak melaksanakan ajaran Al Quran juo untuak mancagah sanak kito mambuek doso dek indak mambaia utangnyo. Sanak ambo Syahrul Udjud SH maagiah nasihat nan praktis sebagai jalan kalua, yaitu 1) jan bahutang; 2) jan bapiutang. Jadi baa kalau ado kawan satau sanak paralu bana jo pitih ? Agiah bantuan atau paragiah, saparalunyo sajo nan indak usah inyo bayia. Kok inyo kamaminjam sajuta, misalnyo, agiah sajo saratuih ribu. Sisanyo bia diusahokannya ka nan lain. Jadi indak ado hubungan hutang piutang. Sakadar garah, ambo sampaikan ka pak Syahrul Udjud : "Baa mako indak sajak dahulu ba agiah tahu ka ambo? " He he. Wassalam, Saafroedin Bahar Muhammad Dafiq Saib <[EMAIL PROTECTED]> wrote: Wa'alaikumus salaam wa rahmatullaahi wa barakaatuhu Khusus pakaro bautang piutang, sabanano ado tuntunan al Quran bana supayo dilakukan sacaro tatulih dan ado saksi, duo urang laki-laki atau ciek laki-laki ditambah duo padusi. (Al Baqarah ayat 282). Iko untuak maindaan jaan sampai tajadi 'kicuah mangicuah' sasudah utang piutangtu tajadi. Jadi mampabiyaan sajo sagalo utang, ka diabayiano jadih kok indak, indak baa bukanlah caro bapikia nan positif sabanano. Apo lai kalau awak alah punyo pangalaman nan bahaso 'seseorang' punyo bakaik untuak mangicuah, bautang sudahtu indak amuah mambayia. Baarati awak sato manolong mamfasilitasian no untuak mabuek doso (mangicuah). Jadi musti bajaleh-jaleh. Kalau iyo memang kadirilahkan sajo, sajak mulo dijalehan bahaso iko adolah paragiahan. Namun kalau ado urang barutang, nyato awakno indak sanggup mambayia, dirilahkan di awak, itu ado pulo tuntunanno di ayat 280 surek Al Baqarah. Mudah-mudahan bamanfaat... Wassalamu'alaikum, Lembang Alam ----- Original Message ---- From: Wita Abdin <[EMAIL PROTECTED]> To: [email protected] Sent: Saturday, December 1, 2007 6:21:35 AM Subject: [EMAIL PROTECTED] Re: Indahnya Berpikiran positif Assalaamu'alaikum wa Rahmatullahi wa Barakaatuhu, Iyo batua kato Pak Syaf tu bahwa berpikir positif itu kadang ado negatifnyo. Contohnyo abak ambo wakatu masih manggaleh dulu, urang suko barutang, barang diambiak sajo tanpa dibaia, dan katonyo dibaia bulan muko, ditunggu bulan muko, indak juo, malahan nambah utang baru, dan abak ambo pun ndak namuah manyurekkan pulo dibuku utang piutang. Kato abak pulo ka kami, bialah kalau ado pitih urang tu dibaianyo nantik tu, kini yo inyo sadang tasapik pitih. Namun dari nan banyak nan barutang tu, saketek nan mambaia utangnyo ka abak ambo. Kami suko batanyo : abak, urang tu utangnyo apo alah dibaianyo atau alun. Abak ambo mangecek, bialah tabuangan ka awak nanti di akhirat. Abak ambo ndak panah mangana utang2 urang tu. Apokah iko sikap positif pak Syaf atau sikap mangalah sajo. Sampai2 kini nampaknyo kakak ambo ampia samo sikapnyo ka urang nan barutang, indak pakai pambukuan, kadang lai dimintak utang tu, tapi kabanyakan dilupokan sajo, bialah urang tu ndak bapitih doh. Cubo dibaokan pulo ka awak disaat ndak bapitih, tantu kito kabarutang juo kaurang kato kakak ambo pulo. Alhamdulillah kadai kakak ambo lai bakambang tapi iyo ndak samastinyo dibandiangkan urang nan barutang, isi kadainyo labiah banyak dari kakak ambo nan mautangkan barang2 galehnyo ka urang tu. --------------------------------- Be a better sports nut! Let your teams follow you with Yahoo Mobile. Try it now. --------------------------------- Never miss a thing. Make Yahoo your homepage. --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount =============================================================== -~----------~----~----~----~------~----~------~--~---
