Assalamu'alaykum Warahmatullaahi Wabarokaatuhu, Alhamdulillah, sacara indak sangajo tacapai juo keinginan Ambo basuo jo urang-urang tuo RantauNet. Hari ahad patang, katiko pai sholat Shubuah di Mesjid Muttaqin - Duri, sebelum sholat di mulai pengurus mesjid maagiah tahu kalau akan ado kultum dari seseorang (pengurus lai manyabuikkan namo), tapi dek ambo masih di jalan indak jaleh bana sia nan ka maagiah kultum. Nan ambo ampia pulo masbuq (dek rumah indak pulo dakek bana ka Mesjid do), masuak Mesjid urang baru salasai iqomah.
Salasai sholat jo bado'a, tagak lah baliak pengurus Mesjid maulang nan cako jo maagiah tahu namo Pak K. Suhaimi. Mak...langsuang nyalang mato ambo, dapek juo mandanga ceramah dari beliau langsuang mah. Suaro beliau lembut dan tegas. Ceramah beliau mulai jo awal surat At-Tiin. Lengkap jo penjelasannyo...ditambah pulo jo proses reproduksi dan bermacam-macam istilah ilmiah lainnyo yang disampaikan beliau jo bahaso sederhana, sahinggo ambo nan indak pandai-pandai bana jadi mangarati pulo. Beliau juo manyingguang soal lafadz Allah Ta'ala dan Muhammad SAW yang basobok pado jawi nan dipotong di PMC Pakanbaru beberapo hari sebelumnyo. Walau sabananyo indak ado sesi tanyo jawek, tapi ado pulo jamaah nan batanyo. Beliau jawab dengan tangkas dan lugas khas Pak K. Suhaimi. Tantang korelasi antaro kemaksiatan dan azab Allah Ta'ala berupo bencana alam. Sayang sekali beliau harus ka Pekanbaru pagi tu, padahal jama'ah lah minta diperpanjang ceramah beliau. 'Ala kulli hal...ceramah beliau nan singek tersebut, menimbulkan kesan yang dalam bagi (minimal) ambo pribadi. Amat mencerahkan sekali, bahkan bagi urang awam agamo jo masalah umum saroman ambo. Indak lupo ambo mananyokan ka beliau katiko ceramah lah usai, ba'a mako lah lambek pulo indak ado postingan baru beliau di RantauNet.. Ambo masih manyimpan obsesi untuak basuo jo urang tuo kito nan lain di RantauNet ko, saroman Ayah Syaf , Pak Chaidir, Bundo Hayatun, Mak Dafiq Saib, Mak Darul jo nan lain-lain nan punyo kepedulian terhadap minangkabau ... Wassalamu'alaykum Warahmatullaahi Wabarokaatuhu, -- Afdal Rizki,29+ --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Selalu mematuhi Peraturan Palanta RantauNet lihat di http://groups.google.com/group/RantauNet/web/peraturan-palanta-rantaunet - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount -~----------~----~----~----~------~----~------~--~---